福臨居海鮮菜館 (已結業)

第二站，想食萄國野。目的地係萄國美食天地，九點幾，竟然都仲爆棚，真係唔係講笑。蟹粥都想食，就行過少少官也街食蟹粥，見呢間都有蟹粥，未食過，又試試。都係隨便叫幾個餸，又分享下。

水蟹粥，係咪真水蟹，我真係唔多識分，不過個殼幾薄身，我想是吧。個粥幾鮮甜，係咪水蟹也收貨了，要挑剔的就係個粥底，真係好一般般，唔多錦滑，不過個人覺得呢到唔比同街既人氣鋪差。

蟹粥

蟹盒海哲，蟹盒啖啖肉，不過就真係鹹左d，面頭脆脆地，水準一般。海哲就唔多收貨啦，唔爽脆，得個辣味。

蟹盒

炒蜆，明明係xo醬炒花甲，上枱就係豉椒炒蜆，算吧，不過無咩獲氣，一般大排檔都做得好過呢到。

蜆

萄汁牛尾，炆得夠腍，牛尾味重，幾穩陣呢。

萄汁牛尾

咕嚕肉，賣相真係唔ok，成碟汁，好似肉排咁，不過食落就幾唔錯，舊肉係新鮮野，幾多肉汁，有時真係唔好睇表面，呢個咕嚕肉絕對收貨。

咕嚕肉

雖然係次選，不過都收貨，每人百一蚊，ok啦。