紅記飯店

本身想訂枱, 因為驚去到無位...
點知早幾日打去, 職員話: 7點有位...跟住卜一聲cut左我線
可以話....無禮貎

因為我地上次去, 佢問我地有無訂枱
所以我今次先打個電話去咋嘛
點知佢咁樣對我

不過同朋友來...我地都有位坐
坐低一人叫一個餸菜

點左: 清抄菜心, 燒味雙拼例牌,椒鹽九肚魚,咕嚕肉

菜心抄得好好, 不過細碟左d, 同埋油左少少...
但肉多菜少的情況下....呢d 菜變左好好味

跟住燒味雙拼, 諗住叫例牌
細碟d, 唔夠再可以加單
我地揀左叉燒同燒腩仔
叉燒好鬆軟唔會好難咬, 對比香港, 呢個應該好難食到
燒腩仔, 燒得好香脆呀個皮, 肉又夠肥味
配味一齊點個芥茉醬, 送飯一流

椒鹽九肚魚係今餐的最好味的一碟
我唔太食熱氣野
但食左一條....都覺得炸得好味
又香口, 又唔會話食到食口油
同枱友人....個個都讚好食

最後呢個咕嚕肉, 就有點失色...
炸得夠肉唔算好香口, 個汁就調得ok

雖然我唔係咩食家, 不過評心而論, 呢間係食得過介紹得過
尤其招呼想食中餐的朋友, 一d 都唔失禮
平時遊客應該少來呢度, 因為個個搵葡國餐食
同埋係巷仔, 要識搵先搵到
最後..有小小西米布甸做甜品