影片
放假就系不停咁食、不停咁饮！就算食咗晚餐，仍然心思思揾吓有乜嘢美食可以送酒。当地人介绍一间系氹仔民生区烧味茶餐厅嘅烧乳鸽同埋烧鹅。入到嚟室内装修光猛简洁，就系俾你一个好舒适嘅感觉，做完嘢放工静静哋简简单单想食一餐的地方。 因为之前已经食咗晚饭，所以只系叫咗乳鸽，同埋例牌烧鹅。 因为同行人系常客而当晚又唔系好多人，所以老板俾我哋自带酒，仲借埋冰桶俾我哋慢慢叹！ 乳鸽首先上场，平常去食炸乳鸽，通常都会附上喼汁同埋淮盐。不过这一只乳鸽味道调校得刚刚好，根本不需要任何其他调味！烧鹅出场啦！皮脆肉嫩！ 就系烧得啱啱好！鹅皮香脆、肉味浓、肉汁喺皮同肉之间来回流走，炉火掌握得非常准确。值得一提嘅系所有烧味都系铺内即日烧。喺门口烧柜就挂咗一啲未烧嘅烧鹅/鸭。所以绝对新鲜制作！如果唔系本地人介绍真系错过咗呢个美食😋所以喺度分享同介绍一下，同埋记录一下食过嘅好嘢。
继续阅读
您可能会有兴趣的...