新翠華茶餐廳 (已搬遷) 新店位置

（冷靜！時間係去年一月）這個冬天不太冷，但也不容錯過合時ｏ既煲仔飯我ｏ地兩姊弟今餐選擇ｏ左銅鑼灣登龍街ｏ既翠華茶餐廳，貪佢款式多，又有創意６：００正ｏ黎踩場，內面已經坐滿人，外面亦有人排隊．．．好在，都ｏ吾使等太耐．．．入到去，整個餐廳到彌漫著炭燒ｏ既香味細佬要本年度新出ｏ既彊土羊肉煲仔飯，而我就要個荔茸肉碎煲仔飯，全部加五元轉花茶飯底等呀等．．．．．等呀等．．．．．其間我ｏ地發現店舖雖窄，但伙計們雙手拿著一兩個煲，都可以自如地穿插其中，真係神乎其技！ｏ黎ｏ拉ｏ黎ｏ拉．．．一﹑二﹑三　指定動作：落醬油﹑蓋上﹑再等五分鐘．．．開飯ｏ剌！冒起大煙．．．兩煲飯皆賣相精美；特別係我ｏ個個，ｄ荔茸整到成個雪糕球ｏ甘，真可愛　（但要食就要先將佢壓扁，再撈埋ｄ肉碎．．．）快ｄ食番啖．．．味道果然無令我失望；荔茸清香，而ｄ　肉碎加上冬菇係炒香ｏ左先，所以十分惹味；三者混埋一起更令口感豐富．．．ｄ飯更加係無得彈，飯焦香味融入微微ｏ既茶花香，咬落亦ｖｙ　ｃｒｉｓｐｙ試啖細佬ｏ既彊土羊肉先．．．ｄ羊肉無ｏ羊羶味，不過都好香，好入味．．．哈哈，可能係先入爲主，我覺得我ｏ個煲好食ｄ