影片
以上资料只供参考，请与餐厅确认详情
黎到住百老汇酒店，当然要试下美食街的餐厅。晚上回酒店时有餐厅职员派发点餐纸，看到有韮菜饺就决定第二天到这里吃午餐。我们二人点了韮菜猪肉煎饺，韮菜合子和酸菜鱼。韮菜煎饺每只都涨卜卜，入面包满了馅。在这里吃饺子一定要配上蒜蓉辣椒酱，极之香！十分推介！韮菜合子犹如放大版的韮菜煎饺，但内里没有肉，比较清淡，外脆内软，配合蒜蓉辣酱更美味！最后我们点了酸菜鱼，嗯，只能说，难吃。除了没有味道，它还有一阵奇怪的油味，酸菜也怪怪的，这条鱼也有一层脂肪在鱼肉上面，而且每片鱼肉都有细骨，实在不是深圳常吃到的味道，我们每人只吃了几片就放弃了，$140花得不值总括而言，我们都十分推介这里的饺子，其他的...大家可以碰碰运气吧
继续阅读
去到澳门就唔一定系食葡国菜嘅，今次就试下位于澳门百老汇嘅呢间东北菜！我见佢喺澳门都好几间分店，相信质素都唔错就拣咗呢间！- 东北菜就当然有我最钟意嘅饺子啦，呢度嘅饺子全人手制，店内有透明玻璃俾你睇住佢包，饺子皮比出面食嘅真系烟韧啲无咁易烂，而且佢除咗韭菜白菜芹菜等一般饺子馅外，最为特别嘅系佢有款鸡蛋饺，就无肉嘅但一样都咁好味！呢个「拉皮拍黄瓜」都系传统凉菜，黄瓜非常爽口而且够晒冻，加埋自家制酱汁，食落少少辣但好开胃。 「韭菜盒子」都系中国东北嘅传统小食之一，唔多地方会做，因为都系啲手工菜，入面包住满满新鲜既韭菜，外脆得嚟都唔会感到油腻，都值得一试！ 主菜方面当日就试左两个招牌菜，就系「石板黄花鱼」同「东北一锅出」，「石板黄花鱼」炸到外脆但鱼肉keep到juicy 同滑，酱汁辣辣地但又唔会盖过鱼嘅鱼味，做得都几出色！而「东北一锅出」嘅味道非常家庭式，有红烧肉、排骨、粟米豆角等配料，而且薯仔栗米吸晒蔬菜嘅甜味，配埋玉米饼点住嚟食，岩晒一家大细一齐分享！ 总括黎讲，呢间餐厅都几适合一大班人食，因为份量好多而且味道真材实料，好有家的味道！
继续阅读