feifeikamyu's Profile

樣樣都好好味，個湯用左幾個幾個鐘煲，好清！飲左幾碗，唔油，又有個祕製醬，少少辣，好正！牛嘅部位又特別。第二度無。又唔貴，樣樣都正，好有heart，服務又好。活魚又正，真係生猛嘅，又可以加錢椒鹽，好正！然後，份量好大，食唔晒，脆鯇又新鮮。又有鴨血，又多特別嘢，日本水晶寬粉。揸車黎都方便，附近都易泊車…Read More

名過其實的一間店:(放工出尖嘴，唔知食乜好，梗係立刻上openrice睇下最近30日的好評十強啦。意外地發現呢間鋪。以為好評十強，一定有番咁上下水準。結果，只係一般。夜晚，七點幾八點，suppose係晚飯時間既peak hour....一去到門口，望見對面既萬豚屋，人頭湧湧，有廿幾人排緊隊，而呢間鋪，無人排隊。確係有d驚驚地，唔理lu，照入去，發現呢個時間都係得一半full，er。。。確係有種唔知點咁既感覺。唔理lu~入到去，發現老闆應該係正宗的日本人~所以，裝修呀果d，都好日本feel~:)叫左前人推介的$69豚肉飯同埋$79咖哩漢堡扒飯。兩個set都有麵豉湯同埋前菜....先講個麵豉湯，唔錯，好少見既煮法。唔係我地一般見到既蜆呀，海草呀果d，而係豆腐同埋菇。而前菜係一個冷盤，類似沙律，係大根同埋洋蔥~簡簡單單得黎又幾好食。但男朋友先生就唔鐘意，男仔多數都唔食生洋蔥同埋大根既。但明白既。所以，我就食左兩份好好味沙律啦。yum到個主角豚肉飯啦，米睇少飯上面果粒小辣椒。完全唔辣，好清甜，好正。估佢唔到。但一碗飯得果三片豚肉，確係有d少。d豚肉有d太乾身。。。。:(個汁甜甜地，幾好味。而個飯底唔錯，食得出真係用日本米煮既。煙煙un un，軟硬適中。但$69就確係有d貴。因為果度除左豚肉飯，就得咖哩飯同烏冬。所以，就叫左個咖哩飯啦。唔知係米先入為主，之前見到其他post既人話，個咖哩好一般，同超市賣既咖哩磚無分別。個咖哩飯黎到之後，er，有少少打左個突個賣相咁既，好唔吸引。食落去，發現，真係同咖哩磚無分別~或者呢d就係日本正宗既咖哩，但確係唔係我杯茶囉。食落去，又無乜日本咖哩既甜味，個汁又超濃，杰得滯:(好怪。個漢堡扒呢，就食得出係日本既做法....同美國啖啖肉果種唔同，係日本人會加小小豆腐整既果種有少少琳既果種。但肉味唔夠。怪怪的。七十幾蚊食呢個咖哩飯，就真係有d貴。同樣係日式漢堡扒，我比較鐘意harbour city food court 膳善既漢堡扒。雖然大家都有加豆腐，但膳善既口感好d，食落去實在d。兩個人食左差唔多百六百七蚊…Read More

其實呢間餐廳都開左個幾月，成日都好想去試。因為見佢真係印度人開，好正宗既感覺。但又想睇定D，話晒都係新野。。平時經過，成日都有個印度人(唔知係waiter定老闆)企響門口招生意會用唔咸唔洋的廣東話話:靚女，食咖哩~講真，作為一個女人仔真係會有少少驚。加上堂食既人又唔多，確係要諗諗....但佢個樣真係好好味，經過都會聞到陣咖哩香。今次決定一試。入到去，雖然全部waiter都係印度人，都唔洗驚語言不通。一般簡單既廣東話就okay~餐牌都印有中文，好貼心。又唔貴，$35一個咖哩餐，包野飲(汽水或印度奶茶)~咖哩餐可以揀雞，羊，牛，免冶牛，雜菜，咖哩豆等等。餐包一個白飯同埋一塊薄餅。講真，真係好鬼抵，重慶都做唔到呢個價。講番個咖哩先，我叫左咖哩羊，因為冬天到了，羊暖胃嘛。(我本身係食得辣既)，覺得佢既辣道剛好。好好味，個咖哩汁絕對唔會差過重慶。一碗咖哩，約有四至五舊半隻手掌既羊肉，份量剛好。D羊肉煮得好淋，一d都唔老。野飲，就當然會想試下個印度奶茶啦。唔錯，但有點偏甜，不過次次去到d印度餐廳都係d野飲，好甜。或者咁先係正宗啦。另外，叫左個$10蚊既餅，好正。熱辣辣新鮮整既，個皮少少脆，好耐都無食過即叫即做既餅啦。雖然真係無乜人堂食，但我坐低食左半個鐘。就見唔少人外賣自取。確係唔錯，又平又好味，又正宗。遲d真係要帶埋男朋友黎食。題外話：個waiter都幾貼心，見我同媽媽share一個餐，就自動比多隻碟我地。…Read More

Pepper Lunch向來都係我喺朗豪food court之最愛~當中以最平凡最普通既黑椒牛肉飯餐（$38）最深得小女子心，只可惜晚餐時間最少要等二十分鐘先有得食~但原來下午茶時間黎食，超爽。無人排隊，等五分鐘就有熱辣辣，香噴噴黑椒牛肉飯食~正！黑椒牛肉飯配以特色醬汁，炒一炒~那黑椒的香加上微燶嘅飯焦，再加上粟米粒增加口感~正！！…Read More

因為一行十人一齊食飯。如果去MK果d實要等位等好耐。咁就黎呢間，有得book位。唔錯。(但佢一係卡位一係長台，傾計可能無咁方便)咁一坐低，老板就已經話左 d 食物 可能要等好耐。建議我地一次過叫晒d 野，唔洗等咁耐。最後，發現老板講得好岩，真係要等好耐。耐到，我見隔離台，叫左野食，等唔切就走左。因為d 野食既份量好少，所以叫極都唔太夠。所以，又要等等等等。我覺得如果得幾個人，唔想叫太多野。可以唔叫 所謂 好出名既巴東牛肉。而叫黃姜飯，因為其實個黃姜飯既伴碟之一就係巴東牛肉巴東牛肉我覺得味道一般，唔係大家講得咁好味。因為人多，叫左好多款食物，發現有幾款既伴碟就係巴東牛肉。其實，我覺得其他野都係一般。但蜜糖雞翼同埋羊肉餅真係好好味，值得一試。…Read More

食完飯，又無野做。又想同d frd 吹個水。因為普通糖水鋪都好多人，勁多人排隊。:(又唔好意思坐咁耐。所以，揀左黎義順。好開心，夜晚，唔係太多人，可以慢慢坐。個雙皮奶，好好味。有凍同熱。但有少少甜，但都接受到。…Read More

每次經過旺角，都忍唔住要去食一食。最近，仲要發現，食得豆品多，都皮膚頭髮都好好。咁多年黎，鋪面既裝修不變。品質都不變，一樣咁滑，一樣咁好味。$6一碗，咁既品質，一d都唔貴。佢既熱豆花會滑過凍既，其實，熱既都係暖架姐。唔使擔心係熱到出晒煙果種。…Read More

之前，聽人講，夏雪有黑夜時段半價，仲要唔駛排隊？咁就即刻衝去試一試啦。首先，一入到去，我地兩個人。個位超怪。要搭台都唔緊要。但係兩個人L字型咁坐，食得超唔舒服。點知，兩個人食叫左八碟，每碟2件壽司。一個汁燒玉子。一個tuna刺身，咁就要每人$70~因為本身個價錢就好貴，半價左都係普通元氣價only~咁d壽司，超無奈。每一件都細到喊，塊刺身又薄又細，就連百佳壽司都大過佢。都算啦。舊飯 超唔stick, 散既，夾唔起。而魷魚壽司果塊魚就仲誇張。唔太新鮮，好似食香口膠咁。而個刺身得三片，但係每片都細到死。呆左。我覺得佢既唯一好處就係，真係唔駛排隊囉。…Read More

呢一間既雞蛋仔，大大話話都食左十幾年。由未回歸時，老闆成日話 連彭定康都有食過佢既雞蛋仔。到今日 搬到新鋪既。。。我覺得芒果雜果pancake係必試既。第二就係 普通d 既奶醬pancake......今日，特登去番果度食。雖然 經濟唔好，但 一樣咁多料。價錢都只係$6，超抵。佢既pancake 皮真係好特別，好有蛋味…Read More

以前，成日聽人講話雞屎籐整既糕有幾好味今日，都係第一次見。er，首先呢樣野有d樣衰仲要無味的。但食多陣，就有d 淡淡既清香。質感就類似 茶葉果 既皮。…Read More

【澳門翠苑餐廳】原來呢度都幾難搵，一見到係熟食中心，就覺得係響街市入面。點知其實係響朗豪對面，響朗豪二樓有條橋過去。先講講個茄牛通餐先啦，唔錯，個湯真係好甜，好香既茄味。有少少似羅宋湯既味雖然得好少牛肉但都好正。。。但d通粉就少少淡，但總算ok~~個茄牛通餐包一個硬餐包好正，脆脆的。好，跟住就係個農夫飽餐，我叫左個咖厘雞既，個飽一黎嚇到傻左，哇，好大個啊，好圓碌碌啊。一打開，都ok多雞。而個咖厘汁就略賺油左少少，面頭就一層油咁我地就落d咖厘汁落去d雞度點知？問題出現啦。。當我地食完d雞，(加上坐左個風口位)，個飽就琳晒。所以，我諗應該係要雞同飽同步食既。(之後，再去食左一次，同步食，個飽就脆好多)初頭以為得個飽會唔夠飽，點知，到最後係食剩大半。汗聽老闆講d凍啡都出名，下次去試下先。…Read More

終於排隊吃了鹵味因為"肥姐"放得太多醬完全吃不到食物的香味所以我只可以說口感不錯其實鹵味原本味道就不重吃的是口感口感的確很好以五元一串，有這種口感，的確不錯應該會再排隊吃的…Read More

終於食左金鳳lu~當然係食牛扒啦，之前都食過山林道果間架啦。覺得普通。心諗應該總店係會好味d既。我去到果時係八點幾，等左大約半個鐘就入得去lu眼見都有好多人等緊入到去，覺得有d煙，咁食鐵板既地方大煙d都正常既。我同偉叔叫左一個西冷同T骨，叫左個六成的。而對面搭台果兩個就叫三成的。個扒一黎，令我傻眼了。個waiter哥哥居然可以一手羅三塊熱辣辣既鐵板。勁，食扒有埋雜技睇。塊扒黎啦，呆左，好大塊，大過塊板同埋，好似好生，有d血水不停飄出黎。估唔到六成都咁生。唔緊要，其實，我都鐘意食生野既。但眼見對面叫左三成果對人，塊扒居然熟過我地一陪，有d無奈。食落都唔錯，好好味。有牛味，好林。但林同有味，就唔代表唔un咁岩果日有d牙痛，un到唔想咬。結論，唔難食既，但唔係好似d人講到咁令人期待…Read More

麥記又出shake shake著條。我不嬲都幾鐘意shake shake著條既，今次都唔另外。幾好味。試左泡菜味既粉，唔錯。但成日都出shake，開始有d厭。哈哈。我係夜晚十一點幾去食既，個cashier姐姐好闊佬。問佢羅泰式辣醬，比左成五包我。多到，唔知點算。…Read More

之前食過唔錯。響度度都加價既情況下發現呢度無乜架。咁就揀左佢啦。之前食過一次都唔差。雖然不停聽人講話唔掂，但親身食過最實際。今次，大矢所望，d壽司一黎就好明白點解無加價。因為d壽司超細件。灰左。d魚生又無乜味。但唯一可取小小既就係個腐皮壽司。入面有d粒粒，好得意。…Read More