影片
餐厅提供嘅菜式全部都系纯素无五辛。可能因为我哋平日去，当日好多食物都话冇，例如澳门风味饭、墨西哥风味卷等。清迈咖哩饭 (MOP $58/ 中size)咖哩汁唔辣，有椰汁嘅香味，配料有茄子、红萝卜、翠玉瓜、鹰咀豆、车厘茄、四季豆、豆腐等。饭用咗红米饭，口感比较烟韧。素食巨无霸汉堡 配薯条 (MOP $88)汉堡夹住素扒、生菜、番茄同茄酱。素扒口感比较实，似食紧粉团，中间见到有红豆粒，感觉比较饱济。面包应该用咗麦包，口感扎实。热带风味沙律 (MOP $58/ 中size)沙律有芒果、甘笋丝、牛油果、沙律菜、奇亚籽，酱汁应该系用百香果整成，味道酸甜，几开胃。Super berry nice (MOP $38)入口有香浓嘅香蕉味，唔觉有莓味，底部食到有少少果肉。
继续阅读