影片
更多
2010-03-14
808 浏览
呢次同男朋友去澳門，我阿媽專登打電話嚟叫我唔好買手信返香港，因為每次我阿媽都唔係點食，次次都係我家姐阿哥食晒，所以我阿媽叫我唔好買，唔好嘥錢。我原本都諗住唔買，點知周圍揾嘢食其間見到呢間買花生鋪頭，見到有班人睇緊，咁我諗一諗不如買啲花生返去俾我阿媽食啦，我阿媽都鍾意食花生，到我行到去時啲人己經走咗，我就走去買咗一包蒜蓉花生，好似半磅，都係11元，都幾抵呀！跟住就揾到間食店試咗個厚蛋义燒治，但本人就覺得無咩特別，食完就走。跟住又經過返呢間鋪頭，諗一諗，再買多包魚皮花生俾我媽咪食，都係11 元。仲有好多款，但我只係買咗呢兩款。去完澳門返屋企將啲手信俾咗我媽咪，我就無理過，到第二日我問我阿媽啲花生好唔好食呀，我阿媽話好食呀！咁我咪攞啲嚟試囉，食落去係脆得嚟唔硬，好好食，味道又好，兩款都好好食，我食咗幾粒，趕住出街，跟住幾日都唔得閒去理啲花生，到我想理吓佢哋嗰時，佢哋已經全軍覆沒嗱，可憐係一條屍骸都揾唔到，想食都無得食，我其實唔係太鍾意食花生，但係今次買嘅真係好好味，好後悔點解唔買多啲，如果嗰日係澳門即刻開嚟食，我一定會買多啲返嚟，唯有寄望下次去澳門先再買啦！下次我一定要買多啲返嚟香港，順便請
去完澳門返屋企將啲手信俾咗我媽咪，我就無理過，到第二日我問我阿媽啲花生好唔好食呀，我阿媽話好食呀！咁我咪攞啲嚟試囉，食落去係脆得嚟唔硬，好好食，味道又好，兩款都好好食，我食咗幾粒，趕住出街，跟住幾日都唔得閒去理啲花生，到我想理吓佢哋嗰時，佢哋已經全軍覆沒嗱，可憐係一條屍骸都揾唔到，想食都無得食，我其實唔係太鍾意食花生，但係今次買嘅真係好好味，好後悔點解唔買多啲，如果嗰日係澳門即刻開嚟食，我一定會買多啲返嚟，唯有寄望下次去澳門先再買啦！下次我一定要買多啲返嚟香港，順便請吓我啲好花生嘅朋友，俾佢哋送酒一流呀！好期待下次去澳門呀！
张贴