翡翠潮州小廚 (青衣)

人人都話香港無平野食，特別潮汕牛肉火鍋同牛雜煲，好多年前已經話平過香港好多，但其實只要留意下，香港都有好多平野，朋友就剛剛推薦左我呢個招牌潮式牛雜煲。

先要講下佢個醬汁底，師傅話俾我哋聽佢係用上港式，潮式同深圳嘅口味調較過，用料你基本上講得出都有，有牛腩，有牛筋，有牛肚，有金錢肚，有彈牙嘅手打牛丸，全部都算唔錯，同我記憶中之前係皇崗邨食過好地道嘅牛雜煲味道無乜分別。btw，唔夠你仲可以單點。

香辣雞煲雖然唔係朋友推薦，但我地見隔離枱叫都做得好吸引，叫左一個，雞份量多同夠，我覺得多過一隻嘅份量，有從前一品高峰時間嘅水準。

手打墨魚丸，手打蝦丸，手打鯪魚球，全都好新鮮，以一間唔係做開火鍋店嘅店來說，都著實不錯。蝦丸同墨魚丸全部都吃到原材料，夠鮮夠足料。

韭菜豬肉水餃，菜肉雲吞全部都大大粒而且好飽滿，吸收個湯之後更加好食。

響鈴同生根都係必點嘅項目，又係好適合夾個牛雜汁。

重口味朋友點了鴨血同雞子，仲有炸魚皮都係比平常嘅火鍋店出色。

最尾呢期最流行嘅香水檸檬茶，仲要有霸王杯，其實同平時係深圳嘅感覺一樣，而且價錢都差唔遠，我覺得，有時周末唔一定要上深圳，香港都做到同樣效果。

Chatterbox Café (九龍城)

今晚一個人簡單晚餐，嚟到AIRSIDE嘅新加坡知名餐廳 Chatterbox。之前去過 K11 MUSEA分店，印象唔錯，今晚試下 AIRSIDE分店，睇下係咪都能夠保持水準。

叫了兩款前菜，分別是馬來特色香煎辣魚餅 Otah Otah及香脆腐皮卷。

這道馬來特色香煎辣魚餅 Otah Otah 很有特色。魚餅的口感很棒，煎得剛好，帶有微妙的香料風味。唯一美中不足的是，我覺得如果搭配的白麵包烘過一點，會更好，因為烘過的麵包可以增添一些口感和香氣。

這道香脆腐皮卷讓我印象深刻。腐皮卷的外層煎得很香脆，吃起來很有嚼勁。然而，我認為酸甜汁的份量稍微過多，有點壓過了腐皮卷的風味，希望他們可以調整一下醬汁的用量，讓整道菜更加平衡。

招牌大蝦叻沙是他們的招牌主食，我對這道菜的印象非常深刻。湯底濃郁，充滿了叻沙特有的香料味道，令人回味無窮。豆卜吸收了湯頭的美味，口感十分鮮嫩。大蝦也算新鮮，增添了海鮮的風味。唯一的小遺憾是，米線的口感稍微有些腍，我個人比較喜歡用摻摻來搭配叻沙，這樣才更加符合正宗的口味。

價錢方面，我覺得 Chatterbox 的價格略嫌有點貴。雖然他們的菜品品質不錯，但是相對於其他餐廳，價格稍高。如果能夠在價格上提供一些優惠或者增加一些價值感，相信會更吸引顧客。

總體而言，Chatterbox 是一家知名的新加坡餐廳，他們的菜品有著獨特的風味，特別是招牌大蝦叻沙，值得一試。然而，價格略高和部分菜品的小缺點可能會影響部分顧客的選擇。如果你對新加坡料理感興趣，可以考慮前往嚐試一下他們的特色菜品。

魚がし日本一 (九龍城)

新蒲崗同啟德想食日本野，之前真係無乜選擇，多得呢間Uogashi Nihonichi 係airside落戶，才有得食omakase。搭地鐵上去商場基本上100%會見到，想食好多次，於是前幾日有事經過就試埋。

當然第一次食就唔食omakase住，單點同食下普通餐，試完水準先感受下值唔值得食。兩個人，一個點了一個八件的火炙壽司拼盤，一個食個北海丼飯先。





北海丼應該係大部人都會食嘅選擇，要乜有乜，三文魚、帶子、魚籽、蟹肉同海膽，仲有勁大隻嘅牡丹蝦，撈埋一起食，滿足感當然有，而且難質素都係高質，特別係加完青檸嘅帶子，特別甜美。

尾聲仲有個鯛魚茶漬湯飯，比較少見的選擇，當然還有湯同甜品，二百幾一位絕對有優勢，係呢個商場來講唔算太貴。

火炙有四種，帶子、深海池魚 、左口魚邊同吞拿魚，各有千秋，最好當然係左口魚邊，燒過後魚油大爆發，深海池魚都有驚喜，帶子同呑拿魚都加左啲調味，都好有心思。

簡單感受到個水準係幾高的，而家食完先發現原來有三百幾嘅omakase set ，下次可以再食。

OZAKAYA (灣仔)

一年無過黎食brunch，水準依然咁好。

$495一位，前菜任食，主食選一個，包你一定滿足，但又唔係自助餐食好多唔係可以回本嘅野又味道麻麻。今次又係下午食完，夜晚都唔駛食野。加多$100就有非酒精飲品任飲，不過我會選擇$190任埋sake，紅白汽酒任飲。

先講野食，前菜任食，海鹽枝豆，軟殼蟹卷，素菜壽司卷，辣蔥三文魚卷任你食，係有得任吃，不過不能吃太多，因為其他前菜好食都多而且又唔會咁飽。

好食嘅好多，雜錦刺身，番茄、鹽燒雞翼、和牛他他，配菜有馬山椒同火箭菜，粟米加上青檸味噌醬，點左黑糖醬嘅唐揚炸雞都係我私心要一點再點嘅推薦。

如果食得飽，點番d綠花椰菜苗同芝麻菜和風沙律可以幫助消化，食完準備挑戰呢個主菜。

主菜有阿波美地雞、北海道白金豚、海鹽燒油甘魚鮫、角切刺身丼、舞茸菇高菜土鍋飯，溫泉玉子、西京銀鱈魚、南澳洲M6和牛後腰肉，同和牛西冷，八個選擇中，唯獨牛同魚要加錢，不過都值得因牛嘅質素好高，個人覺得舞茸菇高菜土鍋飯粟米都好推薦，加左粟米•松露油後都非常香，西京銀鱈魚都做得剛剛好的perfect 油香同juicy。

甜品部分，無限量每位都有得食季節水果，另外兩個係京都抹茶流芯蛋糕，柚子焦糖法式燉蛋，兩個都做得細緻，特別係法式燉蛋，同平時係餐廳a la carte點的份同味道都一樣。

如果想搵個地方坐朋友食下傾下一個下午，絕對值得試吓，唔算貴又叫做幾好食，怪不得呢個brunch都維持到有不少人支持。

유명진의 육미정담 肉味情談 (九龍城)

呢間肉味情談，想食好耐，食左Airside咁多間餐廳，唯一一間韓國菜，而且感覺唔錯，食左差唔多大半嘅餐廳，所以都順便想講下呢個韓燒。

有朋友去咗就話普通，不過我食左個兩人餐嚐味釜山套餐，$850應有盡有，又有前菜送，唔使用腦諗食乜就可以食到唔同種類，而且仲有人幫你燒埋，何樂而不為。

一級五花肉同黑毛豬濟州梅花肉都係傳統韓國最原始的豬肉感覺，味道濃烈而且獨特，尤其鍾意五花肉，呢度嘅員工將佢一件一件細心分開嚟煎，加上枱面上大量嘅蔬菜，仲有傳統嘅泡菜同蒜蓉包住食就最好。

牛胸肉又係大大條，啖啖肉都非常暴力，令所有愛肉之人都滿滿的蛋白質同肉感。

安格斯牛外裙肉，呢個部位幾特別，最適合喜愛嚼勁嘅朋友。

和牛牛五花當然最強最有口感最過癮，有油花有油香，不過去到呢到已經飽。


蘋果梨汁雞肉配搭得宜，而家同豬肉一樣，同平時食嘅感覺總有得不同，單點絕對值得試吓雞。



大醬湯同冷麵，當然食麵涼下下火，黑米冷麵真係第一次聽，感覺就如平常的水冷麵，幾彈牙，唔錯。

你話係唔係好平？唔算，不過如果你出尖沙咀韓國街食呢啲咁嘅份量，價錢應該差唔多，但係呢度好坐又舒服，而且服務好，我覺得街坊想食韓燒過嚟試吓都係一個唔錯嘅選擇。