Vickibabyhoho's Profile

午餐唔知食咩好，又唔想食飯，又睇睇公d外賣紙，見到佢有外賣，就叫左個我最鐘意食既生菜包喇，等左都唔算耐，64蚊，有一盒肉碎同一大包生菜，都算抵食，因為份量都幾大盒，但生菜唔夠多，食哂菜都仲有3/1盒肉剩，至於味道，生菜包既酸味同咸味都適當，由於我唔係好食得辣，係冇講小辣既情況，我就覺得辣左少少，肉汁比較多，有濕過頭，味道都算惹味既，打開盒時都幾香，但生菜就好一般，有d都黃左同爛左，但唔嚴重既，整體都算可以…Read More

約朋友食飯，見唔洗排隊就入去食，店面半開放式，有d位係户外，所以咁熱既天氣食真係有d熱至於食物方面，我地3個人食，點左差唔多20碟串燒，其中我覺得最出色既係蒜蓉芝士燒蠔，蠔既size 唔算大，但係隻隻都好肥美，鮮甜，唔係燒完縮哂水既蠔黎，一份有4隻，抵食👍🏻其餘既串燒都不過不失，調味料夠香，辣味亦適當，都夠惹味既美中不足係鋪頭抽氣唔夠，都幾大油煙，仲要半開放式咁，建議冬天去食會比較舒適…Read More

幾個月前食過一次，令我太想念佢個生菜包，所以今日再去食今日我地4個人去食，一共點左幾個菜，其中我最推介既，就係呢個生菜包喇，因為佢既肉碎整得超惹味，咸度適中，香草既味唔會嗆，同埋佢帶有酸酸地既味道，應該係加左青檸汁之類既野調味，肉既肥瘦亦岩岩好，所以食落唔會膩，用生菜包住黎食簡直係爽口，又開胃架，如果單點呢味菜，我應該可以一個人食哂一碟今日仲飲左椰青，非常青甜，解渴，椰青入面既肉，用匙輕輕一括就已經括到d飲出黎食喇，又滑又香…Read More

同事最後一日番工請飲野，因為呢間買滿200蚊會送外賣所以就叫左佢喇，睇睇餐牌，其中一種係雪冰斯，個名咁好聽，咁我就叫左個，布甸奶茶雪冰斯喇～～因為未飲過，所以拎到柸野就睇下入面有咩，裡面真係有一個雞蛋布甸，至於雪冰斯，我開頭諗會唔會好似思樂冰咁，但原來又唔係，飲落冇冰粒，但見佢柸野有d雪係面，滑滑既奶茶，奶味香濃，茶唔會太澀，甜味適中，布甸入口軟滑，仲有飲到d一粒粒既豆，原來係紅豆黎，幾種好似唔關連既野擺埋一齊，但飲落又唔錯喎，幾得意，係好味既…Read More

行完街，搵野食，行下行下就行到黎呢邊，係門口望入去已經覺得好靚好舒服，所以就走左入去喇睇睇餐牌，係set din 會有餐飽同湯同主食，最後我揀左煙豬肉青豆忌廉耳仔粉首先黎既係餐飽，外面脆卜卜裡面仲軟軟地熱熱地既豬仔飽，唔會太硬，搽牛油上去牛油會溶落飽度，食落特別香跟住就係湯，個湯係黑松露野菌忌廉湯，黑松露唔會太濃但又夠香味，野菌味鮮甜，而忌廉湯夠香滑，唔杰身，唔會漏最後就係煙豬肉青豆忌廉耳仔粉，煙豬肉唔會太咸，又唔會太乾身，肉質彈牙，忌廉夠香甜順滑，耳仔粉好煙煙靱靱，整個配合得好好，煙肉咸味加上忌廉甜味，粉亦有咬口…Read More

想左成個星期食放題，終於今日行完街捉到男朋友陪我食198一位再加1 呢個價係21:40分後入座，好似有d貴，不過睇睇點餐紙，都幾多野食揀，仲要有m字頭的雪糕，都算值回票價啦刺身方面都有十多款，都夠新鮮，但就比較出面食既細件再黎就係天婦羅啦，我地叫左三款，蝦同南瓜同茄子，蝦就一般般，南瓜好甜，茄子係壤左肉既，蝦同南瓜既脆醬都唔太厚，食落都鬆脆跟住就係我最鐘意既枝豆，非常之一般，鹽都唔多粒，冇味既到左熟食喇，牛柳粒，都唔錯既，唔會太乾，肉汁都鮮味炸物我就推介紫薯香芋波，皮夠脆，內裡夠香甜，呢個我有再翻點甜品就食左m字頭雪糕啦，士多啤梨味，唔會太甜，食落其實似乳酪…Read More

日日出街食飯，都唔知食咩好，落街行下見到好似都幾多野食就入去試下啦！日日食肉，好少食菜既我見有菜沙律食仲要唔係沙律醬果d，咁健康，一於就試下先，係牛柳粒菜沙律，醬汁係胡麻醬，食落菜都好新鮮，胡麻醬唔會太多都唔會太少香味十足，牛肉同菜既比例都幾岩，牛柳粒食落唔會太乾，肉汁鮮味，多菜少肉，仲有車厘茄，以後午餐想食得健康d可以食呢間食沙律…Read More

同男朋友行屯門市廣場搵野食，睇到個Menu 既相好吸引，同好似都座得幾舒服就行左入去我地叫左3款野食同一個飯第一個係芒果軟殻蟹紙米卷，賣相好靚好吸引，芒果夠甜，軟殻蟹炸得鬆脆，仲有生菜同香葉用紙米皮包住，食落香甜又唔油第二個就係越南法式金絲蝦餅，多面既金絲炸得好脆，唔會硬，入面既蝦餅好彈牙，點埋泰式辣醬，口感味道第三樣就係燒豬頸肉配濱海及生菜，豬頸肉唔會燒得太乾，咬落仲有肉汁，加埋佢配既燒汁，生菜同濱海一齊食，爽口得黎又有肉汁鮮味而最後就係飯喇，我就係比餐牌上面佢既相吸引左我，椰青海鮮焗飯，本身我唔鐘意食椰汁，但我會飲椰青水，咁我見佢成個椰青上，就好想食，果然，佢上面白色既椰汁同我平時食既唔係好一樣，只有淡淡椰香，但又唔會太濃，好岩我唔太鐘意食椰子汁既人，配埋海鮮既鮮味，簡直係絕，焗飯都焗得好香，又唔會太乾身，呢個我超鐘意，食落又唔會油淋淋，汁飯同海鮮加埋食軟硬味道口感都非常好丫，另外仲叫左個甜品，椰青糕，食落口感有d似大菜糕，但味道就係平時飲椰青水既味，清甜又清新兩個人食左3百幾蚊，都抵食，因為超飽下次約多幾個朋友去食先～～…Read More

呢間點心店我之前同男朋友係土瓜灣食過，因為男朋友鐘意食紫薯，佢地有個紫薯流心飽就吸引左我地入去，收銀個姐姐好好，會介紹食物，同話比我地知，佢地會不定時轉換點心推介，佢地既點心係佢地既師傅鑽研出黎既，聽到未食就覺得誠意十足啦！當時個姐姐話比我地知佢地會係元朗開分店，有日行話西菁街終於見到喇，由於佢地收得比較夜，所以我收工番到元朗都仲有得食，就試下元朗既味道係咪同土瓜灣既一樣先，入到去睇一睇餐單，都係有幾種新既推介我地就叫左個新既蝦醬豬頸肉飯，佢地既飯係用蒸蘢加荷葉蒸，好香，但可能我之前食過佢地既金蒜海蝦飯，就有比下去既感覺喇，兩個飯海蝦果個因為有蒜蓉，配荷葉既香味，所以個金蒜海蝦係超級香既，反而蝦醬豬頸肉，可能因為蝦醬既味唔太濃，香味就差少少喇，但兩個飯食落都係好好味既，可能我鐘意食蒜蓉，所以我比較欣賞金蒜海蝦去點心店點可以唔食點心呢，連土瓜灣果間我食過幾次，紫薯流心包，紫薯流心煎堆都推介，唔會太甜，流心效果一流，亦有淡淡既紫薯味，又唔會太濃，鐘意食黑松露既亦都可以試下黑松露野菌餃，黑松露既味道加上野菌既鮮味，真係不得了，另外佢地仲有盅頭湯，都會不時換口味架講番今晚我試左佢地新出既桂花糕，真心推介比大家，桂花既味道，一擺入口一咬，成口都係桂花既香味，但又唔會過火，非常清新既感覺阿呢間點心店大家有興趣真係要去試下，佢地既staff 都好好架，行入去佢地如果得閒會介紹食物比你，如果唔忙既時候，仲會問你d野岩唔岩食，同你傾計，不停接受食客既意見改進佢地既食物，超贊…Read More

見住佢周圍都開分店，咁岩又唔知食咩就試下啦，當日叫左知辡味洋蔥豬扒飯，呢個飯做緊promote會送埋野飲同湯，飲品有巨蜂乳酸，菊花蜜，等特飲都可以選，湯就係麵豉湯，不過加左d薄既豬腩肉片，紅蘿蔔，同白蘿蔔，湯既味道會比一般既麵豉湯香甜，至於個飯，上面係吉列豬扒，加上佢既辡洋蔥汁，個豬扒就幾好食，夠香又夠淋，唔會好乾好硬，但d汁就太少，少到跟本就冇乜汁去到飯度，同食白飯差無幾，如果多d汁會再好d，豬扒下面有好多生既菜絲，再下面先係飯，飯既份量唔係好多，但因為係珍珠米，所以都夠飽既，呢個餐55蚊，我覺得如果冇野飲同湯送就有d貴喇，我會情願比多少少去食碗好食既日本拉麵…Read More

行街經過有姐姐派傳單比我，之前又係Facebook 見過，見平平地就去試下啦，入到去坐位都ok, 刺身選擇就唔算多，但都算新鮮，其他種類，有火鍋，燒物，小食，甜品，湯麵等等⋯⋯當中幾特別既我覺得係枝豆，平時食放題枝豆一般都係只有鹽，但佢地既枝豆有加埋胡椒，食落香口好多，但因為食得太趕時間就冇映相，天婦羅都一般咁啦，仲有d特選甜品，要點單既自制雪糕，我當日食左焦糖牛奶味，但覺得有中伏，因為佢原來只係係舊牛奶雪糕上面整燒出黎既焦糖，而唔係本來就係焦糖牛奶口味既雪糕，仲有一入坐每位都有柸特飲，冇得揀咩味，係待應係你坐低一陣就會拎黎，果柸野會出煙，待應會叫你等佢冇哂煙先好飲，唔知係咪擺左干冰落去，但當佢冇哂煙果時我己經唔係好敢飲喇，因為真係唔知佢擺左咩落去整到佢出煙，只係試左小小睇下咩味就算，可能因為太夜先入坐，我地唔係一次過叫好多野，但都有漏單情況，整體都算可以，想食平平地既放題，可以一試…Read More

住屯門既我一路都唔知有呢間野，平日去到都爆場，星期六仲要等位，鋪入面d位都好迫，但好多人食，當日食左5，6個菜，生蝦夠鮮甜，生菜飽都夠惹味，串燒沙爹就一般，因為沙爹醬得細細碟唔夠點，試過叫佢比多碟沙爹汁，但佢扮聽唔到咁，仲有食左青咖哩，不過就麻麻，唔夠香整體食物質素都算唔錯，因為價錢都平，唔怪得咁多人啦，我地4個人食一人都係百幾蚊，下次要再去食…Read More

之前睇食評話平價西餐，就諗住同男朋友試下，平日夜晚去，冇預約，去到岩岩有一張門口户外台，就坐低，睇睇餐牌，二百幾蚊就有個set dinner, 仲有齊沙律，菜，小食，主菜，同甜品食物方面，沙律菜新鮮，秘制雞亦，有d似醉雞，龍蝦湯夠香濃，煙3文魚卡邦尼意粉軟硬及味道都很適宜，份量仲好多，呢個價錢，真心抵食，仲食得飽飽…Read More

雞煲食得多，試下芝士雞煲，芝士味濃，鐘意食芝士既一定岩食，雞煲既雞都夠香滑，得兩個人去食，點左幾樣野打邊爐，睇點單有半份，但我覺得佢黎既係一份，兩個人食左500幾蚊，由於我點打邊爐既食物大多點半份，但黎到既都好多，如果佢冇比錯既話，咁半份好抵食，當時我又大懵冇對單，所以唔知佢到底係收我半份定一份錢，食物質素ok, 唯獨係半份同一份，我冇check 清楚，下次食要睇清楚張單…Read More

男朋友睇電視見到，就帶我去食，叫左幾樣野，其中最特別既係呢個䳘肝炒麵，中式既炒麵配西式既䳘肝，由於男朋友鐘意食䳘肝，所以就叫左呢個，我本人就唔係好鐘意食䳘肝，但見老闆娘整得咁香就試小小，口感味道十足，至於炒麵，一d都唔會有油淋淋既感覺，味到也好食，不過鋪位比較細，人手又唔夠，叫左野食都等一段時間，如果太忙仲會漏單，趕時間既話，就建議唔好去食，但如果唔趕時間，去坐留就可以慢慢品賞，因為食物既質素幾好，直得等既…Read More