影片
冇人会否定水蟹粥系澳门嘅名物，所以随便喺游客区叫一碗水蟹粥都要百几蚊， 但坦白讲，大部分水蟹粥嘅质素都非常接近， 除非你系食家，否则都食唔到个分别！如果你追求车呔人嘅推介丶贵丶环境，可以放弃以下嘅食评。铺头嘅位置系筷子基巴士总站附近，邻近 "老记牛什"，铺头细细，只有唔够十张枱， 格局系我最喜爱嘅木家私。。。讲咗咁耐入返正题，呢度嘅水蟹粥只系80蚊一碗，size 比其他粥品会大， 好多人以为只蟹咁少肉系呃人，但呢个先系真正嘅水蟹！( 想食多啲蟹肉，自己出去叫炒肉蟹啦！) 呢度嘅水蟹好新鲜，少量入货，卖晒就冇。 第二次嚟呢度食，蟹肉依然系鲜甜，食得出系新鲜嘢！粥有少少 "棉", 对香港人嚟讲算系啱啱好，唔太水又唔太"杰"，粥品除咗水蟹粥，猪腰猪润粥/面亦都系高度推介嘅项目，因为猪腰猪润做得唔好会好腥，呢度有冇呢个问题，遗憾系冇姜丝， 加超级大量嘅姜丝系本人嘅癖好， 炖葱就最好唔好啦！我哋亦都叫咗一个炸云吞同煎蚝饼，蚝饼并唔系香港炸果种，似系一个加咗蚝仔嘅蛋饼，蚝仔亦都新鲜丶无腥味丶算肥 而且因为不是油炸产品，食落冇咁咸同油，配粥食系一流！ 至于炸云吞， 我觉得比较淡， 我自己喺上面加咗少少盐同胡椒粉， 而且因为即叫即炸，热辣香脆，非常好味！
继续阅读
您可能会有兴趣的...