滿屋 (已結業)

一行八人來吃糖水，原本諗住都要等十五至半個鐘至可以有位，事關呢間係長龍店，點知流量好快，十分鐘左右就話已經埋緊單，叫我地準備入去。不單是我們，其他人無論大中小檯，都好快陸續有位，可見這裡廚房及樓面以至收銀的效率，又如要傾多兩句真係要搵第二度。
大家都是叫了一般的糖水，但不論是紅豆沙芝麻糊或麥米粥，都不約而同覺得是稀了一點，味道是大路貨色，當然比大良八記略好。我只叫了榴槤布甸，可能是當造的關係，內裡的榴槤夠腍，亦甜美非常，食果時同食完個口都好大陣榴槤味，搞到不喜歡吃的朋友要絕交咁滯！