澤賢記

营业中

休息中

澳門相當出名嘅老字號雞蛋仔專門店，係澳門遊客嘅必食小吃之一😊我哋喺花城嗰間見要排兩個鐘，放棄咗😣點知路氹尼間無咩人，即刻買嚟試吓🤩🍽️葡撻雞球仔 mop$38外觀同香港嘅雞蛋仔一樣，但佢除咗間紋扁身嘅位置脆，其餘球身嘅質感會淋啲。大肚腩幾鍾意尼點，因為全部脆身好容易刮到條脷同口腔🥰👍🏻店員係會逐格逐格咁落葡撻餡，以確保每一粒都滿佈餡料😋雞蛋仔充滿蛋香味，有香脆嘅位置都有鬆軟嘅位，餡料香滑微甜☺️唔怪之得咁多人鍾意🤩味道😋 8.5/10性價比💰9/10環境🔎 -/10服務🫶🏻 8/10打卡指數📸 8/10٩(˃̶͈̀௰˂̶͈́)و 推薦指數🥰 8.5/10

上網睇澳門有咩係必食 每次都會見到人介紹呢間澤賢記雞蛋仔 就覺得一定要去試下 佢都有好多分店 今次就揀左酒店附近個間黎試下 佢就係係澳門銀河隔離 入咗商場之後落電動樓梯再行返出外面 就會見到好多小食攤檔 未落到去已經聞到好香雞蛋仔味 我哋去到嗰陣冇乜人 買完飛之後就勁多人 好彩唔洗等太耐 附近仲有長櫈可以坐底慢慢食 我地叫左一個必食既葡撻雞蛋仔同埋一個原味格仔餅 好快就有得拎 一拎上手熱辣辣 雞蛋仔咬落好香脆 好香蛋味 一咬即刻流心 爆晒入面啲葡撻漿出黎 食落唔會太甜 但係我地覺得個葡撻味係好淡 唔係好夠味 如果再濃味啲就比較好 食返隻葡撻好過另外原味格仔餅就正正常常咁 牛油煉奶花生醬幾好味整體嚟講 個葡撻雞蛋仔食一次就夠 冇講到咁誇張咁好食 如果要等得耐 唔好嘥時間 食隻葡撻好過

去試咗近期大熱全澳門🇲🇴首創嘅葡撻雞蛋仔，即叫即做，要排隊等都值得。葡撻雞蛋仔(招牌) $ 38雞蛋仔外層熱辣辣脆卜卜，每粒咬開都有葡撻餡料，奶香嫩滑，同時滿足又想食雞蛋仔同葡撻嘅願望。📍 澤賢記 (路氹城)路氹城蓮花海濱大馬路澳門百老匯美食大街地舖

《澤賢記》澳門開翻之後，最紅🔥一定系澤賢記呢葡撻雞蛋仔🧇雞蛋仔每一粒裏面都包隻葡撻嘅蛋漿🥹🫶總共有6間分店的，遊客比較多嘅分店甚至要等1個鐘😱今次終於有機會朝聖下😆 今次我地去左百老滙嘅分店😆夜晚去的lucky無人排隊🤣🤣即定即攞走❤️---🧇葡撻雞蛋仔($36)大家食嘅時候小心葡撻餡爆出啲嚇親🫶成個雞蛋仔食落好重蛋香同埋奶香味，外脆內流心嘅感覺 又唔會太甜，係做得幾好🫡幾好食望住人哋整，佢哋都幾用心 程序都有啲多❤️ 我覺得係值得黎食一次 一次就夠係幾特別雞蛋仔，帶有少少澳門特色，但係味道有少少普通🫣如果要等一個鐘嘅話就Over咗 建議大家揀啲冇咁多人嘅分店，咁就可以慳好多時間🤣---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸服務：🧸🧸🧸🧸---澤賢記地址: 路氹城蓮花海濱大馬路澳門百老匯美食大街地舖

📍澤賢記亞威羅街美景花園(美德閣)依間係其中一間分店openrice無嘅，得一個店員，前面一對情侶，我排咗15分鐘，再等佢整20分鐘🫠葡撻雞蛋仔🥚 💰38 ❤️‍🔥6.5/10分口感特別，外脆內滑😚但不論個外皮定內餡蛋味都唔太重，所以我麻麻💭咸蛋黃雞蛋仔🍳 💰34 ❤️‍🔥7.5/10分第一啖食係香咸蛋黃味嘅，之後幾啖就覺得佢似奶黃，我鐘意，不過食多有啲膩😆

十分推薦擁有葡撻特色的雞蛋仔！每一粒雞蛋仔內部都充滿了濃郁蛋味的葡撻🤤越吃越能品嚐到濃厚的焦糖味。吃了一口又一口，根本停不下來！推薦給大家(˶ᐢωᐢ˶)😋 好味程度：8 / 10🫧 環境整潔：8 / 10🕯️ 整體氣氛：6 / 10🏃🏽‍♂️ 性價比率：8 / 10🧑🏻‍🍳 服務態度：8 / 10

本身都有book mark呢間雞蛋仔係必食item，但係只係即日來回所以放棄左點知我地誤打誤撞係百老匯美食街見到有分店!即刻買黎試😏叫左最出名既葡撻口味雞蛋仔 MOP36本身以為會好似香港果d甘小貓幾粒有葡撻，原來呢到係真材實料!粒粒都有葡撻係裡面，仲要食落熱辣辣好香又唔甜!不過大家要預番30分鐘等，即叫即做推薦指數:★★★★★

📍澤賢記🇲🇴 路氹城蓮花海濱大馬路澳門百老匯美食大街地舖🇲🇴 花城區南京街99號花城商場最近澳門開關 已經見到好多人介紹呢間雞蛋仔甚至唔係foodie嘅朋友都大讚就決定今次一定一定要食到！😋 葡撻味 $36超級超級好食..每一粒都有葡撻餡係入面但比起葡撻 更加啱叫蛋撻味🤣因為佢冇葡撻上面啲焦糖但係每一粒都超級重蛋味 每一粒都爆漿而個雞蛋仔皮又超脆😋 金山咖啡味 $35呢個係意外地驚艷!!有朋友話甚至好食過葡撻味因為好特別平時喺香港食嘅咖啡味雞蛋仔 佢都只係個皮係有咖啡味但係呢度嘅咖啡味佢就好似葡撻味咁樣每一粒入邊都有咖啡漿 係爆漿超濃超好食😋 朱古力手工麻糬味 $35兩日入面總共食咗兩次第二次就叫多咗呢隻味相比之下呢個味就冇咁好食佢唔算好重朱古力味但係個麻糬好正 每一粒入邊成舊都係麻糬咁濟超級煙韌總結 去澳門一定要試！！

特登走到去 百老匯嗰邊 原來仲有其他分店😂澳門出名葡撻 葡撻餡同雞蛋仔嘅結合一定要試吓😍呢間嘅雞蛋仔整得好脆！就算慢慢食都唔會腍咗餡料每一粒都塞滿✨👍🏻甜度適中 奶香軟滑配埋外脆嘅雞蛋仔🤤幾值得一試💕下次有機會試埋鐵餅號🍵葡撻雞蛋仔 MOP 36

自從上次係百老匯大街試過澤賢記既焦糖葡撻味雞蛋仔之後，就愛上左澤賢記，完全係忘不了既味道！今次過澳門玩都一定要食返澤賢記！上次係百老匯大街排左至少成個鐘，今次好彩平日黎，完全唔使排隊，仲見到開多左檔添！睇黎生意真係好好。每一粒雞蛋仔都落足一匙焦糖葡撻，無欺場架！落完等大約十分鐘左右就食得啦！一路等一路聞住超香既焦糖葡撻味，真係好痛苦。攞上手熱辣辣好吸引，雞蛋仔外脆內軟，每一粒都非常飽滿，係滿滿既焦糖葡撻！入面既焦糖葡撻非常嫩滑，蛋香味超級濃，好滿足！！！！因為店員將啲焦糖汁倒埋落去雞漿道，所以即使係外邊既雞蛋仔脆邊都充滿焦糖味，真係好正呀！同埋都想讚下店員既服務都好好，好Nice。