影片
以上资料只供参考，请与餐厅确认详情
行过花城，发现咗呢一间葡国菜，感觉好似茶餐厅咁样，但系入边食物嘅质素都唔错。叫咗三款嘢食，包括咖喱猪扒焗饭、猪手配薯条、葡汁焗杂菜。咖喱猪扒饭嘅猪扒好大块，不过执同饭呢就少咗啲，但整体都几好味。猪手配薯条系十分之好味，个猪手炸到好脆，本身有腌得好入味，佢仲配左一个特别小小嘅酸酸辣辣嘅汁，个汁系令到成件事升华咗。葡汁杂菜嘅葡汁亦都好丰富，入边有好多款唔同嘅蔬菜同菇类，个汁又好足够，可以用来捞饭嘅份量。加埋三个𩠌，都系二百几蚊，都真系唔错！大碟又抵食👍🏻👍🏻
继续阅读
一心谂住去氹仔喜莲食早餐,系酒店坐的士去到先发现无开门！极失望之制，个的士哥哥话有好介绍，跟著就车我哋去附近嘅余荣记，佢话佢哋啲的士大佬好多都系嚟呢度饮茶。到达时已经见个舖头人山人海，可能今日又系澳门回归假期，所以人都特别多，好彩都系等咗一阵就有位。今餐叫咗雪菜肉丝米粉，火腿肠一丁，猪扒一丁，餐蛋治，奶茶及华田。全部嘢食都掂！尤其雪菜同个猪扒！早餐之选。埋单$93，算贵。但我哋如果系酒店三个人食都要过百，但质素一定无呢度咁好。第日系氹仔酒店住又多一个选择啦！
继续阅读
住濠景花园经常走去食, 推介为干免治猪肉饭(好过牛肉), 其他葡菜都不错唯一缺点是越来越贵, 差不多40元以上一碟(没饮品), 奶茶又带苦, 冻奶茶更甚. 午餐的质素太过参差, 有时好过香港茶餐厅, 有时差到七彩, 好难评分.
继续阅读
您可能会有兴趣的...