亞蘇廚房 (已結業)

每次係澳門做job 揾食都開心，成日都想哩間試下個間試下，始終食飯平dd...今次試亞穌，佢係同香港個亞穌係無關係既。佢都有好幾間分店，都有午餐既。南灣哩間就有景睇，入面佈置都grand grand 地，唔似中餐或泰菜design.佢午餐有好多選擇，包野飲，價錢都ok.豬頸肉配白飯佢豬頸肉份量多既，個味整得ok,不過佢係用叉燒醬既，似中菜多過泰菜，但好味既。海南雞飯佢個黃飯好正，好香雞油味，超邪惡！D 雞就正常，唔肥，d 肉唔鞋口，ok 既。我地一致認同個pad thai 係最正既。個外樣已經睇得，外面個個係類似雲吞皮，都有五隻蝦炒，個酸甜味剛剛好，配埋個皮好夾，炒得每條粉都分開，無痴埋一pat。