快宅

营业中

休息中

行程最後一餐，諗緊去世紀咖啡廳定去由地膽哥哥（係澳門工作生活左幾年）推介既呢間快宅，最後因為想食鵝肝所以揀左快宅。餐廳地點唔易搵，無得用電話無數據無得用Google Map難度就再加十分。好在餐廳近住聖若瑟修院，問下人都好快搵到入到去兩點幾人唔多，坐得幾舒服。Starters 有得揀幾款湯，我就比較鍾意黑松露，所以揀左黑松露蘑菇湯。質素真係有酒店水準，夠濃夠多蘑菇碎，松露味好香。個蒜蓉包又夠脆main course 點左鵝肝牛柳配紅酒汁。質素依然係酒店級，個鵝肝真係無得輸，超香超juice。最後甜品揀左木槺布丁，一開始見到個布丁賣相無乜特別所以無影到。點知一食我女友都話想單點多一個。點知原來我地個個係last one，想encore都無了。最後我同我女友既comment 都係，呢度唔應該咁少人。所以寫左呢篇食評試下幫下手。補充：杯橙汁成杯都係鮮窄的。埋單 MOP145，夫復何求。