影片
开饭介绍
来自纽约的著名食品概念店，是中港澳地区的首间分店。除了经典的彩虹蛋糕及天鹅绒蛋糕外，也有澳门限定的糕点，如港式奶茶柏林果酱包。
继续阅读
营业时间
星期一至日
08:00 - 21:00
以上资料只供参考，请与餐厅确认详情
食家推介
招牌菜
相关文章
作为港澳第一间分店，以彩虹蛋糕作卖相既DEAN & DELUCA，每次经过都好想试下坐系道饮下咖啡、食件Cake仔，可惜每一次经过既时候都系饭后时间或者赶住搭车，好彩撞岩今次玩完天浪淘园攰攰地想饮杯野，终于试到。Matcha Latte饮惯Starbucks既Matcha Latte，本身谂住叫少甜，好彩无叫到，无少甜已经劲淡味，绿茶味系香既，个奶都滑既，但无落糖就好似饮紧绿茶水咁。奶盖茶奶盖既威力真系大，连DEAN & DELUCA都要出奶盖茶。奶盖做得唔错，芝士咸香味浓，而且质感都几浓厚。茶底有少少似四季春，清清香香，不过可惜茶底都系无落糖，淡到好似饮紧水咁。好彩今次试左一试，我谂应该都无下次。
继续阅读
搭船过大海除左交学费之外，好多人都会去增添脂肪，原因系有啲餐厅系香港市区都未有，想食？唔通下下俾钱买机票入香港机场食咩？唯有去平平地去最近既「澳门」觅食啦今次要讲既呢间餐厅系黎自美国既连锁食品杂货店，佢除左卖蛋糕，仲有Tote bag、调味料、主食、咖啡.....，今次想主要讲下蛋糕。我记得一两年前就已经见到彩虹蛋糕既新闻，当时就好想试，可惜知道系澳门之后就无左件事，直至上个月去澳门，无心插柳既情况下经过呢间店，当时都有啲忽略左佢，因为真心无特别揾呢间店既地址，但突然间好似灵感到咁，我就无啦啦闪起呢间会唔会卖彩虹蛋糕既念头，或者真系命运既安排，真系好搞笑，于是就好开心咁走埋蛋糕柜，拣左两件蛋糕。今次拣左彩虹千层蛋糕之外，仲有最大路既纽约芝士蛋糕，首先一心谂住食既彩虹蛋糕其实完全系希望越大失望越大既佼佼者，点解咁讲呢，最大既可能应该佢既外表太靓太梦幻，结果出到黎既味道只系一层层普通不过既海绵蛋糕再加几好味既忌廉，所以呢个蛋糕都系影相为主；而纽约芝士蛋糕当然好难失准，酸酸甜甜既味道加上唔会死实实又入口软滑既口感，真系可以一啖接一啖，唔会有个份食好滞既感觉，所以靓既野都系欣赏下就好啦每次都会透过以下6大方面评分(满分:30分)味道 : 3 / 5环境 : 3.75 / 5外观 : 4 / 5价钱 : 2.75 / 5服务 : 3.5 / 5 回头率 : 2.75 / 5总分 : 19.75 / 30性价比：如果朋友仔们系一个好钟意影相为左呃like既真心好建议去呢间店叫彩虹蛋糕试下，大前提系千奇唔好浪费食物，叫左影完相就唔食，但当然除左蛋糕之外，呢间店都仲有好多唔同既食物、杂货、饮品同食材既选择，呢个世界有样野叫世上无绝对既，可能呢个正正系你揾左好耐既彩虹，但对我黎讲，真系「不了」。
继续阅读
好正呀，唔知系咪夜既关系，佢做买一送一，净系食品做紧discount, 饮品就无，个已经好好啦，好抵食鸡肉波菜卷哩个有d 辣，芝士好rich,热辣辣食正呀。烧牛肉南瓜三文治有三块烧牛肉，又有好full 既南瓜容，成份三文治劲饱！Lime tart个lime 味都好重，d lime 捞埋cream cheese, 都无太漏 但稍为甜左d,整体ok!柚子cheesecake 哩个highly recommend, 好好味，cheese 味抢左柚子味，好fresh 呀，唔甜，正
继续阅读
前几日去左澳门做兄弟 个婚礼就系JW万豪搞 趁住有空档既时间系银河行左个圈 见到开左唔少新铺 而其中一间就系呢间黎自纽约既过江龙 即刻入去一探究竟 🧐蛋糕款式唔算好多 卖相亦唔特别讨好 最突出既莫过于最多人讨论既彩虹蛋糕 但见唔少食评都话佢得个样 味道无乜层次之分 所以无拣到佢 最后拣左蛋白柚子挞卖相同味道都非常普通 质地偏硬 味道酸酸地 但唔系好食得出柚子味 整体同柠檬挞差唔多味 🤦🏻♂️ 总括而言 雷声大雨点小 虚有其名 试过一次就够皮
继续阅读
同闺蜜过大海两日一夜游澳门，朋友目标系彩虹蛋糕，我当然要舍命陪君子🙊星期日一落船第一件事就系去纽约过江龙Dean & Deluca买蛋糕🌈，一去到餐厅已经全场爆满，想揾2个位都好难，店员态度一般，说明要有位先可以堂食，好彩当日要赶去Ritz Carlton食tea buffet，一心都系谂住买外卖走😂买左一个彩虹蛋糕同红丝绒蛋糕🍰彩虹蛋糕七彩缤纷，应该好多色素，味道就系普通海绵蛋糕，质感轻盈，冇乜特别~~相反我比较喜欢另一个红丝绒蛋糕，有浓的白朱古力味，质感厚实，但食得多会有d漏🙊
继续阅读