北海道十勝豚丼 (九龍灣)

睇完戲就去左搵野食，咁岩見到呢間北海道十勝豚丼！
我就叫左個：吉列熊本珍珠蠔面豉湯拉面
另外分別有兩位朋友叫左個豚肉飯同石鍋飯（唔記得全名）

啲珍珠蠔真係好好味，但個拉麵既味道真係好普通，
似係響超級市場買番黎既果啲拉麵

而朋友個石鍋飯就冇咩特別，係佢間野支豉油既味道好味～
豚肉飯既豚肉就的確幾好味既

Pancake Colours Cafe & Bar (尖沙咀)

明明訂左8:30，8:35左右上去囉位，竟然同我地講冇位，叫我地轉場，仲話如果要食就要等位，起碼等30~60分鐘，
因為有d人早到霸左d位。我心諗，如果係咁既話，咁不如你間鋪寫明不設訂位啦
訂完又唔俾人入，想點先？我寧願佢同我講先到先得囉好過我訂左位又冇得入！
之後有一位朋友終於忍唔住開口鬧啲職員，佢地先死死氣咁同我地講話有位，呢間野真係好有問題坐低左之後就叫左個4人套餐，價錢大概係$5XX，可以自選食物，我地計過條數以為咁叫會抵啲啦，點知...

首先野飲我叫左特濃朱古力（凍），但杯野啲味道真係勁怪！甜又唔係甜，總之怪怪地啦！第一樣上既就係湯，冇咩特別同平時係PIZZA *** 飲到果啲差唔多！

然後就係下面呢碟豬仔骨，又係冇咩特別囉，而且好甜，NO! 成碟野最好食既就係薯條！呢個飯算係最好味既一樣野，但份量勁少，4個人根本分唔哂！小食拼盤，果條春卷咁既物體真係好難食 啲雞翼咸到好似食鹽咁！
得啲薯條好食你話死未！呢個PIZZA就真係經典喇！原價要成$1XX，但味道同係麵包鋪度食到既PIZZA冇乜分別，我仲要覺得人地好食過佢囉
食呢個PIZZA真係同食麵包冇咩分別，個底仲要燒焦左架，苦架！食左一舊已經冇哂胃口再食喇！

甜品:怪味yogurt一上果陣個雪糕係溶溶地，個PANCAKE又係冇咩特別，但原價要成$37囉

另外間野係冇咩野玩架！要玩熱門game就要做佢間野既VIP

最後要講既就係，呢間野既女員工服務態度真係超級唔好（尢其係門口果個），
埋單每個人$150，如果要我咁既價錢入黎食野，但入得口既野竟然得薯條的話，
真係冇下次囉！

Think (銅鑼灣)

上網見到呢間cafe 60蚊任飲3個鐘已經一直好想黎
今日終於有機會上到去坐下，
坐左4個鐘，總共叫左4杯野飲，
第一杯果陣個味道真係好淡，但老闆好好人
唔夠味既話佢會幫你加重啲味！
所以之後叫既野飲都有話想要甜啲或者唔好咁甜
雖然wi-fi真係好慢但總算夠用，另外仲可以自己帶食物上黎食，
一定會再上黎！

青鳥居酒屋 (南丫島)

聽聞係南丫島唯一一間賣日本菜既餐廳，就決定去試一試，
叫左個B餐: 什麼壽司+豚肉湯烏冬定食
同F餐: 七味豚肉鍋+餃子雞翼定食，
壽司係ok既不過個烏冬真係好差，
個湯底好似公仔麵味都算，成個烏冬既味都好淡，
難食
七味豚肉鍋又濃味得濟！
同市區同一個價錢，但味道真係差好遠，
如果大家去食既話真係要諗一諗

麻布十番 (元朗)

同朋友行完山就落左黎呢間野度食晚飯，間鋪既面積非常之細，所以等位都等左幾耐下！
由於係等位既時候已經睇好哂要食咩，所以一坐底就即刻order野，
不過都等左幾耐下食物先送到上黎，而且啲員工仲要黑口黑面咁！好香好脆好熱既雞軟骨，讚！三文魚好厚好甜，夠哂好味！
甜蝦都係值得讚既！軟殼蟹壽司，必食！牛油金菇。呢個好難食，啲金菇既味好奇怪食埋呢個真係飽到上哂心口，如果唔係有四個人一定食唔哂！

有機會經過元朗既話都會再黎食下呢間野！因為真係好抵食