尖沙咀新开高质亲民Omakase专门店 推介青森大间鲔大拖罗寿司+A4熊本和王刺身(有片)
2020-11-26

日本料理永远都系香港人嘅Comfort food,而锺意食席前日式Omakase嘅朋友最近又多个选择喇!最近有一间高质亲民嘅日式厨师发办进驻尖沙咀棉登径,餐厅主打亲民又高质,午市设有两款菜单,而晚市时段则设有三款菜单,分别为「和」($980)丶「彩」($1280)及「七宝」($1580),丰俭由人!


餐厅由来自日本九州嘅资深大厨原田诚先生亲自主理,有30年厨艺经验嘅总厨原田诚先生将为餐厅菜单引入其家乡九州嘅料理特色及新鲜食材,因为九州四面环海嘅关系,原田诚先生亲自为食客搜罗无污染嘅上乘食材,令食客於香港都感受到九州风味。


「七宝」厨师发办套餐($1580)

所有厨师发办套餐都有前菜丶刺身丶特色时令煮物或烧物丶搭配寿司及卷物,食得多Omakase都知,供应啲咩就会跟返时令。

前菜鲍鱼配鲍鱼肝酱,选用大大只澳洲鲍鱼再切片,点埋用鲍鱼肝制成嘅酱汁,啖啖都系鲜味。而喜之次配上明太子及海胆,烧过嘅喜之次鱼油香突出,加埋咸香嘅明太子及鲜甜海胆,层次又几丰富。


鱼类刺身方面有鰤鱼及鲣鱼刺身,另外仲有来自日本三陆赤崎嘅蚝,厚肉大只兼鲜甜!


而A5熊本和王系其中一款招牌,选用来自日本九州熊本县嘅牛种,必需饲养28个月以上,并获得A5或A4以上等级,油花标准等级同时需达到6以上,先可以称之为「和王」。油花分布均匀亦同时带有牛味,配埋甜甜地嘅自制酱汁食啱啱好!


寿司方面,招牌系呢个月见枪乌贼寿司,以温泉鹌鹑玉子搭配有口感嘅乌贼,口感顺滑而且啱晒打卡!


更多【新店直击】:
1. 荃湾新开健康主题海景多国菜!自选三菜一汤午市定食+必食牛油果温泉蛋
2. 湾仔新开港日韩风一人一锅火锅放题 任食澳洲M6和牛肉眼 仲有海鲜盘+韩式炸鸡
3. 加拿大过江龙Crêpe第二分店进驻湾仔 新推出焦苹肉桂可丽饼、招牌红茶吉士口味


另外讲到寿司又点少得吞拿鱼,餐厅分别呈上来自青森大间嘅鲔赤身寿司、鲔中拖罗寿司及鲔大拖罗寿司,赤身食落一啲筋都无,中拖罗油分适中,而大拖罗入口即溶,三个部位都好出色。


而甲壳类方面就有肉质鲜弹嘅团扇海老及肥美鲜甜嘅绯扇贝。


煮物汁煮雉羽太其实即系石斑鱼,弹牙有鱼味;而烧物秋刀鱼幽奄烧其实即系用江户时代传统制法去烹调秋刀鱼,酱汁用照烧加柚子制成,味道甜甜地几开胃。


鮨白鸟

地址: 尖沙咀棉登径8号凯誉地下13号舖





文: Yanica

相、片: Tom Li


关键字
尖沙咀
厨师发办
日本菜
寿司
刺身
新店直击
走在最前线,为大家搜罗及报道有关新开餐厅的资讯。
餐厅资料