係出面睇入黎好似裝修得幾靚，就入場喇。
價錢都唔平。我地入場係1:15pm，行一轉就發現中伏，好多野都無曬，而又唔refill。
呢度比較有啲價值既食物都有人「把守」，即係幫你切/夾，限每人5-6件。好似蝦同青口，同埋三文魚刺身。
呢度用雞整左好多味，雞，全部都係雞。
呢個疑似鐵板燒，個師傅不斷係個鐵板上面翻熱啲雞（又係雞），無人幫襯。
甜品普遍都係唔夠味，而且每件蛋糕竟然九成都係cream/mousse。蛋撻凍既真係唔好食，涼粉全部散曬唔係正方體，迷你砵仔糕太硬，唉。
點心，竟然蝦餃、燒賣都無，只有奇怪奶王卷，雜菇雞卷（又係雞），牛肉燒賣。
壽司又行幾轉先肯出，每次出一少盤，每次要同啲靚仔起勢搶。
麵檔算係最正常，但衛生情況不理想。配料勁大盤，我相信係一早預備好，而且已經擺左超過一日。
印度檔，由1:15pm到3pm離場都無refill過啲咖哩雞(又係雞)。但係次次行過去我都見到個師傅係度切洋蔥，可能準備緊晚市。
呢度野飲有啲果汁，同大桶咖啡或茶。呢個價錢，我其實期望會至少有部咖啡機。
呢度一定無下次。
