寶記咖啡粉麪美食

营业中

休息中

黑沙環雖然比不上市中心的食肆林立，但仍有不少值得試的小店，今天午飯時間，就到了寶記，因為這裏的食物十分便宜！店內的裝潢簡單，與一般快餐店相近，賣的食品大部份是碟頭飯，廣東麵食和炒粉麵，當然也有賣咖啡奶茶這些茶餐廳的必備飲品！甫坐下，叫了一碟寶記五花腩飯，也不過是二十元，賣相還不錯，腩肉的肥瘦相當平均，唔算太油膩！吸收了五香粉的五花腩十分入味，肥的部份頗爽，而瘦的部份就很稔！白飯是泰國米，粒粒飽滿有飯味，汁醬亦十分惹味，就這樣用汁送飯也是美食，我忍不住添了一次飯！老闆娘招呼殷勤，時常問客人夠不夠，可以免費添飯！這店絕對抵食！

呢間係我喺澳門食過最抵嘅茶記，最近就食過： 沙丹雞扒飯：材料好豐富，有雞扒、火腿、太陽蛋。雞扒煎得好香，皮唔太厚，煎到脆脆哋，肉就好嫩滑亦夠入味；太陽蛋亦煎得好靚，就連火腿都有煎過先上碟，完全唔會因為係碟頭飯而馬虎求其！雖然佢嘅汁係一般西式汁，不過佢啲食材就食得出好新鮮，好有誠意！ 凍咖啡：好濃亦唔係太多冰，一樣咁正！老闆娘服務殷勤，兩次主動走埋嚟問我夠唔夠食，要唔要添飯！雖然呢間食店嘅出品嚴格嚟講只係快餐店食品，但係就真係好有心！