豐順美食 (已結業)

因為容祖兒李克勤嘅演唱會，將我同朋友帶到嚟澳門，朋友話澳門有間食乳豬煲嘅好出名，於是就帶我地去試吓~我哋幾經波折終於搵到間餐廳～由於太趕時間嘅關係，我哋一坐低就急不及待叫咗個B餐嘅乳豬海鮮煲先，要小辣嘅~B餐已經包咗肥牛，滑雞同炸雲吞~乳豬煲好快就送上，嘩！好大盆呀～～當中有超大量嘅蜆同蝦，食極都有，好似食唔完噤～～而湯底則略帶冬陰公嘅味道，酸酸辣辣，好惹味呀～主角豬手，大大隻，啖啖味，超正呀～我哋另外仲嗌咗：通菜，甜酸排骨，蒜蓉粉絲蒸扇貝，同椒鹽魷魚等等～～全部都好正呀，只係啲扇貝細隻咗少少～～其實個乳豬煲真係好大盆，所以奉勸各位朋友叫咗呢個煲之後真係可以唔使叫太多餸，因為我哋四個人都已經食唔曬～～順帶一提，呢度係廿四小時營業架，大家唔使怕要趕船啦～～