wyginna's Profile

If you are looking for some inexpensive mille crepes, this is the right place. It is a hidden gem in Kwun Tong - Holam Bakery. All cakes are freshly made daily with over ten flavors to choose. I ordered a Purple Yam Mille Crepe, and it was light and delicious. The crepe was layered with purple yam cream and bite-sized pieces of purple yam, which gave it a strong flavor. Compared to the mille crepes I’ve tried in Vancouver, its sweetness was fairly subtle. This shop offers an assortment of unique flavors, including Ovaltine Lava, Cookie & Cream, Honey, Taro, and more. I will return for more!…Read More

This hidden gem is tucked away in a building in Tsim Sha Tsui. Apparently, there are two cafes in TST that are both called "Zi", but the one I tried is "Zi 只". The interior has a minimalist design and the ambiance is quiet and comfortable. They serve unique desserts and drinks, which attracted me in the first place. One of the drinks I recommend is the Marshmallow Matcha Latte. The marshmallows just melted in my mouth. The sweetness of the roasted marshmallows balanced out the bitterness of the matcha. The Bamboo Charcoal Waffle with Rice Krispies, Honey, and Ice Cream was another dessert we ordered. Although we enjoyed it, my friend and I both agreed that it would taste better without the honey. The flavor was too strong and didn’t match the dessert. The waffles were otherwise freshly made and paired with toppings that I loved. Overall, I highly recommend this place if you are looking for a quiet place to catch up with friends.…Read More

難得好天我地就去咗九龍城試下地道泰國菜，本來去咗一間好多人排隊嘅，但係由於太熱，我地就去咗隔離嗰間細細地又唔多顯眼嘅餐廳啦！裡面真係好細，得一兩張四人枱同埋3至4張兩人枱，所以多過四個人就唔建議堂食啦。地方雖然窄，但唔係好污漕，我都接受到。入到唔知點啲咩，就好求其叫咗啲我地認為泰國地道嘅幾味菜。飲品當然係新鮮椰青啦！佢地之前已經煲熟過一次，跟住再雪凍佢。所以啲椰水特別甜，同埋啲肉都好「冧」啊！值得一試又解渴嘅飲品～豬肉生菜包：唔太食得辣同濃味嘅唔推介食，因為啲餡非常鹹同辣，就算配咗生菜都平衡唔到嗰種重口味。雖然我都好中意食辣，但係真係太鹹啦，落少啲鹽會好味好多。我個人就唔多中意依味餸啦⋯青咖哩：客人可以自行㨂想要啲咩肉，我地㨂咗豬肉。味道真係唔錯，好想咖哩味，但食落去好易入口（味唔鹹唔係好辣）。裡面有好多料，絕對抵食，仲有好多啲泰國矮瓜，我好中意食！我同朋友都係連汁都食埋一滴不留食哂！最後有依個拼盤，可以自行㨂咩肉嘅串燒，嗰蝦餅係新鮮炸好，非常香口。我食到停唔到口，加埋嗰泰式辣醬，一流！春卷味道比較普通，串燒都唔係話太過特別。但係一個拼盤可以食哂三樣嘢，都係一個抵食嘅選擇～…Read More

去到九龍城，除咗食地道泰國菜，當然要食埋糖水先走啦！行得好辛苦先搵到間地茂館，諗都唔諗就入咗去啦～嗰時仲係8點幾，唔算太多人，所以我地都唔駛等。裡面都算寬敞，又好幾張大枱，都可以考慮一大班人放工或者去食宵夜糖水嫁！環境好似一間冰室，但係非常乾淨，我好中意。各位姐姐都服務好好。諗咗好耐我決定叫咗豆花芝麻糊。味道係非常濃嘅芝麻味，絕對唔會係出面街求其用啲芝麻糊粉沖又或者少少芝麻就落幾百擔糖嗰啲！豆腐花都好重豆味。成碗味道好夾，唔會話有邊隻味蓋過另外嗰隻味，十分平均！值得推介！至於蓮子杏仁糊，我本身好唔中意杏仁嗰隻味，所以冇試到。不過朋友話，好重杏仁味，同埋真係好足料。差不多每一啖都有蓮子，但又唔係話太甜！朋友平時唔中意食甜品，都9秒9清咗⋯味道應該唔錯。…Read More

是咁的⋯返到尼咁耐，我都未食過Pizza Hut，所以堅持我朋友陪我去食。我地兩個懶嘅原因，就叫咗嗰二人套餐（咁啱我地又有恒生卡咁就平啲啦）先講講環境，十年如一日咁多年都係咁，靜得尼都有小小熱鬧，加上藍田嗰間少人食，就更加靜啦。侍應都不過不失，唔可以話特別好但唔差。等咗陣先尼啲餐湯，我叫咗忌廉湯，有啲鹹咗少少。總係覺得以前嘅味道比較淡，可能分店問題。兩杯嘢飲都試過，味道都係一般。冇青檸味同士多啤梨味，等耐咗只有好淡嘅汽水味。咩味都冇。。。再尼係沙律，佢用咗士多啤梨醬，味道比較特別同開胃。不過我個人唔中意嗰沙律太多配料（橄欖車厘茄啊等等）我中意簡單啲凱撒沙律（得生菜青瓜蕃茄雞肉）。所以即使開胃，我都唔多中意食咗兩啖就冇食啦。咁唔代表味道差，味道唔錯嘅，好好味嘅前菜！到咗主菜啦，帆立貝之海～賣想冇我想像咁靚，不過唔緊要。味道緊要啲！每一塊都有一粒大大粒嘅帆立貝，絕對落足料。中間啲餡同埋芝士味道適中，食到停唔到口。但到咗個扭扭邊嘅時候，我有啲失望！好鹹真係好鹹，本身已經係成粒芝士，但出面嗰皮都落咗成擔鹽落去。食兩啖，就唔想食。三個味道都冇分別，一樣味道一樣咁鹹。薯蓉係我係pizzahut比較中意食嘅嘢，因為佢地整得好香。不過今次套餐嗰薯蓉麻麻地姐，完全冇味嘅。白汁同芝士都唔夠香，大失水準。嗰車打海鮮飯估唔到係最好食嘅，白汁味好濃但唔鹹，一啲都唔膩。啲飯煮到好綿，真係特別好食。嗰飯可以散叫嫁，大家可以試下！…Read More

夜晚行到尼megabox見到間餃子鋪（我太耐冇番尼，所以覺得新奇）見到價錢都好平，所以就坐低試下。環境一般啦，唔可以話特別乾淨，都不過不失啦！因為間鋪頭比較細，所以座位都好少有啲逼。不過侍應服務態度就好好，好熱情！我叫咗個台灣麵線加招牌鍋貼。我初初以為台灣麵線只不過係啲特別湯底加啲米線去整，點知原來有好多料同埋係一個好似茨汁嘅湯底。味道有啲特別，不過我覺得有啲太鹹。食完已經開始飽！招牌鍋貼味道唔錯，係多油咗少少。味道適中，比較淡味，啱哂我～最值得讚嘅係佢地杯豆漿，唔甜但係好香豆味。絕對唔係水汪汪嫁。食完啲咁濃味嘅麵線，杯豆漿啱啱好中和番哂啲味道！好飲～…Read More

今日行咗好耐都唔知食咩下午茶好，心思思又想試下我以前好中意食嘅稻庭冷烏冬。行到門口，見到人影都唔多隻，心諗會唔會係兩年間變成一個伏呢？不過都係入咗去，望住嗰餐牌我呆咗！我知香港近年咩都加價，但係冇食一年姐，竟然赤丸啲價錢加咗成倍⋯絕對唔抵食！仲要一入到去，有位手掌咁大嘅蜻蜓係到周圍飛，嚇到我同其他客人差啲尖叫！但係嗰疑似老闆嘅男人都冇即刻叫啲侍應去捉走佢，佢只係話「蜻蜓尼姐」有一刻，真係想即刻走人唔食嫁！最後叫咗個下午茶，辣肉田園稻庭冷烏冬配巨蜂提子汁。佢用芝麻醬去配嗰烏冬，我覺得有啲留，其實啲肉配烏冬已經好夠味。佢話辣肉，但一啲辣味都食唔到，只係得鹹味。成嗰餐好似係炸醬面嘅烏冬版咁，啲青瓜蕃茄同成個味完全唔夾。不過巨峰提子汁味道唔錯，唔太甜～…Read More

今日想簡簡單單去食啲下午茶甜品，又唔想太貴。行下行下結果係麥當當門口，出面又熱，就唔諗咁多入咗去先算～位於尖沙咀嘅麥記，同其他嗰啲環境冇咩分別，都係一樣咁嘈同嘈囉！去咗McCafé叫咗兩杯嘢飲，Mocha同埋Hazelnut Latte，咁諗住加錢換兩粒macaron試下。叫咗Cappucino同埋Raspberry味嘅macaron（$9蚊換購價一粒），味道絕對唔差過出面啲名牌馬卡龍嫁！唔係好甜，Raspberry帶酸，所以我中意依種味多啲。至於Cappucino呢，咖啡味唔夠濃，仲比較甜添（個人唔多中意）～不過18蚊兩粒macaron又真係抵嘅，拎尼過下口癮都唔錯！…Read More

話說成班人食完晚飯，咁梗係行去深水埗食埋嗰糖水啦！我地㨂咗去綠林甜品，夜晚8點幾，出面勁多人排隊。我地6個人等咗30分鐘到，先至有得食。不過冇計啦，裡面唔多大枱，通常去食都係2-4個人去食，所以一大班人就要等耐啲啦。環境都可以嫁好乾淨，好熱鬧，啲侍應服務都唔錯！不過食中式甜品，唔會食環境同服務，最緊要好味！朋友同我share咗個什果大明珠同埋豆腐布甸，其他人叫咗馬蹄露，芒果班戟，仲有芒果布甸。先講下什果大明珠，我地㨂咗配花奶。啲生果好甜，又蜜瓜木瓜哈蜜瓜西瓜芒果，好足料。成個甜品入口涼快，凍冷冷好好味！加埋啲大明珠，口感一流～至於嗰豆腐布甸，比我想像中好食好多。不愧係招牌之一！以為豆腐冇咩味，點知配埋跟單嘅紅豆同綠茶雪糕，味道平衡哂。紅豆甜為主，綠茶味又濃，食多啖豆腐布甸，啲味好夾|～絕對值得一試。雖然其他人嘅甜品我冇影到相，不過都試過下味道。我唔多中意嗰馬蹄露，因為好淡，冇咩味。可能我心目中嘅馬蹄露應該係會甜番少少嘅。另外，嗰芒果班戟完全唔得！層班戟皮冇芒果味，仲要膠膠地嘅口感，除咗芒果肉有芒果味之外，成個好似係cream加膠～咁當然都仲有好嘅代表嘅。依間甜品鋪整布甸果然有一手。無論係整豆腐味定芒果布甸，味道都好濃，甜度都適中！絕對推介！…Read More

今晚成班同事去食飯聯誼下哈哈，對於一個從來都唔知石硤尾係有美食嘅地方，品香樓嘅出現真係好新奇。入到去，可能早咗啲所以冇咩人，入到去只係間平平無奇嘅中式餐廳。但係就坐得都幾舒服，好多大枱好適合10個人以上嘅聚會。裡面都好乾淨，所以唔好話驚中式餐廳會好污漕。我地5個人叫咗4款餸，有蜜桃沙拉骨，賽磅蟹，椒鹽九肚魚同埋芝士西蘭花煲。蜜桃沙拉骨，俾我嘅印象係一定好難咬！但係而個唔同，好軟但有口感，唔會咬極都咬唔開。佢個汁酸酸甜甜好開胃，配上蜜桃真係好好味。椒鹽九肚魚係我第二樣中意食嘅嘢，個人好中意食魚，佢又整到外脆裡面又啖啖肉，不過小心有時都有啲骨。佢始終都係魚尼嫁！絕對係新鮮整出尼，唔會係返炸菜。香口，大人細路都啱食～賽磅蟹（冇影到相）比較驚喜嘅佢落足料，唔會好似啲酒樓咁少少蟹子蛋白多過蟹肉交貨。蟹肉同蛋白比例好好，啖啖都有蟹肉同蛋白，唔會係好似食緊齋咁。仲有佢冇咩落鹽，所以絕對食到蟹肉鮮味。最後係芝士西蘭花（加$18仲有伊麵底），唔多中意芝士，仲要配西蘭花。不過我都食咗少少，點知原來味道唔差，唔鹹但芝士味都唔濃。每食一啖，仲有好重嘅罪惡感～太肥啦！…Read More

早係一個星期就訂咗嘅父親節蛋糕，三個人食問咗好多間都冇得買半磅嘅蛋糕。終於決定係美心買，因為今年嘅父親節係我6年尼終於係香港嘅一次，所以決定同爺爺同爹哋一齊慶祝。去到美心，依邊小啲人所以可以慢慢㨂。我問咗好咗問題，啲姐姐都好好心答我，最後決定訂個半磅「踢出彩虹」。問佢地可唔可以寫牌，佢地都好好心機解釋話因為父親節太忙，所以冇得寫牌。攞咗之後，佢會送上面嘅裝飾俾客人自由設計，但我驚整得唔靚，就叫咗姐姐幫手放上去。佢地好有心思，放得好靚嫁。另外佢地都附上一塊父親節紙牌，番到去我就自己插埋上去，即刻同爺爺同爹哋影張相。踢出彩虹我本來都唔明點解有彩虹係嗰名到，但一切開竟然係一個彩虹蛋糕。每一層都有新鮮水果做餡，令到味道唔會太甜，食每一層都有驚喜。有上至下嘅味道包括士多啤梨，橙醬，芒果，奇異果等等。雖然出面一大層cream，但係份量唔會太多，味道都幾啱老人家食嫁！我爺爺食得好開心。但係唯一唔好食嘅係上面嗰足球，啲姐姐話係朱古力，以為空心。一咬好硬，點知係實心，好甜唔好食。成個蛋糕整體唔錯，可以一試。…Read More

今日尼到天水圍為嘅係食嗰菠蘿包，聽講華嫂冰室好好味，所以無論幾熱幾曬，我地都要食到菠蘿包歎番杯奶茶。尼到已經3點幾，估唔到依然好多人係出面等！我地即刻攞飛，竟然要等50幾張枱，心諗唔知要等幾耐呢。佢地5點鐘就收鋪嫁啦！我地等下等，等咗45分鐘，係等嘅時間，當然睇下周圍環境啦。店外面有啲帳篷可以俾等緊嘅客人坐下休息下，環境係郊區尼講已經算唔錯啦，不會話好污嘈。我啲咁怕污嘈嘅人都覺得完全接受到嘅。等嘅途中，好多人想插隊買外賣，不過老闆娘都好醒目。係咁多人等嘅情況下，佢地拒絕任何外賣，只限堂食。佢地話免得等得咁辛苦嘅客人入到去叫咩就冇咩啦。最後一樣嘢，始終都係郊外地方，如果好惹蚊嘅，好建議你地帶定枝蚊怕水，免得做成蚊嘅下午茶啊！入到去我地叫咗嗰招牌菠蘿包，碎蛋沙律治，兩杯飲品：奶茶同埋利賓納。叫完嘢食，好快就有得食啦！冰花奶茶賣哂，就飲住普通奶茶先，好好飲！好香茶味，唔會落太多奶。相反，利賓納就好難飲，太甜啦，好似成杯糖水咁。其實我原本都唔中意食碎蛋治嘅，因為佢地成日落得太多沙律醬又冇咩蛋，但食完依個先發覺原來係美食之一。嗰三文治啖啖都係蛋，啲蛋多到咬一啖跌哂出尼，又唔會話好多沙律醬，仲有其他配料，令到成個碎蛋治啲味好平均，口感都好好！招牌菠蘿包尼到嘅時候，好好奇佢係會啲咩味。原來係將菠蘿包夾啲蛋同配菜落去，切開一半每人一半嗰味好特別！唔再係甜甜地嘅菠蘿包，味而係一個又甜又鹹嘅味道。出面好脆，咬落去蛋味特別濃，但又好似太濃搶咗啲菠蘿包味。我都係中意醉蛋治多啲。。。…Read More

食完銅記咖啡弄，梗係食埋係對面嘅Via Tokyo啦！入到去，細細間，下午茶又接近放學時間，特別多人。好彩唔駛好耐就有位坐，但係就唔係好適合成班人坐係入面堂食，因為得一張大枱，其餘都係得三張兩人高枱。我地坐低咗就決定開心share, 食「脆米白玉抹茶雪糕」。嗰雪糕由侍應送過尼，賣相一啲都唔差嫁！嗰盤上面有啲黑糖漿，係可以俾我地隨著落嗰雪糕到。我地兩個驚好甜，就決定唔落住。第一啖好香好濃抹茶味，一啲都唔甜。跟住我嘗試落啲黑糖漿，加咗味道竟然係啱啱好。所以建議大家都落黑糖漿做調味，如果唔係會越食越苦（個人認為）。至於啲脆米同白玉都係冇味嘅，所有點雪糕或者糖漿尼食，都唔錯嫁。…Read More

係旺角瘋狂購物之後，已經係9點幾。入到去朗豪坊，得番依間肯落新order，又見到門面嘅set for Two好似好多嘢食，諗都唔諗入咗去醫飽嗰肚最實際！入到去啲侍應都好好招呼，不過係出餐有啲慢（10分鐘一道菜）。至於，環境好好，好森林feel，好適合一班朋友或者同事尼食下嘢吹下水。嗰度仲有嗰大螢幕，不停播日本演唱會，有得食有得睇唔錯！Set for Two真係好多嘢食，有兩杯飲品，我地㨂咗水蜜桃果醋同埋蘋果果醋，味道都唔係太甜。前菜係煙燻三文魚野菜沙律，唔係睇佢餐牌上面食一客，但其實係兩個人分量尼嫁。比較特別嘅係佢地放咗啲日本豉油做沙律嘅汁，好似聽落好奇怪，但係由於嗰隻豉油唔好太鹹，撈埋啲菜同三文魚好好食嫁又開胃！跟住主菜可以㨂兩樣，佢地都好多選擇，有飯，意粉，唔同肉類，壽司拼盤都有，絕對有一樣係你會想試下嘅。我地兩個㨂咗開心share，㨂咗魚生丼同埋大蝦海鮮意粉，咁就西日菜都可以試下。魚生丼同我想像中有啲出入，以為會鋪滿一塊塊魚生，但原來佢係將唔同魚生切粒加啲蛋絲同青瓜粒放上面，成個飯清清地，簡單啲。連飯會跟埋個麵豉湯嫁！至放嗰大蝦海鮮意粉，就比較西式啲，比起嗰飯就濃味啲啲，但仍然保留日式嗰種唔鹹偏啖味。嗰汁唔知係咩汁，好似係cabonara但又好似唔係（不過好好味，食到唔停得口）落咗好多唔同嘅海鮮入去，絕對落足料！食完哂正餐，當然係食甜品啦！甜品有雪糕同布甸㨂，布甸有綠茶紅豆味，北海道牛奶味，同埋紅豆豆腐味。我地都㨂咗牛奶味（好似穩陣啲）。可惜甜品有啲太甜，如果冇咁甜成個Set for Two就完美啦！…Read More

由於我由朝食到黑嘅關係，去到夜晚都仲係半飽狀態，我地就決定食啲冇咁飽但又出名嘅晚餐：Paisano's Pizzeria。一入到門口已經見到好多個大到無倫嘅Pizza啦，好心急就入去食啦！我地兩個人就諗住堂食，但係見到裡面排咗一條龍，心諗有排等啦！點知，嗰姐姐大聲叫「table for two?」竟然全條隊都冇人應，1分鐘都唔駛我地就坐低咗啦！冇錯，裡面啲姐姐全部都係講英文嫁，所以同時都吸引咗好多外國人去食。環境就窄窄地啦，唔會話唔舒服，但絕對唔會係俾你一邊食嘢一邊傾計嘅好地方。啲姐姐見到你食完嘢，就會堅係趕你走！除咗咁，其實服務都唔錯嘅。至於我地坐低咗之後，我地諗都唔諗就買咗兩塊Hawaiian。當然可以㨂細中大批啦（大去到24"嘅份量嫁）不過叫一人一塊，份量十足。可能係外國人整嘅關係，味道都濃啲鹹啲，醬汁同芝士都落多啲，味道都唔錯嫁！不妨一試～…Read More