影片
去到了氹仔官也街行了一阵，望望只表已经是一时半，记得附近有一间食肆的椒盐九肚鱼非常出名，就立即去试试。地点对正澳门官也街的巨记，非常易找。入到去想坐楼上但伙计说楼上满了只能坐楼下了。叫𩠌当然首然椒盐九肚鱼，再叫了一个姜汁炒芥兰和腰果珍肝。椒盐九肚鱼 ($35细)果然名不虚传，粉少油少所以唔油腻，以为是炸物就一定油腻就估错了，鱼肉好滑但唔会散，真系未食过这样好的椒盐九肚鱼，果然系镇店之宝。姜汁炒芥兰 ($30细): 人家说这里的芥兰是自家种的，虽然我不知是真是假但食落好嫩唔苦，镬气十分，正腰果珍肝 ($35细) : 由于小时在澳门食过，所以来到澳门的传统食肆都会试一试这一个𩠌，非常令人怀念的味道，腰果和洋葱炒得好好，鸡肝和鸡肾非常好食，非常满意。听人家说这里是开中午十二时至二时，晚上六时至八时，星期一二休息，原来是真的，我见有个客二时多一些来到，伙计们说已经收了炉，真系唔休做，如果我今天再行多一阵来都试唔到了。而且更加听到它们2009年12月20日开始放十天假期，(发了达??)要来就不要这些时间来了。成餐盛惠$114，平到笑。
继续阅读
乜都唔使讲, 有几款菜是必吃的1. 豉油鸡, 是新鲜鸡, 各位, 不是冰鲜的;2. 姜汁芥兰, 听说是店里的人自己种的, 劲爽甜;3. 椒盐九肚鱼, 这味菜, 令平时不吃鱼的人也会破戒;4. 红烧豆腐, 豆腐好嫩, 仲用珍肝炒添, 简直就是bonus;5. 怀旧烧肉这小店, 就在氹仔手信街上, 不要错过, 不过这店逢星期一&二休息, 每日只做午市12:00-2:00 & 晚市 6:00-8:00, 真是唔忧做.
继续阅读
自己好少去澳门，呢日去到澳门都已经差唔多两点。一早谂好去大东食，但因为大东午市只系营业到两点半，所以都有D担心去到唔知仲有冇得食。我自己未食过，但因为同行的Uncle, Auntie之前来过吃，感觉不错，所以决定去这儿吃。系氹仔临时码头打的过黎，两点零五分抵达大东。一入到店，楼下人也不少，张张枱都有人。我们上了楼上，四个人坐了一张大枱。问阿姐有冇好介绍，佢推介烧肉。我地另外要了油泡鸳鸯鱿、姜汁芥兰、豉油鸡、椒盐豆腐。见墙上餐牌原来𩠌菜有分大小，赶忙问阿姐帮我们落的单是大是小，回应说小的份量可以了，所以帮你们要了小的份量。(哗，很体贴呢~)要鼓油鸡因为见有食家推荐，不过我就觉得不过不失，或者只鸡有少少过肥吧。反而平时不爱吃烧肉的我吃烧肉吃得津津有味。烧肉不但不肥，也不过廋，加上皮又脆，切得细细旧，十分易入口，真的很好吃。那个油泡鸳鸯鱿也十分美味。姜汁芥兰用的是兰度，不会过老，又嫩，good。椒盐豆腐炸得脆脆的辣辣的热热的很惹味。加上四碗白饭，埋单也是$22X，食物美味，不贵。最后当然全部清哂，走既时候都两点三十几分，因为上菜很快，结果吃得也很快。因为离开都已经过了营业时间，所以到楼下找数时，早已没有食客，只尚余两位在楼上。店员见我们拍照，还无任欢迎添。如此好吃的食肆，下回再来澳门还想再吃呢~
继续阅读
或者因为我食野要求高, 同埋系生客, 我觉得好似无以上各位讲嘅咁好.首先, 以上推介嘅菜式, 除左粟米鱼肚羹外, 其他一律欠奉. 仲要有个迟过我地落单嘅人都叫到个d菜式, 或者佢将d𩠌留哂俾熟客啩.跟住坐低, 叫人落单就俾d伙记推黎推去, 而且有熟客就招呼佢地先, 等左都几耐先有人真真正正黎问佢有咩推介, 佢就系咁推介烧味. 讲真, 香港d烧味一定好过佢好多啦=.= 或者因为我地得三个人, 仲要一碟烧味都无叫, d伙记有d晦气咁话"你咁样叫𩠌, 好耐先至得架bor" =o=讲番d𩠌, 粟米鱼肚羹都几大窝, 廿几蚊黎讲都ok, 但系个"羹"真系好稀, 少少鱼肚同栗米但水多多椒盐猪扒味道唔错, 几香, 但系猪扒略嫌韧.时菜炒牛肉, 不过不失, 但系碟头真系好细豉椒鱼云味道唔够, 多d豆豉会好味好多.要左三碗饭, 不过佢连饭都好细碗=.=整体黎讲, 服务麻麻, 味道一般, 碟头非常细, 每样𩠌廿七,八蚊.到底抵唔抵食, 就见仁见智lu.
继续阅读
又系我百份百澳门人介绍大家食好野啦!!!今次想介绍ge系大东饭店, 佢系正手信街...巨记对面~first 食好野唔好净系睇佢ge外表.........佢ge舖头虽然唔系好靓装潢~但系佢d野真系好好味, 好有住家feel!!!!!!全由老板娘自己下厨, 我由细食佢食到大....1."燋盐九肚" 我ge第一至爱, 大东真系无人唔识我!!! 我逄星期日都会一家去食饭ge, d "靓e" 实留返一份俾我ge....而家去左外国读书, 超级挂住佢呀!!每次一落机第一时间就去食~唔洗惊有骨呀, 全部去晒!!!我包你全港澳一定未食过俾大东更好ge盐九肚, 真系唔食实走宝呀!!!!2.. "是油鸡" 一定要试呀!!!每次去我地都会叫, 佢ge特别配方整ge....食落口只鸡又有口感味度十足!!!!!3. "叔米鱼肚更" 唔好意思, 我d中文, 我谂你地明我想讲咩ge...hehehe!!! 虽然你话le 个屋企都熟到,但系可能我食左佢十几年啦....觉得佢系唔同d ge~真好好味d ga, 最紧要系落埋pepper 一齐食bo!!!4. " 燋盐骨" le 个小朋友实钟意呀, 想当年我系小朋友唔系好钟意食肉都钟意食!!! 因为佢真系好香口~5: "咕噜肉" le个又系另一个金牌𩠌, 如果想食一定要订ge!! 同出面d 系绝对唔同, 如果唔系都唔洗你订先有得食啦!!!! 6. "红烧豆腐" 真系好靓ge 一个𩠌....不防一试!!!大既甘样已经食到你好饱好饱ga la.....不过佢多数都系做熟客, 如果你想试...最好订位啦!!!唔系去到有都唔俾你呀, 因为预左d熟客去ma, 姐系好似我le d....hahahaha!!!记住一定要食燋盐九肚呀!!!
继续阅读