貴族炉端燒

一支公食乜好? 性情大發之下暴走食放題, 唔食生野既我主打係食爐端燒! 響英皇地下呢間性價比都算高, 話晒都係酒店度食日本菜!!!

1

食物選擇都好多, 亦無討厭的五顏六色點菜單, 點菜後仍然會放在你面前, 方面你查看食過D咩同埋有咩漏單, 呢度都有漏單但只係好少, 可接受...

一個人梗係被安排坐響吧檯啦! 對住師父食都感覺幾high架! 仲有幾條死魚響面前

1

絕對無呃人, 呢度係我一個人既食量
前菜原碟放響雪櫃, 所以上檯時連碟都係冷冰冰, 出乎我意料之外, 我本想食室溫的前菜嘛! 太過凍了, 冷得個胃縮一縮... 個味付縲肉汁太杰, 一劈漿咁, 差! 個冰豆腐無乜味, 木瓜凍到爽, 蕃茄都係室溫或微凍好食點吧...

前菜

火炙芝士卷無芝士味, 芒果炸蝦卷又係無乜味, 仲有舊鰻魚青瓜卷, 當普通青瓜卷食好了, 唔好期望FEEL到有鰻魚...

壽司卷物

雜錦天婦羅, 但佢有好多新奇既天婦羅, 例如香蕉/粟米天婦羅, 可惜我無力食第二輪了! 炸漿不脆了, 好在還有一兜暖暖的天婦羅汁... 燒墨魚丸唔好食! 內裏又係一灘水, 其他好一般不值一提...

炸物

終於到主角出場了! 漏左單燒雞翼 一般來說都好好, 個汁調味得好足夠, 粟米爽脆鮮甜! 鯖魚也帶肉汁很好味! 係D牛仔骨同豬扒靭左DD...

爐端燒

雜菇炒肥牛, 估唔到咁大碟, 肥牛切得好碎, 反而減低騷味漏口, 很香的牛油味, 不錯!

雜菇肥牛

奶油炒鮑片, 原來係有菜的, 正好! 中和下咁多肉類~ 鮑片好林但不乏少許彈牙! 讚!

奶油炒鮑片