影片
成晚训唔著, 把几火出去饮个早茶, 当时系朝早五点, 系... 阿伯mode...营业时间唔知, 但肯定唔系24小时, 因为夜晚系休息的, 但晨早流流五点钟都已经坐满人咁济, 都系引我去试既原因...先泡壸普洱, 又几好㖞, 畀两只杯黎, 可以一杯摊冻... 接著精采喇! 我见餐牌上有新奇点心, 一心做勇者试下啦! 先嗌"鱼丝饺", 无㖞... 再嗌"xx烧卖"(忘了, 一定系新奇野, 唔系猪肚呢d咁流), 又无....我点凤爪排骨饭同牛肉, 终于有喇! 点知上到台时, 发现变左 凤爪+排骨+白饭, 发生乜事??? 原来佢地系冇蒸饭, 咁都拎左出黎, 唯有唔要白饭, 悭番$6... 味道我觉得偏咸, 凤爪有点干, 外貌不讨好添...同大陆一样, 牛肉偏红, 唔通呢d先系真牛肉? 香港果d牛丸可以无牛既情况下, 就不知了.... 但我想要o急汁, 都系无! 照食啦, 质地几实净, 唔会林劈劈, 但唔系劲沟粉果d实, 系有弹性肉感的.... 味道又唔会特别重牛味既....呢间野, 每碟$12, 茶钱$2, 都系算啦! 冇下次, 都系去番肥婆果间....
继续阅读