禮記雞鮑翅 (已結業)

行經官也街，見新開咗間禮記雞鮑翅，決定入去試下。 原先係想試竹笙紅燒雞絲翅（$30）同原盅菜膽炖翅（$48），女店員就介紹我哋食雞煲中鮑翅（$78），話抵D好食D喎！ 無幾耐，店員就送上一湯碗奶白色嘅液體過來。 撈兩撈，天呀！ 佢哋係咪唔記得放翅入去？ 得幾撮深啡色針狀物，係針翅？ 唔識欣賞！ 仲有几條雞絲，好矜貴架！後來唔夠喉，想再要竹笙紅燒雞絲翅，佢哋又話賣晒，吹脹！平心而論，D湯都幾溶，但係咁嘅份量，鴻福堂都係卅蚊咋！ 材料一定多過佢。 我好奇怪點解網上咁多好評，可能今次失手啦！ 大家有冇試過？ 俾D意見吖！