朝 (已結業)

係金沙城中心工作完，諗住搵野食～見到有間店舖，門面裝修得好靚，就試試佢啦～入到內面，好空曠，唔好有逼的感覺，而且裝修得好靚好中式，令人感覺舒服加分！總共叫左五款菜式，鳥巢個碟係送的頭盤，我想話佢雖然係係送的，但都好高質，好好味！視覺味覺都係享受的其他五款菜式都係好質素的，色、香、味俱全，份量適中。當然價錢並非一般的，都係算較高消費。不過佢的食物配合埋店舖環境，裝修，加埋一流的服務，都算值呢個價位的。