世記咖啡

营业中

休息中

極多報導介紹過呢間餐廳，今次黎澳門特登嚟朝聖下！！《厚蛋豬扒包》$38厚蛋非常嫩滑軟綿，豬扒鬆軟入味，外脆內軟唔會乾爭爭～個人應為加咗厚蛋之後冇得輸！《凍奶茶》$19奶茶口感順滑，都唔錯～ 不過得偷飲左朋友嘅凍咖啡，之後就後悔自己點解唔買咖啡🙊《花生奶油方塊》$25呢個冇影到相，因為一拎咗朋友旋風式清晒🤣粒粒方塊煎得香脆，花生同奶油一啲都唔慳料，粒粒都可以比醬覆蓋着，仲有花生粗粒！！食過返尋味，真係抵佢咁多人排有咁好生意！

Random 去澳門，唔知食咩好，就open rice 一下排名榜，見到世記咁蛋好評，一於試試佢。搭賭場巴士喺 galaxy 落車，行去官也街方向，好快就到！見到一條小人龍，就知係世記。排左陣隊，發現豬扒已售罄，唯有試咸牛加厚蛋治，個厚蛋果然名不虛傳，厚得黎唔會太熟，仲有啲蛋汁，個麵包烤得好好好！好鬆軟，個咸牛蛋雖然熱，但無令個包變淋！ 切記要熱食！咖啡就正常貨仔啦，佢話用炭爐煲，係聞到好香既咖啡味，但飲落無咩特別，可以個人唔係好識飲

啱啱去完大利來食豬扒包，食完都未夠喉 😝😝😝繼續行多十分鐘到就嚟到依間世記食豬扒包。嗌左一個厚蛋三文治，一個豬扒包，一個咖喱魷魚，奶茶同咖啡。豬扒包塊豬排同樣好大塊，麵包都係烘過既，外脆內軟。全部食物新鮮整。奶茶的茶同奶個比例岩岩好，因為我本身都好鐘意軟茶餐廳奶茶既，所以其實都好啱我嘅口味。咖喱魷魚夠爽口，個汁另上好濃好🖒但係世紀呢個厚蛋三文治先至係重點，超香超滑😍😍😍軟綿綿嘅口感，一啖咬落去啲蛋汁爆出嚟😲😲😲 正呀!!!!

連香港人都喜歡的外賣店。世紀咖啡☕️店最岀名既，當然係咖啡☕️奶茶☕️食方面，就有豬排包，厚旦三文治🥪做代表😋今次由香港🇭🇰黎到澳門，當然要食招牌！我選擇了 豬排包同厚旦加辣魚三文治🥪因為聽講咖哩辣魚都好岀名。豬排包原來與其他澳門店的不同，包內有一塊絕不馬虎的厚蛋🥚感覺好像玉子燒，勁厚。但雞蛋🥚味很濃郁，豬排🥩都不是簿切的 ，而是厚厚，還煎到外脆肉嫩，真的與別不同！至於三文治，咖喱辣魚的咖喱很濃郁，雞蛋的蛋和豬扒包的蛋一樣厚，就算把辣魚與雞蛋一起吃，味道都不會互搶，真的令人一試難忘！至於一定要讚一讚最外面的法包，師傅是把法包焗過的，所以外邊是脆脆，而包心裏面仍然保持鬆軟的價錢更很平民化！

幾年前第一次試過後 每次來澳門必來再吃之前分別都食過豬扒飽、厚蛋魚片厚多士...等等今次首次試豬扒飽加厚蛋哇！呢個配搭超正！蛋仍然很厚 很滑豬扒都仍然夠厚👍🏻👍🏻味道good good價錢比起好出名的那間合理很多另再點了花生奶醬方塊好濃的花生奶醬呀🤤🤤面層有些胚芽碎碎但而家唯一令我覺得可能出名了及有其他分店原本的這間沒有再供位置在內進食我最喜歡以前這裡店內的懷舊特色在內進食就像置身於舊年代的時刻一樣可惜可惜！

去左咁多次官也街, 竟然依家先發現哩間野, 仲要好多遊客慕名而來添, 佢哩個分店係專做外賣嘅, 而想舒舒服服坐係到食就要去澳門市中心個頭喇, 但哩到門外都有幾個企位可以企定定食, 不過都要等成15分鐘先食得, 咁我叫左厚旦鹹牛肉多士, 食落蛋好滑同仲有少少流質不過洋蔥有啲多就搶左牛肉嘅味道, 另外仲叫左花生奶油方塊, 哩個我要比滿分, 佢係煉奶加花生醬同埋好似係碎左嘅威化餅以成, 真係好好味, 想食完一粒再食, 飲品方面叫咗奶茶同朱古力, 奶茶就覺得茶味較濃, 但我比較鐘意多奶多啲, 而朱古力味道就比較苦甘, 咁就證明係真材實料喇, 哩間我真係要再返黎試下其他至得!

上一次同男朋友黎澳門既時候，佢帶我黎試呢間世記咖啡，仲話係佢去澳門必食既餐廳，每次都一定食佢個厚蛋肉丁三文治。我試完之後都真心覺得唔錯，即使時隔兩年都仍然念念不忘，今次黎到澳門，第一餐就即刻食佢。兩年後既世記咖啡已經無堂食、無座位，全部都要外賣拎走，但一如以往既多人。落左柯打之後，職員告知要等20分鐘，整個三文治都要等咁耐，就知呢間店有幾吸客!!等左大概半個鐘，令人望穿秋水既三文治終於到我手!! 厚蛋肉丁三文治 – 烘底麵包之所以好食，係因為其外脆內軟既口感。今次呢個三文治雖然有烘底，但由於已經入袋放左一段時間，所以已經無左脆口感….麵包吸滿五香肉丁既辣油，食過先知道原來佢地可以咁夾；半流心厚蛋依舊好味；秘製豬扒厚蛋三文治 – 就係因為呢塊豬扒既關係，攪到肉丁治由熱放到暖，由好味變到”OK啦”…豬扒應該用左咖哩醃製，聞落好大陣咖哩香；調味唔會太鹹或太淡味，但肉質好鞋好乾，同塊厚蛋形成強烈對比。總結今次既體驗，個人覺得三文治一定要加厚蛋，因為係呢度既賣點之一，但豬扒就真係唔好試啦，唔單止等得耐，味道唔特別之餘，仲要又鞋又乾，攝哂係牙罅度…是次整體印象麻麻

🇲🇴#tagnshare澳門篇……………………《澳門⛴懷舊茶記》整體都幾好...享氹仔宮也街對出~不過因為外賣店..個個都企享戶外食，夏天超級熱😫眼見個個食到身水身汗☀💰$26 鹹牛肉厚蛋多士蛋厚到一啖咬唔哂😲炒蛋内係滑滑的，鹹牛肉唔算勁多。💰$25 花生奶油方塊超！超！超多奶油醬😂有花生碎享方塊面...岩整起熱熱地幾好味😋不過如果一個人食哂一份...都幾膩@@💰 $20 香滑奶茶好耐無飲奶茶，茶底香濃，唔會比奶味覆蓋。。#澳門#世記咖啡 #氹仔 ...……………………👧🏻肥妹小編.............................👇🏻地址👇🏻世記咖啡 (外賣店)氹仔舊城區消防局前地1號地舖 .……………………

星期日既世記咖啡，真係好多人！係官也街附近既世記只有外賣，無得堂食!  落完 order 要等20分鐘！招牌厚蛋豬扒包$38 (豬扒包$30 加蛋加$8)即叫即整既招牌厚蛋豬扒包，好正呀個包外脆內軟，雞蛋又厚又實，而且塊豬扒非常鬆化香口，仲好juicy 😋😋瓦煲凍咖啡($20)非常香濃既咖啡，唔會酸又唔澀，甜度又岩岩好!咁熱既天氣之下，真係好消暑!食住豬扒包再配埋樽瓦煲凍咖啡，簡直係 perfect match !!😍👍🏻

厚蛋豬扒包個蛋煎得好香好靚，蛋味濃，口感嫩滑。豬扒正常，無咩特別。個人覺得豬扒包加蛋會更好食。食落都幾大份，好快飽。不過都唔平，豬扒包$30，加蛋要加$8。另外仲有樽裝凍奶茶，奶茶香滑。

黎到大受推介嘅世記咖啡~就係官也街的士站旁邊我由酒店搭的士過黎同司機講openrice提供個地址 司機就會話即係官也街啦所以朋友們下次想黎 直接同司機講官也街的士站一落的士向前行幾步就見到~下午4點左右黎到 諗住黎到澳門點都要食返個豬扒包點不知入到去已經見到豬扒賣哂 即時有少少失望無法啦 睇下佢仲有咩推介其實之前都做過下功課 知道呢到個厚蛋好正所以就叫左個咸牛肉厚蛋多士+奶茶等左都一段時間大約15分鐘先有得食加上佢等嘅位置唔多 天氣又熱嘅關係 真係要比少少耐性否則未食已經會燥左... 先講講個多士...多士黎講唔脆 我覺得只可以稱為三文治 而個包係好厚身嘅咸牛肉見到係加左D洋蔥 但食嘅時候咸牛肉完全被隻蛋遮蓋左而隻蛋整體係出色嘅! 雖然佢整得咁厚 但隻蛋唔係好老好實食到一半裡面仲有D蛋汁添(唔係唔熟個種)而個奶茶就一般啦 無特別總括黎講今次食嘅野都比較普通 唔算得非常好食/有驚喜加上佢呢到只做外賣無得坐低慢慢食 感覺就差一點呢個質素同價錢我諗我會搵間正常茶記可能會化算D!

餐廳環境 (4/5)雖是外賣店，但店內裝修同懷舊小擺設都睇得岀有落過心思。重點係大熱天時三十幾度，舖頭冷氣好涼！餐廳服務 (4/5)收銀同岀餐嘅店員都好快手，咁當然啦，咁多人等緊，好大壓力有個搞笑小插曲，收銀dee dee問我係咪拎走？我仲以為可以涼住冷氣咁食啊食物質素 (5/5)大佬啊 佢個花生奶油方塊真的巧姣痴😭餐廳類型外賣店，而且不可在店內進食拎上手熱辣辣又香噴噴，而且好大份好重手，就咁拎住都開心呀勁多醬但係個紙袋夠厚夠韌，一路食一路拮都無穿無漏油，抵讚！花生奶油方塊($25)嗚 真的巧姣痴ｘ３(重要事情要講三次！)呢間舖都算出名，但以食物份量及價錢黎講，我覺得都算幾大方！一袋大約８粒左右，花生醬同奶油本身都係無得輸組合，加埋威化餅碎同埋烘得好有火氣的厚多士粒粒，拮第一粒已經覺得好有誠意，因為整粒多士都被混醬重重包住，唔似一般奶醬多咁醬少麵包薄，好滿足因為我本身好食得甜，所以我覺得呢個方塊好啱我口味！食晒啲多士之後仲有好多混醬喺袋，我連啲混醬都清埋而且一包兩個人食所以係啱啱好，如果一個人食的話，應該會漏左少少同埋食完唔駛食飯喇下次再去澳門我會再去世記！而且想試下其他食物同飲品！

世記d樽仔奶茶, 我呢d鐘意重奶味ge人就略少左d, 花生奶油方塊係我每次經過都會買皈食,但係一定要share, 一個人食真係會有d'漏',不過又會忍唔住走去買, 佢仲有佢ge厚蛋包,鐘意佢一咬落去d蛋就會湧出黎,打緊呢篇野ge我已經係度流緊口水la................ 

「世紀」在wish list. 以為行程未及到訪，誰知在氹仔過馬路時見到「世紀」招牌！ 緣份嘅嘢。。😄雖然豬扒沽清，鹹牛肉也喜愛~❤店這分店只供外賣。可能時間關係，飽(多士)已變腍。炒蛋亦欠個性，不香不滑。。。鹹牛肉雖然加了洋葱，可是絲毫洋葱香味也沒有。只是軟軟腍腍的質感。幸好三文治份量只有半份厚多士。總算把它幹掉。反而熱奶茶夠滑又不會過多奶。

行完成條官也街就過埋對面街食呢間咖啡室喇! 佢係一間外賣店黎架, 所以買完要係出面食, 不過呢間分店又好好比我地坐入面食, 其他分店唔係架😏呢度除咗出名炭燒瓦煲咖啡☕同秘製香滑奶茶，仲出名食四樣野 - 洋蔥咸牛肉厚多士、豬扒🐷包、花生奶油方塊、厚切魚片五香肉丁撈公🍜咁多樣選擇兩個人可以食到幾多嘢呢？ 👀闊肚窄嘅我地嗌咗三樣名物黎食😋首先介紹下個 咸牛肉厚蛋多士, 個蛋🥚又真係好厚喎！佢個包都好鬆軟再加埋咸牛肉啲咸香!!跟住黎個花生奶油方塊, 多士切件放係個紙袋入面, 再撈埋勁多嘅奶油同花生醬, 再灑咗啲碎碎係上面! 好好味呀😍 而家一路打呢篇野仲一路懷念緊🤤 如果佢有1人份量size 賣就好喇, 因為食下食下都幾漏架!仲未夠? 叫埋佢個厚切魚片五香肉丁撈公🍜先! 個魚片都好厚而且好彈牙，公仔麵都軟硬適中。後尾發現佢其實係用印尼撈麵做個麵底，所以以後我自己都識整個簡化版黎食住先😈😈😈食完飲番支炭燒咖啡☕, 好香炭燒味, 咖啡味好濃! 原來佢真係用瓦煲去燒啲咖啡架! 果然用心制作!! 而且用料好足！👍🏼