「解码轩尼诗」 展览抵澳门 期间限定干邑品鉴体验
2019-09-24

大家闲时食饭又好,职场social又好,唔多唔少都会摸下酒杯底,不过杯中物系点样生产酿造、或者点样品监就未必个个都知喇。唔紧要,机会嚟喇,拥有过百年历史嘅全球干邑品牌轩尼诗Hennessy,而家喺「澳门银河™」综合渡假城有个期间限定嘅「解码轩尼诗」展览,去行个圈参观一转,即时长知识之余,仲可以即场参与限定嘅干邑品鉴体验!

呢个展览早前已分别喺亚太区多地,包括上海、杭州等巡回展出过,而家终於嚟到澳门喇。展览分咗5大展区,透过各种互动体验,探索轩尼诗嘅历史根源。当你愈了解一件事物嘅时候,你将会愈懂得享受同埋欣赏佢嘅价值。

展区一. 邑园漫步

由白玉霓葡萄酿成嘅轩尼诗,葡萄共有6个产区。虽然未能飞过去,但亦可以透过短片观赏呢6大产区一年四季,从栽种到采集嘅风光。

展区二. 传奇人物历史墙

墙上挂上酿酒世家嘅相片同简介,让大家了解传奇嘅背後灵魂人物。

展区三. 互动展示区

从萄萄园嘅面积大小,到发酵、蒸馏、酿造嘅每一个过程,都可以透过轻触墙一一认识。

另外,「V.S.O.P放耐咗会唔会变X.O?」、「干邑系咪会流眼泪?」呢两条问题可能大家都会问过,拎起听筒就可以得到答案喇。

展区四. 生命之水

呢区放满一瓶瓶生命之水,色泽各有深浅,系佢哋喺手工橡木桶内陈化嘅时间长短、再经过混合调配而成。

展区五. 大品酒室

头脑吸收咗咁多理性上嘅知识,去到最後,当然要吸收下啲酒精啦!呢间房,系仿傚同复刻法国Richonn大街上,从来唔对外开放嘅轩尼诗品监委员会大品酒室而设计,令大家可以变身成为品监委员会其中一员,喺导赏员带领下,亲身品嚐轩尼诗干邑。


「解码轩尼诗」展览详情
日期:即日 至 2019年10月6日
时间:10:00am 至 10:00pm (品酒体验时段仅於周五至周日开放)
地点:「澳门银河™」综合渡假城水晶大堂


文:Kar
相:Calvin Kwok


关键字
澳门
威士忌
饮食潮流
开饭仔为大家发掘香港这个美食之都的最新美食资讯,分享饮食潮流文化。
本月热门
尖沙咀新开高质亲民Omakase专门店 推介青森大间鲔大拖罗寿司+A4熊本和王刺身
2020-11-26