影片
来到福隆新街想食返碗翅，太耐冇来，古老的街道由红变绿。本身想去的添发排长龙，见周围都系谭家鱼翅，话时话未帮衬过，趁今次试下，点知就中伏！门面售卖鱼翅等干货，行入点就系餐厅( 因为打通)，我哋4人即有位，入座等左成10几分钟都冇人招呼，催左3-4次比壶茶都冇反应，每位收$6茶钱但一壶茶都冇😡！个场又唔系好多人都咁款，之后比壶茶又冇茶叶得水😵！咩料呀大佬！个职员仲要黑面。张枱得一个餐牌，散叫嘅碗仔翅果个餐牌又冇，之后去左隔离枱拎另一个餐牌先有即点餐（有一刻怀疑想局人地点小菜同Set)。石窝中鲍翅，$55，热腾腾，份量适中，味道上，翅的确系有嘅，两条，味道就真系唔掂，重味精嘅粉水⋯食完仲要好口喝，唔好食。真系差的一间，唔怪之得冇人排，唔好食唔值呢个价态度又差好赶客。
继续阅读
每次去澳门都夹好哂时间，第一站去完玛嘉烈食葡挞，之后就衬添发中午12:00开门营业前赶到门口排队。但今时唔同往日，今时今日澳门四处人山人海，排队一个钟系平常，结果系玛嘉烈花多咗时间，食完去到添发门口已经人海长龙.反而谭家鱼翅无咩客人又有大把坐，转场!相比起添发，谭家鱼翅价钱又较贵，鱼翅份量又比较少，味道又比较淡，只有一点系比添发优胜，坐得舒服!用石锅上枱，鱼翅必然热到辣咀，冬天冻冰冰食就一流，可惜帮衬当日热到似夏天，食到成身汗!之后两次经过添发，都系长长人龙，唯有完全放弃帮衬添发.今次帮衬哩间谭家鱼翅无咩客人，第二日去氹仔官也街，果边嘅分店爆场门口排长龙! 唔知仲以为系D检测中心!最后结论，都系果句，无比较无问，一比较就输哂，相信唔会再帮衬.
继续阅读
朋友介绍去澳门🇲🇴一定要食依间鱼翅捞饭，去到接近21:30，前面总有几枱人排紧队，店员话其实佢地差唔多闩门，接埋我地依枱就截单。————————————♥————————————- - - - - - - - - - - - - - - - - - - - - - - - - - - - - - - - - - -♥️ 牙拣大鲍翅(3両) $98用石锅盛载，上到枱都总系滚热辣，鱼翅份量都唔小，有完整两三块，个汁系鸡汤味道，捞饭一流。♥️ 鲍汁炆猪手 猪手麻麻地，炆得唔够淋身，个皮咬落去好有咬口同埋唔够入味。总有叫其他小菜，不过太肚饿冇影相。♥️ 云腿津白上面云腿好似煲汤瘦肉搣咗一丝丝咁，好干身带啲咸味。♥️ 京都肉排有5-6块小形肉排🥩，炸到猪肉干咁😑，酱汁味道好似麦乐鸡甜酸酱。- - - - - - - - - - - - - - - - - - - - - - - - - - - - - - - - - - - ————————————♥————————————
继续阅读
未入到澳门朋友已经话同事推介要食鱼翅捞饭去到官也街既时候见到好多人等位就放弃左点知去大三巴途中见到唔洗等好耐又有d冻就成就左今次有得食咁耐以黎去澳门咁多次都未食过，原来真系几好食首先要简要咩翅，中翅或者大翅都有，大多数系中翅配唔同既配料，我地就简左一个石窝中鲍翅同花胶海参中鲍翅到左先发现所有既翅都系用石窝，所以都几够热，岩晒冬天食，食完暖笠笠翅既份量都唔少，个汁都几香几够味鱼翅捞埋饭食，饭都食多碗❤️朋友仲话要影低我食得晒呢个奇迹🤣
继续阅读
自从食过一次谭家鱼翅之后就一直回味所以今次再去澳门玩点能够唔去食下佢，新马路附近有好多间铺头都系食鱼翅。 今次中午去，已经接近爆左好彩早一步到，一坐低会比茶同纸巾你，但纸巾系会收$3，所以大家唔用都拎走鱼翅海参拎到黎果时系真系咁滚架，系谭家食鱼翅一定要叫个白饭捞黎食。价钱唔贵，六十几蚊，但有两三旧翅加一旧海参，味道翅香，海参系有鲜味鲍鱼捞面(大)喱个鲍鱼系干鲍，唔系鲜鲍，所以味道比较香浓，成个面好好食好香浓马介休球(椒盐味)男人好中意，送酒一流，喱个系澳门特色菜好味架，口感好特别，佢将啲鱼丝去炸成一旧整体我觉得去澳门真系可以试下谭家鱼翅，价钱唔贵，唔一定要食葡国菜架，喱三样野埋单先二百蚊
继续阅读
您可能会有兴趣的...