【当时得令】澳门缅甸配
2016-04-07
小编为食猫有好多香港亲戚话,我今次介绍呢样嘢香港无得食。为食猫未去匀香港十八区,坚唔知真唔真,但我肯肯定呢样嘢喺澳门就开晒巷。除咗最多外地游客争住去哥间,今次为咗写呢篇稿,为食猫仲发现咗好多间。

368小食鱼汤粉



澳门都好多乜乜乜缅甸美食,而打正旗号叫自己做乜乜鱼汤粉就唔系好多,368就系其一。呢度鱼汤粉分两个size,普通版卖$24,加大版$32,算系抵食。为食猫食鱼汤粉会饮晒啲汤,次次食普通版都够饱,所以到依家都唔知加大版有几大。

呢度鱼汤粉好足料同大碗,可选配豆饼、炸洋葱、炸莆瓜、油炸鬼、鱼饼其中一款,加多款就加$8,睇相就知配料量都好多。

鱼汤入面都有唔少鱼肉,而且汤头浓度OK,唔会觉得自己饮紧水;最重要系质地都够浓唔会稀。今次为食猫就拣咗配炸莆瓜,瓜身爽脆,配埋炸粉就系脆上加脆;仲要炸到啱啱好,又香又酥,吸埋汤食仲精彩。

QQ食真香面食咖啡室



呢间舖都几多嘢卖,缅甸嘢泰国嘢都有,选择丰富。不过为食猫嚟亲都系食鱼汤粉,因为都系好好味。呢度又系好抵食,一碗$22,但就只有一个size。不过系正常size,绝对够饱。

鱼汤粉会配豆饼,而其实为食猫平时真系唔系咁中意食豆饼,但呢度个豆饼又做得出奇地好食喎!块豆饼会同碗粉同一个碗上枱,但就已经分开五、六小块,都几多㗎。为食猫试过某啲舖块豆饼啲豆硬到好似石春咁,但QQ食真香呢啲系爽口,一咬就开,而且块饼都炸得好香。

汤就食到好丰富香料味,而且有少少辣。同样,汤质够浓味够香,好醒神。粉就幼身啲又较软,各有所好。

小休咖啡



本身成个setting都系茶记样,有咖啡奶茶,食物就主要系缅甸式。以前为食猫都嚟食过好多次,出品都唔错。点知,白马王子蔡枫华原来真系好有先见。

相隔咗半年再去,加价到$28都算,澳门而家食嘢郁啲都要咁上下价钱,但个质素同为食猫之前去真系相差咗好多。小休本身碗面都系细啲㗎啦,为食猫去食亲都唔系好够嘅,但以前质素叫唔错。今次再去,一上枱,啲汤水还水、料还料,一个字「稀」罗。饮落都还好嘅,有少少虾乾味,又有少少辣,都算开胃嘅。但啲粉就……应该咁讲,几方便老人家食嘅。

文:Hungry Cat
编辑:macau@openrice.com

随时接收最新资讯
赞好OpenRice专页!

关键字
缅甸
小食
鱼汤粉
豆饼
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
【当时得令】白鸽巢周边平民好面食
2016-12-29
【新店直击】氹仔旧城区都有滋味鱼汤粉!
2017-03-16
【编辑推介】澳门缅甸捞面的代表
2017-04-13
【饮食潮流】真‧勇士!日本士多啤梨蛋糕味捞面嚟咗香港喇!(有片)
2017-02-20
【新店直击】粉色系Café潮圣打卡必到
2017-03-03
【Pinkoi好设计好生活】咖啡迷必到:4 大来自不同地方的特色咖啡馆
2017-02-24
餐厅资料