趕住睇戲，要食個快飯，但邊爐癮起好想打邊爐！諗起早幾日見過人講呢間新開一人一鍋就試下啦！

星期六晚飯時間仲驚要等好耐，但一去到就有位，開心

呢度大約有十款唔同湯底既鍋，都算多選擇，不過配料就定左每個湯底都有啲分別。

我揀左個麻辣鍋，麻辣鍋得牛或羊揀，雖然我麻麻地羊，但因為我唔食牛就唯有揀羊啦，如果肉類可以flexible啲就好啦湯底都幾濃麻辣味，而我揀左小辣所以就唔太辣既。配料之中大部分都正常，貢丸係好食既，但舊粟米啲粒真係細粒到爭啲咬唔到。

朋友揀左個番茄湯，應該係用新鮮番茄煲，見佢個煲愈煲愈蓉同愈杰。每個鍋都會跟一碗白飯，我用啲番茄湯撈飯，不得了！好好味！食完碗飯見朋友煲番茄湯仲有剩爭啲想添多碗飯撈埋佢

食哂個鍋加個飯夠哂飽，又滿足左想打邊爐的心。而且會想試試其他湯底。有趣既係熱點既餐巾係用隔離源記餐廳既餐巾，唔通係同一個老闆？

與友人在銅鑼灣找餐廳吃晚餐，友人突然想食拉麵，所以去登龍街逛逛再決定邊間。

外貌協會，比較喜歡呢間既裝潢，所以就試試佢！

湯底好似只有兩款辣同唔辣。

我同友人都點左炙燒豚肉味玉拉麵，麵質都選正常，再加個餃子。

餃子先到，最鐘意食圍住餃子既脆脆，而餃子本身皮都夠薄，咬入口仍然有湯汁，不錯！而到重點拉麵，湯底味道充足，喜歡重口味一點的應該會喜歡呢間拉麵的湯底，而麵身亦十分掛湯，豚肉很邪惡好好味！亦都幾大舊！食完會有100%的飽肚感，好滿足呀！另外，服務員的態度亦很好，加水好密，會加分。

係apm附近想食日本野，諗起大盛改左九點後半價，唔洗等到咁晏，而且亦唔洗排隊等位，所以揀左呢間。

之前有食過鍋物覺得麻麻所以冇點，點左啲之前覺得ok既。

呢度魚生一般，所以點左個火灸三文魚，如果可以再燒得香口啲就好啦。每次來一定會叫既金蒜三文魚腩，啖啖肉，金蒜非常惹美，鐘意食炸物應該都會喜歡！另外叫左個鰻魚炒飯，來到唔夠熱，啲飯太散，可以改善下。

如果係正價就未必會揀呢間食日本野了，不過半價都可以一試啦。

見佢算新開就試試佢。

環境不錯，光猛，座位舒服，下午茶時段冇乜人唔需要等位。

叫左個忌廉煙肉玉子烏冬。忌廉creamy，煙肉香口，烏冬煙un。略嫌份量比較少，唔太夠食。而價值算中上但食物不算特出，作為學生哥唔會經常選擇此店

之前平時貪近貪方便就會來食，覺得食物就一般啦，冇乜特別。

不過見佢轉左新餐牌所以再試試佢。

晚餐有呢個土匪雞翼炒公仔麵，我覺得係幾好食的！
有土匪雞翼既香脆美味，而且仲加左少少蜜糖既甜味，公仔麵亦炒得不錯，四十蚊個晚餐，有四隻正常size既雞翼，算非常經濟了！

來到呢間餐廳，係出面望入去一個人都冇，心諗會唔會有伏？但都既然來到就決定入去試試。

左邊係左口魚壽司，入口即溶，有輕輕燒過，好香口，非常美味！右邊係友人食，忘記左係咩。山賊汁雞翼仲有個冇影相但本人好喜歡，係沖繩苦瓜炒豬肉。原本我完全唔鐘意食苦瓜，但佢呢個苦瓜甘味大於苦味，而且整道餸味道好好！

另外，服務員會不斷加茶，加分。