影片
落完单可以系店舖出面揾位坐，食物整好后店员会攞到你枱面。食完自己收拾好外卖盒同食具。整体食物质素高，所有嘅炸物都整得好香脆，美中不足嘅系红米饭煲到好淋，接近烂嘅程度，面类会好食D。所有主食都有送素汤。A1 咕噜球饭 (MOP $48)素咕噜肉用大豆纤维整成，外表好脆口。配料有菠萝、青椒、节瓜同椰菜花。A5 日式茄子丼 (MOP $48)茄子外表好香脆，茄子肉够淋。日式烧汁好惹味，捞饭一流。A8 自选关东煮 配面 (MOP $48)配𩠌 萝卜、蟹柳、竹轮、面筋10款𩠌入面可以拣4款。面筋好似豆卜咁吸哂D汤汁，但质感较软身。面条爽口，唔会煮到淋哂。A10 饭团拼盘 (MOP $48)饭团 (加芝士) + 沙律 + 炸物饭团嘅饭底好淋，入面包有生菜、酸瓜、青瓜同蛋。炸物用咗白灵芝菇，表面干身、脆口。D3 春卷 (MOP $38/ 5条) 春卷香脆，馅料有椰菜、粉丝同红萝卜丝。饺子 (MOP $28)见其他客人叫先知有饺子食，餐牌上唔见有。饺子好好食，饺子皮厚薄适中，煎得够脆，入面似系包有椰菜同素肉。饺子醋有微少嘅辣味。是日素汤 (跟餐附送)蕃茄薯仔汤
继续阅读