永利軒

营业中

休息中

在新一年的米芝蓮推介中, 永利繼續有相當不俗的成績, 京花軒由一星升到二星, 而永利軒更是連續兩年取得二星的資格. 其實看回歷史, 永利軒在09年初次報榜時尚未入圍, 之後在10年及11年皆取得一星, 12年及13年就是二星. 以澳門這邊的餐廳來講, 能夠連續四年入圍的星店, 只有五家, 永利軒這成績實在不簡單. 當然, 看回永利在米芝蓮的成績, 也會有點意料中事的感覺, 看看Vegas版本的米芝蓮, 在09年(截止現在為止最新一期的Vegas版)中永利也取得一共三粒星, 包括是二星的Alex(已結業了), 及一星的Wing Lei. 真是星光熠熠的集團.是日跟好朋友們來到澳門, 第一站就是前來永利軒. 這裡其實是位於賭場內, 要穿過賭場才能夠抵達這家餐廳. 根據官方所講, 是有一個通道讓客人能夠不用經過賭場直達永利軒, 但是日我們就找不到了. 相對另外兩家澳門的二星中菜廳是完全遠離賭場, 這裡的格局是稍有不及. 當然, 店子的裝修是相當之富麗堂皇, 好一個飛龍在天, 雖然有點俗氣, 但其實是幾有霸氣的.這裡的點心是相當出名的, 午市來到, 當然要吃點心. 看看餐牌, 店子有散叫的點心

12月尾一家三口的澳門冬日住宿之旅後，早幾個星期我又拎了假，在CEO的帶領下，FHY小組一同即日過大海食食食! 　　當日第一站去了永利酒店的永利軒吃午餐，不過結果頗為失望。逐樣逐樣來，先講環境，作為五星酒店中菜廳+米芝蓮二星餐廳，大紅色調無疑極其搶眼，門面同環境都是沒得彈的。進到餐廳裡面，樓底雖不算很高，但勝在空間感足，牆上一條活龍活現的龍雕更添氣派! 而大紅牆壁上又掛著福祿壽字畫，再加上金色龍壺擺設，優雅地表現了中國風情。　很可惜之後食物水準未能同環境掛勾，首先上檯有雪影燒餐包($35)，包身外層輕薄香脆，水準不差，但中間叉燒餡其實很普通。　而崧子叉燒批($32)外觀也算不上四正，有些表面位更出現「崩崩地」的情況，吃來味道亦無驚喜。　鵝肝咸水角($38)不看餐牌菜名，還真失覺鵝肝的存在，那味道依稀與普通咸水角其實差不多。　明太子鮮蝦豆苗餃($38)，皮薄但非常黏口，夾時都幾論盡的；餡料質素則算鮮甜不俗，但仍未有驚艷火花。　我們又另點了蜂蜜灸叉燒皇($98)，然而肉質是相當之實，不夠鬆化富蜜味，只勝在夠大份!　還有名貴的鮑魚燒雞酥($68)，薄切的鮑魚毫無口感同鮮味，結果又是麻麻地。　

去澳門開會，老闆下午請食飯，一行十二人去了永利軒，都幾好喎先說環境：這日人流不多，環境幾好，張櫈好舒服，不過可能因為太大張，所以覺得有啲逼食物方面：地膽叫了兩個點心套餐，共十二款點心有：蝦春巻,牛肉,蒸蘿蔔糕,叉燒腸,牛肉腸,叉燒包,煎糯米雞,菜苗餃等，全部都好有水準，正另外叫了一個片皮鴨二食，個片皮鴨切好包好先上枱，全塊都係皮，少少肉都無，個人認為單薄咗啲二食個鴨件炒涼瓜好大碟，件鴨好多肉，不過炒得唔夠惹味，如果炒得乾身少少會更好仲有一個中式炒牛柳，啲牛柳都幾”冧”，但略嫌咸咗啲另有一瑤柱蛋白炒飯同一個水餃湯麵，個飯炒得好爽，粒粒飯分開，好好味，個麵就普通啲喇！甜品方面叫了個椰汁紅豆糕，一個芒果巻，普通啦埋單偷聽到係$18xx，都幾抵呀

主人與奴隸獸總是覺得，大部份粵菜食肆的素菜款式選擇不多，而且都是千篇一律，例如：清炒時菜，北菇扒時蔬，羅漢齋，鼎湖上素，椒鹽豆腐.....等等，真是了無新意。所以今次光顧澳門的永利軒，他們的素菜就帶給我們不少的驚喜。除味道絕佳外，還頗有心思創意。觀自在素燻腐皮：煙燻的味道恰到好處，不會有一股難以下嚥的焦味。腐皮口感軟身，饀料亦分佈均勻，好味。芝香豆蓉紫菜酥：層層疊疊的腐皮，兩面各有芝麻紫菜，炸之。食落香脆惹味，但又不會覺得油膩。彩椒燴糖醋油條：油條內釀了荔芋，油條香脆，芋蓉又粉又幼滑，味道亦濃，糖醋汁的味道不太甜不太酸，剛剛好。夏果露荀炒素丁：用料十分新鮮，有素菜的新鮮味道。特式綠豆沙：侍應的特別推介，去殼綠豆，昆布，海底椰，蓮子，紅棗配以椰漿，口感又爽又绵，想不到各種食材如此配合，十分好味。杏汁海底椰燉木瓜：味道亦不錯，可惜與綠豆沙相比，就較為失色了。永利軒的環境氣氛不錯，服務只屬一般，但仍可尚算是米芝蓮的一星食肆吧！

一般過一般服務、平凡過平凡裝修、普通過普通點心！真係唔明白佢有乜野咁巴閉...「呢到唔俾影相」！！ 雪影叉燒包... 添好運好食過多多聲！露筍蝦餃王... 蒸到過哂龍，D蝦un既！唉~ 五星級酒店既服務... 就係點心都未食晒就遞menu問你要唔甜品咁趕你走... 真係高招！飲個茶、坐佢一個鐘就想趕我走，係咪有D過份呀!總括一個講哂，唔會有下次!!

十月九日 (星期六)上一回和老公仔到永利揾食,誰知永利軒已fully booked,白行一趟今次吸取教訓,在香港已預先訂了枱總算順利闖闗不是太肚餓,所以不想吃小炒剛巧這裡推出點心套餐從Menu內選取六款點心,$148,價錢相宜最後我們從中點了:頗為特別的一客點心帶子很新鮮彈牙再用上少許青芥末,帶點辣味,刺激起我們的味覺神經用了一點蟹粉,不是太特出反而豬肉煙韌,熱哄哄而可口相對之下,這個算是最普通但仍是水準之作另一特別之作在糯米雞上鋪上一層蛋吃下更為香口,不過糯米較為稔一點鬼馬即是油炸鬼,令腸粉更為脆口,增添口感配上鮮牛肉和嫩滑的腸粉皮,是不錯之作瑤柱臘味都不錯我們則略嫌蘿蔔絲做得不夠精細一條一條的令口感大減

睇完水舞間，團長決定去永利搏殺。去永利冇理由唔順便食永利軒。話晒都有星！何況之前三次食晏叫點心都幾OK呀。晚飯八點，人不滿。可能喺週日晚嘅關係。有多枱袓國同胞，但有一桌特別惹人注目。聲浪超大，敬酒聲晌撤雲霄。真不明白好好地食一餐對他們是有乜意義？我們決定殺入直路（冇頭盤）。叫左乳豬雙拼、客家蝦乾小炒皇、九層塔雙冬脆腸、魚湯杞子浸菜苗、福菜筍乾扣腩肉、菘子蓮藕豆乾鬆（配生菜包）、蟹肉瑤柱葱花炒飯。乳豬皮略嫌不脆但整體還可。小炒和脆腸對我嚟講太咸。浸菜和扣肉不過不失－荀乾好“蝦”人，偶一失手會有“味”。他們做冇失到手。生菜包的粒粒炒得唔夠乾身，味道僅算合格。唯一一讚的是炒飯，有鑊氣，飯身粒可分開，是小數見微知著的工夫。冇要甜品，中菜甜品一般都乏善足陳，無謂嘥quota。四勝三負。落樓盛惠每位二佰一十大元。唯一吊詭的是背境音樂，閣下下次去有可能都聽到。。。勿驚！

知道有＄148點心歺.可選６種點心,種類可在網上或永利軒門口張貼,種類都ok,扌氐!所以一試,但結果...由於近2時的關係,所以雖沒訂位也只等了約15分鐘執枱便有位.環境:地方比想像中細,唔算迫,但唔算濶,有d嘈,過張登凳都幾好坐.侍應比了歺牌然後問飲乜荼.歺牌無寫,所以問有乜嘢荼同＄嗡了一堆荼.總之＄由１0蚊位,６0蚊同80蚊壺.我們選了60蚊壺的"明前龍＃"心想2人只是多付40大元,d荼葉應upgarded咗,靚好多,點知...Ｄ荼到,有２個壺,其中一個是空的,方便Ｄ荼泡好後倒入,避免荼葉浸住而變苦,好似幾好,幾講究.點知Ｄ荼第一轉有少少香味,沒有荼味,正常丫.再沖第二轉,仍然冇乜味,打開荼壺,荼葉少得可憐,於事告訴侍應,她給我加了荼葉,但好明顯,不是同一質素的荼葉,Ｄ＂荼葉好碎,心想一定Ｄ荼會苦.Bingo!中了,亦即是中計了.我不要求公平,但要求合理.我對荼沒有研究,在家附近買$28両的龍＃已纟巠很好渴這$60連加一$66的荼(既時而像滾水,時而冇香味的苦荼)差差差(＇後來我在新葡京粥面飲$5的龍＃,好很多.)我們叫了鬼馬牛腸,燒雞酥,無骨鴨,帶子蛟,燒賣,竽頭糕腸粉上枱時

永利澳門「差到沒朋友」。服務差劣、要求另類、環境狹窄。最重要的是，完全沒有度假酒店的感覺、設施、與環境。在澳門，它是唯一一家會查我身份證。有一次，一位外勞警衛死都不相信我已經「夠秤」，明知我拿著手提行李不方便，看完身份證還要不相信。問題是，他們根本就不會看中國人！事緣到澳門的第一天，想找個地方吃個午飯，隨即想到永利澳門的中菜廳（永利軒）。誰不知，看似經理的知客問我們有否訂位，回答沒有的回應是：等兩個鐘後再回來（入面全是空檯）。那麼我就明示，不如到對面的美高梅用膳？那位知客一於少理，完全沒有留客的意思，連恭維的說話都懶得講。算數⋯第三天再回到永利軒，今天終於毋須等位。心想環境不俗，拍個幾張照片留念吧。見到餐廳的裝飾擺設，正當我按下快門之際，有一位侍應上前指這裡不得拍照。算數⋯不過可惜的是，那位侍應竟然再回頭指，連檯上的餐具都不得拍照。還要請經理前來重申，完全沒有任何一句合理的解釋。神經病，這是甚麼歪理啊？照片就是菜餚粗劣最有力的證據！當天七款的點心沒有一樣值得讚許，相反還要差的還要點名數出來。不要說我找碴，講到最差的絕對是以下三款： 鬼馬牛肉腸粉：我想請問牛肉在哪裡？是把肉餅榨成了肉碎，

我地一行4人，前一日已經打電話book定位，hehe~~同埋知道佢有一個點心set係$148有6個點心，打電話果時已經講定要呢個喇~~本來諗住book晏晝，點知佢地話要朝早11點就有位，仲限我地12點要交枱，唉，都算啦，因為我地晨d都仲有地方去食野，咁呢度食d點心，1粒鐘應該夠既，於是都ok啦。點知黎到門口，佢話男士要著長褲 本來weekend想relax d嘛，bf著左條短褲去，haha，好彩~~~佢地有長褲提供既 咁我地都入得去喇~~~叫左 : 蝦餃皇 : 蝦餃呢樣野係去飲茶一定要叫黎食既 呢度有5粒架，haha，超好味!! 上素乾坤袋 : 呢個冇影相呀~~其實佢係將d料，好似有竹筍果d啦，剁碎切粒咁袋入個腐皮袋咁，然後淋個好似鮮竹卷果d既獻上去，都幾好味，黎到既時候仲要入面係超熱@@~我差d俾佢"辣"到條脷~~~ 叉燒腸 : 呢個就唔係咁驚喜咋~~普通，同埋d叉燒比較肥~.~ 炸蝦角 : 雲吞皮包住好多蝦正~~ 鮮竹卷 : 呢個我地一致話係最難食 好似魚肉春卷咋= =完全唔係我地食慣既鮮竹卷黎... 帶子餃 : 帶子好鮮味，做法特別goodgood~~ 燒賣 : 正常4粒，唔係特

一早已計劃左午餐要到永利軒嘆點心, 聽說會幾滿, 要訂才會有位。已避開中午這段繁忙時間, 2:40pm才去, 去到見門口個牌寫三點落場。本來打算走, 但媽媽又話來到就問下啦!行去櫃檯問下, 還可以入, 不過未有位要等下。等左十分鐘左右才可以入。永利軒有兩個入口, 一個要經過娛樂場, 但如果帶住小朋友的話可由另一個入口入。 這裡座位唔似一般酒樓咁擠迫, 樓底夠高, 唔會太侷促。格調高雅, 一入去就見到用施華洛水晶石造成的水晶龍。張檯都幾細, 放多幾籠點心都要就位, 醬料是辣醬, 有青紅兩種, 綠色的有青椒味。因為要留肚, 所以只要了四樣點心。 脆蝦卷腸粉 $25: 配甜醬和麻醬, 以為好似炸兩, 原來內藏的不是油條, 而是春卷皮加上滿有米香的腸粉和鮮蝦, 是意想不到咁夾。 黃金包$28/4個: 本想要招牌點心雪影餐包, 點知賣光, 侍應小姐建議我們叫黃金包。外層炸到香脆不油膩, 咬落唔會有油咇出來,入面的是蘿蔔絲, 夠稔又清甜。 蝦餃皇$35/5隻: 餃皮透薄而煙韌, 不易穿。 除左鮮蝦, 仲有筍粒, 無太多肥豬肉。 鮑魚雞粒酥$38/3個: 賣相已經好誘人, 金金黃黃咁,未食諗住像雞

今日兩個人去左澳門，因為想睇吉祥樹，所以去左永利點知吉祥樹變左條龍睇完好肚餓就順手係永利食野啦因為係lunch,所以食永利軒，見蔡san又介紹過，所以一試我地無book關係，等左成45 mins最後食左$148 6個點心呢個set,兩個女既夠飽，因為同點心menu個d size一樣但係最後個紅豆鮮奶撻食完等左30 mins先黎，d服務員又隱暪漏單，話甜品後上，催左兩次呀！！相都唔記得影啦！但野食唔錯

剛參觀完新舊葡京的"梁炳"豪華賭場,到了永利,頓覺有天淵之別!美國富有人家品味果然高許多! 這處才是輕鬆舒服玩幾手的好地方.午膳還未消化完,只好隨意在賭場內覓食,選了永利軒. 此餐廳用膳環境一流, 牆上面的玻璃巨龍裝飾非常引人注目, 極有心思之作.就連 上餐的碗碟茶壺也頗雅緻,服務員的服務亦可以. 絕對是請客見客的選擇.食物方面有高級洒店的水準,但欠缺驚喜!我們點了3餸1湯,如下:竹笙水雲翠羹 - 口感很清,竹笙爽口,髮菜滑滑地,湯底亦好味黑椒蜆粉條煲 - 蜆非常鮮甜,加粉條配搭合適茘甫牛肉捲 - 薄牛肉片捲起包着慈菇,吃起來有肉汁.有創意,味道可以酒汁香橙蝦球 - 唔覺有咪酒汁,基本乃香橙蝦球之作看得出厨司都想攪創意,但欠主題及特式,價錢不便宜,一般食客無必要特別登門做訪,試一次卻無妨.

朋友嚟澳門探我, 住永利, 想食得清淡D, 於是去永利軒食飯. 點知食到一肚氣.碗翅, 又咸又假, 成千銀, 火都嚟哩.蒜片牛柳柳, 過哂火, 牛肉老到不堪.唯一係服務好, 服務員小姐笑足全程, 可惜廣東話麻麻, 雞同鴨講.

永利軒位於賭場內的深處，一進入餐廳就看到牆上有一條好像是玻璃做的飛龍，很有氣派。我和長者阿媽預先訂位午膳，被安排坐到飛龍下的卡位，禁不住左顧右盼，欣賞一下這裏華麗的擺設和裝修。卡位雖然很長，但座位跟桌子的距離很窄，坐上去後令人覺得有點侷促。我們兩人要了龍井茶(茶芥2人收$20)，茶很香，很好喝。另外叫了五個點心，不消一會，便陸續到齊。雪影餐包($20)– 餐包皮做得像紙般薄，薄得只要用筷子把它提起來便會把它挾扁。放進咀裏咬下去會令人覺得好像吃不到什麼實質的餐包皮, 只能吃到滿咀的叉燒餡味，但這餡就偏甜。如果餐包皮可以厚一點，會令人覺得像吃餐包般實在，而不是吃薄皮包一團甜叉燒肉。花巧多於實際，我不太欣賞。灌湯餃($50) – 兩只縮水硬皮灌湯餃，不太熱，外皮有點乾，好像是風乾過再翻蒸。內容空洞，沒有什麼山珍海味在其中，只有幾條幼幼的魚翅絲及其它不能清楚分辨的材料，好像有少許日式蟹柳，簡直不知所謂。味道一般過一般，無鮮味，美心好過佢。搵笨！酒店水準，不應如此。籮白絲酥餅($30) – 細小的三粒。內裏籮白絲很多，但乾巴巴的沒有汁液，所以就沒有其麼味道。外皮好看，很酥化，但豬油味極極極重及油