影片
更多
2025-06-06
0 浏览
去到澳門旅行，冇理由唔食葡國菜呀～雖然澳門有好多間葡國菜，但唔係間間都好食 。於是上咗OpenRice搵，見到間多人收藏又靚嘅餐廳 。入到去好有澳門風格嘅設計，牆嘅下半部份全部都係澳門特色嘅牆磚，成個燈光氛圍都好有情調，好舒服又浪漫🥰呢間餐廳嘅嘢食，仲好好食添，不得了！我叫咗飯、葡式香腸、一份扒同埋牛柳粒 。炙燒葡式香腸 呢個係成餐飯嘅重點，佢係拎咗條葡式香腸喺你隔籬，跟住點着佢 🔥 條腸嘅香味即刻撲埋你個鼻嗰度。雖然佢係咁樣燒，但食落口嗰下啲油脂同肉味都充滿咗你口腔 。頂級肉眼扒配手工地瓜脆條佢嘅五成熟整得好好，外層有啲焦脆又唔會好難咬，仲有鎖住裏面嘅肉汁，佢嘅牛肉味都幾濃郁 。佢跟埋嘅手工地瓜脆條，估唔到炸得脆脆的，又唔油 。葡式海鮮湯飯分湯飯好大碟，嚟到見到係滿滿唔同嘅海鮮鋪咗喺面，啲飯吸收晒海鮮嘅精華，每一啖湯飯都食到海鮮嘅鮮味 。唔夠飯，仲可以叫多碗白飯撈下😝葡式炒牛柳粒呢個好食都唔記得咗影相添🙈佢啲牛真係靚，就連牛柳粒都可以有肉汁，啲肉味又濃 。炒得夠均勻，唔會一粒好食一粒炒得唔夠咁，係粒粒都咁好食🥳Joyfoodstop心動值:💓💓💓💓💓/5（以上評論純屬個人口味）葡景軒
去到澳門旅行，冇理由唔食葡國菜呀～雖然澳門有好多間葡國菜，但唔係間間都好食 。於是上咗OpenRice搵，見到間多人收藏又靚嘅餐廳 。
入到去好有澳門風格嘅設計，牆嘅下半部份全部都係澳門特色嘅牆磚，成個燈光氛圍都好有情調，好舒服又浪漫🥰呢間餐廳嘅嘢食，仲好好食添，不得了！我叫咗飯、葡式香腸、一份扒同埋牛柳粒 。
炙燒葡式香腸
呢個係成餐飯嘅重點，佢係拎咗條葡式香腸喺你隔籬，跟住點着佢 🔥 條腸嘅香味即刻撲埋你個鼻嗰度。雖然佢係咁樣燒，但食落口嗰下啲油脂同肉味都充滿咗你口腔 。
頂級肉眼扒配手工地瓜脆條
佢嘅五成熟整得好好，外層有啲焦脆又唔會好難咬，仲有鎖住裏面嘅肉汁，佢嘅牛肉味都幾濃郁 。佢跟埋嘅手工地瓜脆條，估唔到炸得脆脆的，又唔油 。
葡式海鮮湯飯
分湯飯好大碟，嚟到見到係滿滿唔同嘅海鮮鋪咗喺面，啲飯吸收晒海鮮嘅精華，每一啖湯飯都食到海鮮嘅鮮味 。唔夠飯，仲可以叫多碗白飯撈下😝
葡式炒牛柳粒
呢個好食都唔記得咗影相添🙈佢啲牛真係靚，就連牛柳粒都可以有肉汁，啲肉味又濃 。炒得夠均勻，唔會一粒好食一粒炒得唔夠咁，係粒粒都咁好食🥳
Joyfoodstop心動值:💓💓💓💓💓/5
（以上評論純屬個人口味）
葡景軒(澳門)
地址: 澳門氹仔舊城區客商街23號地舖
電話: +853 28388800
张贴
