大盛日本料理 (裝修中)

係apm附近想食日本野，諗起大盛改左九點後半價，唔洗等到咁晏，而且亦唔洗排隊等位，所以揀左呢間。之前有食過鍋物覺得麻麻所以冇點，點左啲之前覺得ok既。呢度魚生一般，所以點左個火灸三文魚，如果可以再燒得香口啲就好啦。每次來一定會叫既金蒜三文魚腩，啖啖肉，金蒜非常惹美，鐘意食炸物應該都會喜歡！另外叫左個鰻魚炒飯，來到唔夠熱，啲飯太散，可以改善下。如果係正價就未必會揀呢間食日本野了，不過半價都可以一試啦。