李康記豆腐花 (已結業)

呢間野勁呀...... :,首先唔好講味道......係一條橫街入面居然有檔野要排隊,呢樣都唔緊要.........,最緊要係我下午2點幾3點果陣去到排,排左15分鐘左右啦........,卒之有位到我地入去,5蚊一碗唔貴呀,但想叫個熱豆花....果陣......,佢就話"賣曬,凍熱頭漿都賣曬,得返凍豆花要唔要?"緊係要啦,排咁耐唔要仲得了.......,不過佢除左加糖水之後,仲會加入花奶,我第一次食豆花會加花奶~卒之等到佢扲黎啦,真係名不虛傳,個面波平如鏡!d 豆花又白又滑,花奶仲可以帶返出小小豆味,5蚊碗真係要黎試下不過記得早d 黎,因為當我地未食完果陣,佢已經賣光光........雪櫃d關掉,老闆係度埋緊數,一日係咁多碗就咁多碗,賣曬就無,唔理係幾點......所以有興趣就早d 去啦至於上面有位人兄話無豆味,我都有同意,不過都幾好食呀

記得好耐之前有個朋友介紹我試呢間舖頭食豆腐花, 印象中的確係好滑! 佢仲話呢間豆腐花舖既豆腐花係全澳門最滑最好味tim!!所以我同其他人黎親澳門, 點樣都會黎呢度食番碗! 不過今趟就有少少唔同, 自己一心想試多d之前仲未試過既食品, 所以起初冇諗住食喇! 點知男朋友話今次好想再食...咁又黎食喇!舖頭十年如一日冇變過, 有時都覺得澳門有呢度好, 無論新建設與舊景物都可以互不相干地一直並存下去, 相映成趣! 舊有既街道商舖就好似永遠凝結在某一個時光一樣, 要幾時重溫就幾時重溫得到....講真果句, 李康記既豆腐花其實係冇乜豆味既, 如果一心想黎食一碗豆味好濃既豆花就請去別家吧! 但講滑溜程度, 呢度確係一絕!! 其實我相信無論本地人或外來客點解咁多年都咁長情要來吃豆腐花, 當中一定有其原因既! 大概都係鍾意佢既滑溜口感同佢係清甜! 十居其九既食客都會order要加花奶, 冇錯! 加花奶真係更加好味架!! 記得我第一次帶男朋友黎食既時候佢話冇豆味麻麻地, 但今次佢竟然主動話黎食真係有少少意外架, 哈! 佢話因為真係好滑好清好解渴wor! 佢仲一口氣連食兩碗tim, 勁!! 我自己就食一碗喇

今次來到澳門,原因是去威尼斯人看成人博覽,當然難得飄洋過海來,亦不會待薄自己的肚皮,早上到步不久,就開始覓食.首先來到在新馬路附近,歷史悠久的豆品店"李康記".一坐下就來凍豆腐花,其豆花一早"片"定,放在冰廂備用,有客人要就直接奉上.她們的豆腐花,的確很滑,入口直搗喉嚨不留痕.而豆漿反而水準麻麻,味道淡薄.來去匆匆,同豆花告別之後,又要向下一站進發.

又是過期食評,那天和三哥午餐,吃完飯他帶我來了李康記,吃了一碗滑得不尋常的豆腐花不是特別喜歡吃豆腐花,但郤想再嚐一下這種滑溜的滋味

睇完電視節目介紹,同朋友(豆花癡)去試試蔡SAN介紹既豆花有幾滑,,這店只得凍豆花..心裡即時打折扣..結果真係令人失望!!雖然係片得好靚,但真係一D都唔滑,又勁甜但冇豆味,結果都係食唔哂成碗...豆花癡朋友更話街市賣的更好吃..

不是友人建議和帶路的話, 對於這個不太吃豆腐花的我來說, 絕對不會行經此處, 因為其位置真的頗隱閉, 位於大馬路旁一條人流頗少的內街中央, 同一條街並沒有其他著名食店或手信店鋪, 因此, 真的要很刻意地來, 才會到訪此店。一貫舊式的豆腐花店格局, 我們一行六人一坐下, 還未看餐牌和選擇, 店主便隨即奉上六碗豆腐花, 似乎店內只是獨沽一味賣豆腐花, 味道亦沒有其他選擇... 這裡的豆腐花已經加了花奶和糖漿, 份量恰到好處, 豆腐花亦頗為順滑~ 感覺不錯~ 店內還有豆漿售賣, 我便將 "自動波豆腐花" 換成豆漿, 不太甜, 不太濃, 尚算合格... 當香港的舊式豆腐花店買少見少和越來越連鎖化的時候, 澳門的 "李康記" 絕對是一個不錯的選擇

5-6-08 (四)這間旅遊書常推介的豆腐花鋪子，地點不容易找，在橫巷轉了又轉，才找到這間毫不起眼的名店。一碗豆腐花，只賣五元。的確很滑溜，滑到豆花竟從我的匙羹滑回到碗內，從來未試過如此細滑的豆腐花。至於是否豆味較遜，不太記起了。不過，就算只見識一下其滑溜程度，也值得試試。豆漿 ($4)，則無甚特別。

此處的豆腐花只有滑，奇怪的是全無豆味，連在下附近街市賣的也不如，更不要說和公和那些老店比較了!! 絕不推薦 !!

幾經辛苦終於找到了澳門人大讚的《頤德行(李康記)》，那時還有一家香港人跟我們同一時間找尋及走進該店（因為在橫街小巷，所以不算易找的）。結帳時，那裡的嬸嬸婆婆還以為我們是同一伙人呢… 店子雖小，可是人客卻不少啊…我們點了兩客豆腐花（各$5），豆腐花本身是有點甜味的，嬸嬸會問加不加花奶，我們當然「加」啦！豆腐花真的很滑，比《榮記》的更滑，yummy。之後我們再來多支豆漿（$10），少少甜剛剛好（但同檯的香港人嫌不夠甜，要求嬸嬸另加糖水）…

幾年前曾經黎過頤德行, 今次重遊澳門, 當然要回味番勁滑既豆腐花!! 記得當年都係3蚊碗, 而家要5蚊了~ 不過仍然抵食!!厘度間舖細細, 得幾張枱, 不過環境都幾舒適~! 坐低就叫碗凍豆花~ 一放入口, 真係好滑, 唔洗咬都可以滑入喉嚨..... 好厲害!! 而且夠晒冰凍, 真係好好味!!! 食一碗真係唔會夠架, 起碼都要食兩碗啦~~ 都食過另外一間旅遊書出名既豆花, 但我覺得厘間好味D!!! 因為夠晒滑~ 一定會再去食~~!!!!

我每次去澳門都會去頤德行!! 平時食豆花, 唔係落糖水就係黃糖, 呢度落花奶, 估唔到係咁夾!! 豆花畢起從側面睇見到有好多好多層, 一片片咁, 可以見到製荳花既人既手勢, 亦可以想像到有幾香滑, 一片一片咁滑落喉嚨, 話咁快就食完一碗~~~不過一碗真係唔夠, 起碼要食兩碗先夠喉!!美中不足係唔夠凍, 同埋因為做得好薄, 荳味略遜, 但講香滑就一流!!

05-08-08...同daddy一齊去食..果時冇咩人...第一次去食...真係滑..好正~我daddy仲讚不絕口tim...5蚊一碗..凍同熱都係同價~我加左花奶...都ok...最底果度較甜...所以大家要拌勻先食會好d!!good!!

回想在十多年前開始食佢地d豆腐花, 好食到在香港澳門係揾唔到, 又滑又有豆香。但係近呢幾年出左名, 只係剩得夠滑, 豆香已經揾唔到。呢個「出左名就冇咁好食」o既定律是否永恆不變的????

我好鍾意食豆花，但係係香港真係無一間店舖的豆花係有超正的感覺有次去澳門，打開本旅遊書仔，發現上面有間係專食豆花既店舖，於是走去試一試，真係好有驚喜叫左一客凍豆花，碗豆花真係超滑﹑已經有入口即溶既感覺，加埋花奶，好似食雪糕甘叫一碗係唔會夠喉既，係附近行左十幾二十分鐘，真係忍唔到口，做回頭草返去再食多碗，因為實在係太好食啦....!

係香港，食豆腐花只係會落糖水﹑黃糖...係澳門，可能都係一樣.....但係係頤德行，人人都會落埋花奶，因為d豆花真係超級滑!! 上次去澳門，跟某旅遊書仔，去頤德行度食豆腐花，叫左一碗豆花，發現原來豆花真係可以甘滑! 超級正﹑一碗都只係五蚊!