影片
老公在美国加州长大, 劲钟意食墨西哥菜, 我对墨西哥嘢认真麻麻, 有得拣, 情愿去对面食喜莲咖啡,不过为搏傻佬一笑, 舍命陪君子而已.呢间餐厅在阿曼诺斜对面, 话时话又几爆场, 迟啲入都差啲冇位,帮衬的都是在澳门工作的外国人, 英美澳口音乜都齐.店员都是菲律宾人, 唔多识广东话, 但服务态度唔错.我地各点了一杯 Lime Margarita跟饮品有免费的Tomato salsa & chips, 好新鲜, 辣辣地, 几有诚意, 但份量太少了, 所以叧外点了个Guacamole吓, 六十蚊, 咁细兜嘅?味道系啱啦, 但牛油果生咗啲, 入口果肉有啲韧.主菜点了个店长推荐的Guerrero即系面粉皮包住鸡肉豆酱芝士之类,墨西哥嘢来来去去都系一pat嘢咁,呢碟个卖相麻麻, 面粉皮冇烘过, 就咁包住啲料, 旁边碟sour cream又系白,好在切开里面啲鸡肉酱都几好味.老公点的Combo Enchilada其实又系面皮, 但就混有玉米粉, 所以黄色, Combo有三块玉米卷, 分别是牛肉, 芝士及素菜, 伴碟有青菜沙律及墨西哥饭, 价钱唔贵, 一定饱肚啰.两人连饮品食了MOP320.
继续阅读
您可能会有兴趣的...