禮記雪糕

营业中

休息中

呢間禮記雪糕，俾人嘅感覺好似好家庭式經營，晏晝去到，見到好似一家大細咁樣嘅伙記坐喺度食飯，好溫馨咁，好傳統嘅感覺。今次係我第一次黎食，係朋友嘅慫恿之下，叫咗杯雪糕菠蘿冰試吓，雪糕嘅口味可以由自己挑選。呢個就係雪糕菠蘿冰喇，雪糕係密瓜口味，價值＄22。講真，食得出杯菠蘿冰入面嘅係地捫罐頭菠蘿，冇乜驚喜。但係雪糕真係好好味啦，同一般出面買嘅雪糕唔一樣，呢個蜜瓜雪糕感覺好奶，同埋感覺似係homemade,好特別

周日落緊場無情嘅大雨，剛好行過見到無咩人就過黎食下馳名雪糕，順便避下雨。現場所見，大概是下午3點左右，客人不多。呢度主要都係食雪糕甜點為主，想要點咸食 就可以食三文治或 一餸嘅出前一丁$20!最靠近門口 有個餐牌掛係度，方便叫外賣嘅客人。(左)雪糕三文治 $17 薄荷味雪糕單球 $13薄荷嘅綠色綠得有點誇張，超似一球芥末放係豉油碟上!薄荷味嘅薄荷比較人工，雪糕偏軟身較甜!呢度雪糕三文治係皇牌!三隻色分別係椰子、蜜瓜、雲呢拿威化層好薄身，雪糕質地似雪芭!咬落有種水水嘅感覺。味道好一般!紅荳雪條 包裝幾特別嘅比起鎮店之寶嘅雪糕三文治黎講，紅荳雪條係比較抵食少少，屬正常size。請注意: 雪條外賣是7蚊，堂食要9蚊咖!雪條咬開後，紅豆係塞滿整支雪條!感覺就係一條紮實嘅紅豆沙一樣。原來禮記係2016 榮獲最優秀開飯-澳門熱店整體黎講都唔會再黎第2次了

第二日澳門遊，終於可以去到依間好耐歷史ge雪糕店啦，最初係俾佢個雪糕包裝吸引😍估唔到個店面都係咁懷舊架，店內都係一樣佢地用ge雪櫃冰箱，都係以前7、80年代ge，有好多唔同ge冰啦、雪糕啦坐左響個冰箱隔離，見到佢地整雪糕涼粉冰、拎雪糕都係依個位置，好特別最特別係我同其中一個友人因為太肚餓，所以第一下唔係食雪糕，係叫左兩碗出前一丁食🤣分別係腸麵同餐蛋麵🤣🤣依個唔洗多講啦，應該大部分人都食過啦🤣重點黎啦，另外友人叫左杯菠蘿冰、雪糕三文治同香芋雪糕，我食完碗麵，當然都唔執輸叫左個雪糕三文治食問左鋪頭ge人係咩味，佢話係三種味道，有蜜瓜、椰子同雲呢拿味蜜瓜絕對吸引到我，所以二話不說就叫左啦，其實點都會食ge🤣個雪糕三文治等左一陣先開黎食，因為想影埋上面依張相🤣都等左一陣間，打開黎食，都無話溶灑，可以試到佢地個雪櫃好夠凍，食第一啖威化同雪糕好夾味道唔會太甜，最主要係食到蜜瓜味雪糕，好突出架！可能其他兩款味道比較淡味，但個配搭好清新重點食完係有種透心涼感覺，大讚！臨賣單前，都買左佢地鋪頭個杏仁薄脆當手信試食，食落都唔錯架，雖然唔太食到杏仁味，但幾脆口，鍾意個包裝細細，當支持下小店

一去澳門玩 個個都係諗食乜自助餐但如果仔細咁研究下 澳門都有d好有特色懷舊的小店除左去出名的大三巴，可以去下呢度附近的二龍喉公園，睇下黑熊同彌猴，感受下公園的優閒氣氛，之後行過去禮記食下懷舊雪糕。店內裝修風味十足 懷舊的冰櫃同餐牌單球雪糕有很多不同味道選擇不過我點了最特別的三文治雪糕！三色三文治雪糕有黃色的雪尼拿，綠色的蜜瓜，白子的椰子味。入口軟滑，椰子味濃，蜜瓜味香，雪尼拿甜，外皮威化餅脆口。懷舊雪糕不會溶得得快，食到最後都可以一口一口咬雪糕，十分滋味。呢個係夏日炎炎消暑的特色小食

之前見網上有唔少人推介禮記雪糕嘅雪糕三文治，所以未去澳門前已bookmark。呢日係瘋堂斜巷行到又累又口渴，突然間見到禮記雪糕就係前面，即刻衝左入去。由於係傍晚5點度，店入面嘅人流唔多。一坐低，我諗都唔諗就叫左個雪糕三文治，跟住個阿姐叫都唔駛叫就拋左盒雪糕三文治過黎。速度之快真係令我大開眼界！如下圖，盒雪糕三文治真係比我想像中細，仲細過我隻手掌，但索價17蚊～心諗可能好好味呢！於是我帶點點的期待打開個盒，跟住再用半分鐘去欣賞果三種和諧得黎又夏日嘅顏色。個三文治包括左3款雪糕，以我食到嘅應該係芒果、蜜瓜同椰子味，不過好似甜左d，同埋外層嘅兩塊威化餅略嫌唔夠脆。另外，友人分別叫左薄荷味雪糕同蜜瓜味雪糕，每球都13蚊～但食落又唔覺得特別好食，質感並非特別幼滑，味道又唔係好香甜。真係唔明點解咁多人推介，難道係個packing靚？

到澳門其中一個必食就係禮記雪糕啦，雖然唔係澳門人，但都要支持老字號小店😊天氣好熱，即刻叫左三文治雪糕磚食，一件雪糕有3個味道: 椰子，咖啡，雲呢拿，用薄薄既威化餅夾住雪糕磚。當中以椰子味最突出，因為真係好清甜呢！食完成個人爽爽的。講真，呢度既雪糕未必係最好食，都無依家時興既雪糕甘多花款，但勝在有人情味同埋感情！

一入到舖頭就好有懷舊氣息。黎到之前，帶我地路既當地人同我地講一定要食禮記既椰子同芋頭雪糕因為係自家制既，仲要試招牌雪糕紅豆冰。而雪糕三文治就麻麻啦。當地人果然係當地人，雪糕紅豆冰一試難忘，紅豆冰雖然冇椰奶，但係就係因為佢冇椰奶，味道好pure ，同椰子雪糕好match，又冇好似平時食嗰啲甘甜。雪糕三文治都比當地人講中，稍為遜色。包裝取勝，都係啱攞黎影相呃like。禮記另外設有一盒盒嘅雪糕賣，不過就難啲攞番香港lu 。

又回到現時最鍾意食嘅雪糕，入邊既裝修同以前冇分別，不過冇以前咁多人。坐底左，男朋友揀左薄荷味，我就揀咗蜜瓜味，價錢上係貴過以前，但我覺得都值得，行到身水身汗叫返個雪糕食，真係好好味透心涼

同女朋友幾經辛苦終於搵到禮記，入去坐低我哋每人叫咗一件雪糕再加多一個三文治雪糕，我叫左個薄荷雪糕，你朋友叫咗蜜瓜雪糕。份量雖然唔算大，但係食落去真係好甜，同埋佢唔似得出邊咁樣啲雪糕有色素，食完條脷唔會有啲顏色黐住左係度。我哋晏晝大概兩點左右去到，都係一兩張枱，坐得幾輕鬆幾舒服，如果大家想去時嘅話都可以試吓揀呢啲時候去。

禮記其實不好找,我們都只是巧合見到,不然應該不會來。點了一個雪糕三文治二人share雪糕有三種味,大概是當批次製造了什麼就賣什麼,有咖啡味和雲尼拿味,還有一種不確定是不是拖肥味,因為三種味味道都不怎突出,但香滑的。可惜的是威化面變淋了喜歡它的盒了,對懷舊總有一點情結,店鋪裝修同樣古舊,很有七十年代味道。👍🏻👍🏻👍🏻👍🏻👍🏻👍🏻👍🏻👍🏻👍🏻

<禮記>相信無人不曉。黎到澳門當然「食」字行先。三文治雪糕～威化餅夾住雪糕。一件三文治入面有三種囗味。威化餅淋Bear Bear 。食落唔脆。係通咗風定係口感真係咁？

禮記雪糕睇blog推介得多，已經想試。但地點比較偏僻，冇的起心肝去。今次離澳門時間比較多就周圍行，點知見到禮記！好開心！附近有間tom and toms, 諗左一陣食邊間好，最尾都簡左禮記，要一試澳門風味！-----------------------店面裝飾類近舊式茶餐廳，menu唔多食物，雪糕為主，仲有少量三文治、公仔麵。由於唔肚餓，只係叫左個朱古力雪糕，朱古力味濃郁，雪糕香滑，13蚊一粒，唔錯唔錯

同男朋友兩個去澳門短遊，當然要去下舊式甜品店-禮記雪糕雪糕三文治- 每個三文治有三種口味雪糕，是隨機的。今次就有蜜瓜，咖啡和椰子味椰子好清香，但咖啡味道較淡，如果可以濃返少少就好了紅豆雪條- 推介超多紅豆！！基本上每吃一口也可以吃到粒粒紅豆的香蕉船- 可以選擇兩種口味，我地就簡左蜜瓜和朱古力味，再加上雜果和朱古加醬，味道正正常常，不是太突出的

黎澳門第二日都係飲飲食食最尾一站黎到禮記 離主要景點都有一段距離媽媽隻腳踭刮損左 本身塊膠布都甩埋樓面個姐姐見到即刻話“嘩搞成咁呀 我俾塊膠布你啦 要幾多呀?”就係呢份人情味已經教人好窩心搞完一大輪 終於坐定定可以望下周圍係一間好傳統好簡單既冰室呢類型裝修格局真係買少見少牆上面有六十年代既廣告畫 好懷舊貼喺枱面既餐牌只係賣雪糕同飲品雪糕三文治(MOP$17)個包裝好懷舊 圖案同文字都係手畫既兩塊薄薄既威化夾住雪糕磚雪糕磚有三款口味 味道係隨機既我地呢個係雲呢拿 咖啡 椰子味最中意係椰子味 好香好濃郁食得出真材實料雪糕紅豆冰(MOP$21)似凍既紅豆沙超多紅豆 再加埋球雲呢拿雪糕飽到上心口另外我地仲嗌左一球薄荷雪糕(MOP$13)薄荷雪糕唔係食開D字頭果隻味道呀妹食完一啖唔啱食俾左我我第一啖都覺得怪怪地 感覺似牙膏味不過再食落去又覺得ok喎 可能係接受左啦呢度既雪糕同野飲唔係話好特別好好味反而係食個環境 同埋濃濃既人情味

去禮記全因一個原因，就係陶醉一下舊香港嘅情懷。禮記嘅環境，海報，地磚，都被人一種舊香港嘅感覺。講真，佢d雪糕，唔係極之好味，好多品牌雪糕都好味過禮記，但已經唔係重點，最主要係支持下D 自家制雪糕店！叫左兩個雪糕三文治，成17蚊一件，絕對講唔上便宜，兩件三文治都唔同口味，口感唔似"糕"，似"冰"嘅口感多d，其中一款淺黃色嘅雪糕，食完都唔知咩味道，雪糕味道亦比一般雪糕淡，反而面頭塊餅仍然好脆。即使如此，我下次都會再幫襯，因為哩類舊式雪糕店賣少見少，係香港直頭搵唔到。