2月份好评餐厅十强
2021-03-05

新年过後,餐厅终於可以有限度咁重开晚巿,大家都即刻约返朋友仔出嚟见个面食餐饭,唔少人气餐厅嘅门口又重新有返人龙喇。可能大家都太耐冇见,2月上榜嘅餐厅,大部分都系好啱朋友仔聚会同打卡嘅咖啡小店,有几间更系人气餐厅嘅分店或副线呢。

第10位  Will's Coffee (*新上榜)

 图:永远都食极唔肥foodxgoodwest_hk

上年开咗好多间咖啡小店,呢间就系其中一间。Menu嘅选择唔算好多,但就全部都系潮流人气大热,例如好似文青feel嘅bagel咁,仲会加入新鲜红菜头汁制成粉红色bagel,就更易呃lilke了。日式鳗鱼滑蛋贝果汉堡净系卖相都够吸引;另外仲有西多士又加入芋泥,绵密松软又爆馅,大受欢迎,难怪可以脱颖而出打入十大。

第9位  福冈汉堡扒(*新上榜)

 图:kan.teenf4f4i

嚟自韩国嘅呢间餐厅,主打石烧和牛汉堡扒, 选用100%澳洲和牛,自己汉堡自己烧,烧到外脆内嫩又有肉汁就最perfect池。菠萝鲜鲜甜甜,拣菠萝烟肉和牛汉堡扒就可以中和一下牛嘅腻感。除咗一系列嘅汉堡扒外,亦有牛丼选择。东武里牛丼饭面铺满粒粒方形牛肉粒,仲有只流心蛋,捞匀蛋浆食先系王道呢。

第8位  牧羊少年咖啡馆(*新上榜)    

 图:12056075dfoodstalkers_hk

有多间分店嘅牧羊少年,上年12月先至首次喺铜锣湾开设港岛嘅分店,咁快就打入十强,睇嚟港岛嘅朋友仔真系期待咗好耐。铜锣湾呢间店嘅feel同其他分店唔同,主要走灰白型格路线,另有多款新出美食,例如金沙咸蛋黄凤尾虾,虾肉弹牙、啖啖咸香;素食朋友仔亦被细心照顾,素杂菜薄饼就用咗多款新鲜蔬菜,包括我们小蕃茄、香菇、西兰花、芝士等制作,轻盈健康。

第7位  Seoulmate(*新上榜)

 图:v_v217Gingerbunny

打卡热店去咗将军澳开分店之後,亦迅速上榜。最cute cute一定系云朵炒饭啦,云朵用蛋白制,入口即溶。入面包住烧汁炒饭同蛋黄,食落仲甜甜地添。甜品依然系必须嘅,推介甜魔试朱古力烤自家制棉花糖,口感软滑,厚厚嘅棉花糖慢慢喺口入面溶化,好rich好甜嘅感觉。

第6位  Lagom Kaffe(*新上榜) 

 图:yoyo454小肥美

呢间系旺角人气餐厅嘅姊妹店,设有室内同室外嘅用餐位置,空间感大。主力提供三文治、沙律、意粉面食同蛋糕等。推介奶油花雕酒炖鸡意粉,啲意粉挂汤力唔错,索晒啲汤汁好入味,不过酒味就唔算好重,有微微酒香食得出。巴斯克芝士蛋糕都有几款,抹茶控就梗系要拣抹茶款啦,香浓软滑,不过想食蛋糕嘅就要早少少去喇,好快就卖晒。

第5位  翔寿司(*新上榜) 

 图:沾宝foodie_bunny

连厨师发办都有得做takeaway嘅,抵佢哋入十强嘅。餐厅主打刺身,寿司,丼饭,全部食材都相当新鲜。北海道牡丹虾够晒鲜甜,赤贝爽口,仲有清酒煮鲜鲍鱼、北海道海胆等,款款吸引。师傅仲好贴心咁如果系外卖嘅,紫菜会另上,返到屋企先自己包返,确保仲系有脆脆嘅口感。

第4位  角落(*新上榜)      

 图:joanne nghkmore_foodie

以波希米亚风做主题嘅楼上咖啡店,自自然就会吸引到一班热爱打卡嘅朋友仔去朝圣啦。食物方面仲要系主打素食同生酮饮食添,就连all day breakfast都有veggi版呢~~  自问最注重饮食健康嘅朋友仔,不妨试佢哋嘅superbowl,一碗有齐羽衣甘蓝、藜麦、烤红菜头、牛油果、西柚等,卖相又靓味道又清甜。

订座优惠:全单85折

第3位  YAKINIKU KAKURA

 图:Cheeniebee bee lee lee

嚟自日本九州嘅烧肉店,由上月榜首位置微微跌至第三位。食材由日本直送,和牛系九州A5黑毛和牛,牛魔王一定识食啦~ 咩都想食啲就当然要求嗌和牛大判烧,要喜欢油脂香嘅朋友仔,推介牛胸腹肉同牛里腹小排,两者都好香呢。厚切牛舌则好juicy,肉味香。

第2位  Lucky Smash    

 图:Sawakiurfoodbuddies

汉堡有好多选择,但要速食又要有质素嘅,非呢间莫属喇。Burger Joys副线,本身已有一定嘅知名度,加上即叫即制嘅汉堡又多肉汁,当然可以继续留守三甲位置啦。芝士控唔使谂,双层芝士牛肉汉堡,样样材料都double,仲要爆晒汁,系满足怠。不过食单层嘅一样开心,芝士味冇咁浓时更可以食到牛肉香添。

餐饮券:64折 【人气亲民手打安格斯汉堡】 $28 Lucky Smash行运热狗套餐

第1位  爆辣冷面(*新上榜)  

 图:takoyakikkheimen

呢间小食店,唔止爆辣,仲爆冷,竟然力压群红登榜首,相信可能同强大嘅芫荽党都好有关系。事关佢哋样样料都爆多,爆多蟹籽冷面真系堆满蟹籽,由头食到尾条条尾都会黏到好多蟹籽,唔使悭住悭住咁分配嚟食。至於爆荽蟹籽冷面就更加大堆头,一打开个盒全层都系绿色,喺辣香嘅冷面中,多多重荽香,绝对满足到一众党友。



文:Kar


关键字
十强
报榜
十强名单
荃湾
元朗
红磡
cafe
咖啡店
小店
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起