金多寶美食

营业中

休息中

又係我!!!  間野唔係我開架! 信我...終於第一次食到呢間既午餐, 晚餐就免問, 因為收17:30...午餐 $31有湯或熱飲, 而今次我叫左個勁午餐, 係葡式菜, 所以要$36...呢味西洋腸炒椰菜, 好得! 西洋腸係偏咸, 一定要送飯, 但係佢既味道就好好, 出晒落D油度, D椰菜都有陣陣西洋腸既味道, 好香口! 個餐連埋白飯同湯, 個湯好大碗! 味道唔算好濃, 但一定唔係無味例水....

又係我, 又係貪佢有套餐, 附近果幾間真係食個麵加飲品都過$30了!今日大貪左, 肥牛米+熱飲 $22, 我加蛋+$4, 凍飲+$3, 攪到$29了! 肥牛預左係灼熟啦, 點知原來係煎熟的, 呢樣比較驚喜! 香口好味! 呢次肥牛爭番個笑口

唔好以為套餐係必然, 晨早流流果度一眼六間餐廳, 得呢間有套餐, 其他全部都係散嗌, 食個早餐都閒閒地$30以上, 呢間$22一個早餐連熱飲, 實屬難得..餐蛋通, 都幾難話特別好食, OK啦! 餐肉係煎既少少厚唔乾夠嫩口, 蛋都煎得幾香, 因為我係要熟蛋, 奶茶同香港無異... 但係見佢有葡式美食, 真係有點想試.... 但注意係呢間野收 17:30