影片
我地系澳门科学馆开心玩乐之后，我地就去汇合小小猪舅父仔去食晚餐。舅父仔带左我地去打边炉呀，嚟澳门都系第一次打边炉，感觉又好似有啲唔同啲哦~ 哈哈哈...都几多嘢食，选择恐惧症又即刻发作啦~ 最后舅父仔就帮我地拣左鸡煲翅汤底套餐，食物新鲜唔在讲，仲真系有大大条翅，真系感觉好豪呀~ 鸡肉丸入面系有啲鸡软骨，食落好有咬口呀~蔬菜盆，虽然份量就好少左啲啲，不过都好新鲜呀~黑豚肉片，超级推介，好有猪肉味之余仲滑嘟嘟，真系好回味呀~第一次用鲜准山打边炉，估唔到系咁好食，下次系屋企打边炉都可以买噂啲嚟试呀~小小猪至爱乌冬，好弹牙呀~YEAH....开餐啦....今餐真系劲丰富，好满足呀~估唔到嚟澳门打边炉真系有啲唔同，好有风味呀！其实澳门都有啲小店系好有特式同，所以真系唔洗次次都去旅客区同人迫住食，依啲小店都好值得推介呀！
继续阅读
难得趁住中秋节去海边睇烟花前，所以我地一家人黎左依间中式美食 - 中厨 食D野落下肚。中厨系至尊花城附近 (骑师旁边, 其实系同一间 ) ，一D都唔难揾，难揾既系车位，转左3~4个圈，最后泊左去停车场 入正题，中厨座位偏小，要黎食记得预约，因为我地预约左都要等5至10分钟。中厨主打精致菜式，而且有火锅。钟意食中菜既应该会钟意。今次点菜方面都系侍应推荐的，例如醉鸡，蛋白炒蟹肉之类，先讲红枣醉鸡，真系好食，依只醉鸡系冷盘，鸡肉细嫩爽滑，卖相一流。正!!然后系蛋白炒蟹肉。上既时候会有个生蛋黄系上面，食既时候自己搅晕，用料方面几丰富，有带子、蟹肉，蛋白做得好好，好滑。另外，自己系到等既时候，都见到唔少人点刺身 有人会奇怪问，中菜有刺身食? 冇错，因为隔黎骑师系日本菜，厨房系通的，你钟意可以点寿司黎食。 所以，最后自己都有叫个三文鱼刺身试下。总体黎讲，中厨定价方面略为偏高，但绝对值依个价钱，无论食物味道、卖相，环境，服务态度都十分好，值得一试。
继续阅读