raycws's Profile

呢間元朗泰菜長期有人喺門口等位，十一假期就嚟試吓啦😎 因為要六人或以上先至可以訂位，咁我一行四人就唯有早少少五點半就嚟等晚市六點開門😎🦐泰式生蝦，都幾大隻，不過唔夠凍🍤泰式炸蝦餅，有蝦味，彈牙，但略嫌多油🦐胡椒大頭蝦，個汁好惹味，唔辣，有六隻大頭蝦，都幾大隻🐟鹽燒馬友，夠大條，燒得啱啱好，好滑🐷紅咖喱五花腩，唔辣，五花腩炸過，夠焾🍞蒜蓉包，圓形嘅切開咗裏面搽咗蒜蓉醬，外脆內軟🥬馬拉盞炒通菜，惹味嘅，但係略嫌鹹咗啲同埋太油🍍菠蘿炒飯，幾足料，有粟米粒同提子乾小朋友好鍾意，仲有一片燒菠蘿添🍹 飲品叫咗三款，又大杯又靚…Read More

同三位八月之星嚟食生日飯侍應帶到四人大枱，訂咗窗邊位，但係其實都唔太近窗邊，而且對住大廈好大條外牆柱，夜景只係好小，失望😔😔叫咗兩個2人set dinner ，食物都係失望嘅😔麵包同磨菇湯，唔熱，少少暖，稀，冇乜菇味😔頭盤，風乾火腿沙律，只得一小片火腿，而且一食味道就知道係平嘢😔 煎帶子沙律，呢個煎得幾好幾香👍🏻主菜叫咗兩個封門柳，冇乜牛味，面燒得太燶😔慢煮鴨髀，味道可以，但係唔夠腍，好鞋😔香煎鱈魚，呢個味道幾好，正常發揮🙂甜品安排咗生日寫字，服務幾好，有主動幫忙影相！味道方面，tiramisu同埋牛奶布甸，味道幾好，又唔會太甜👍🏻👍🏻餐廳樓底好高，園林佈置，每張枱亦都隔好遠，傾偈唔錯👍🏻👍🏻臨走經過露台可以出去影夜景👍🏻…Read More

元朗食到正宗韓國菜🥰🥰全店職員都係韓國人🇰🇷隔籬枱有食客都係韓國人👍🏻前菜小碟好多係自家醃製，yum yum😋尤其係醃蘿蔔最鍾意，酸甜味剛剛好，唔會那喉👍🏻燒韓牛、豬、鰻魚，超級正😋同我去韓國當地食嘅一樣咁好味，當然最好就俾侍應幫你燒啦，韓國人，服務好又專業👍🏻其中一個韓國姨姨好風趣😆特大醬油蟹，啲膏爆到不得了，肉亦都好實淨，唔會霉晒😎再配多個蟹籽紫菜飯，一流🤟🏻醃八爪魚，好爽口，唔會太辣☺️每枱消費滿指定金額都會送哈蜜瓜🍈以後想食韓國嘢，就唔使出去尖沙咀啦🤣🤣…Read More

三位同事都係八月生日，喺公司附近搵到呢間餐廳食評幾好，就請三位八月之星去食lunch🥰🥰但係好可惜，我哋四個人都覺得啲嘢食好失望🫣🫣餐湯係羅宋湯，味道幾好，而且熱辣辣👍🏻兩個人嗌咗豬鞍，又肥又韌，食得好辛苦，味道亦都好一般😔另一個嗌咗炸軟殼蟹意大利飯，一上到嚟見到隻軟殼蟹嘅顏色都已經好唔開心啦，灰灰地咁，食落又唔脆又唔香，意大利飯就尚算可以😟另一個嗌咗青口意粉，有四粒細細隻青口，意粉味道一般😔我加錢叫咗杯凍朱古力，好稀，唔香濃😟餐廳環境都算大坐得幾舒服，侍應服務都好，但食物就真係失望😔…Read More

今日book咗Afternoon Tea Set同老公慶生🎂泊好車入到黎真係好靚嘅建築物🥰好多打卡位影相，見到好多人專登着到七八十年代嘅打扮嚟影相📸 慶生有蠟燭同埋朱古力生日牌可以寫字，見到好多set都係慶祝生日嘅客人🥰原本book唔到窗邊位覺得有啲可惜，但係嚟到發覺都無所謂啦，因為今日天氣不似預期，所有玻璃窗都係霧氣同埋水，完全睇唔到外邊嘅景色😅😅講返個tea set ，好普通嘅鹹甜品，冇驚喜，食完全部就係覺得普通😅餐具同環境搭救，服務又好，開心輕鬆嘅一個下午🫶🏻🫶🏻食飽周圍影吓相，沿途有工作人員見我哋攞住360仲指示我哋點樣影餐廳嘅外圍👍🏻👍🏻…Read More

同學聚會，今次揀咗食京菜👩🏻‍🎓嚟到呢間好傳統嘅舊式京菜餐館，所有侍應都係伯伯婆婆，好有禮貌，落單嘅時候介紹我哋有啲乜嘢好味，好親切☺️婆婆介紹嘅宮保蝦仁，我哋話唔食辣嘢，跟住佢話係甜酸嘅，一啲都唔辣，差啲俾宮保兩個字呃咗而錯過咗咁好味嘅蝦🥰片皮鴨好味，冇其他一般地方嘅花巧嘢，就係傳統嘅味道，皮係傳統手搓嘅，每塊皮之間唔使用紙間開，本身塊皮嘅面有少少粉嘅質感，係唔會黐住嘅👍🏻醉鴨舌夠香，小籠包正常發揮😀椒鹽小黃魚上到嚟一啲都唔小啊，兩條都幾大條嘅黃花魚，啖啖肉，面好脆，魚肉有酒香嘅😊值得一提嘅係甜品拔絲香蕉，外脆內軟，真係好香好好味😋…Read More

三人行每月一聚，尋晚揀咗食串燒🥰🥰呢間串燒正喎👍🏻👍🏻首先串燒一定係揀店舖用日本雞嘅🇯🇵🐔而且仲有稀有部位🤩職員會首先比一碟顏色好靚嘅調味料，裏面有七味粉啦，辣椒粉啦，香草啦，仲有抹茶鹽同埋柚子鹽，好似個調色盤咁，有心思🎨🩷我哋叫咗雞翼、雞頸肉、雞胸軟骨、雞肝、雞心、雞下心、雞皮、雞腎、橫膈膜、雞掌心同埋提燈🥰全部都好正🤩燒得啱啱好😋廚師嘅功力唔錯唔錯，值得推介👍🏻樣樣都讚👍🏻每樣嘢都做到外脆內軟，雞肝唔會燒到乾晒，脆雞皮裏邊仲係腍腍地好香，雞下心嘅血管位煙煙韌韌好正，提燈個生蛋黃喺口裏面爆開嘅時候真係好過癮🤪🤪🤪另外叫咗煙肉流心蛋、燒魷魚筒、厚切牛舌同埋元貝😋元貝仲加咗好多三文魚子，有少少酒香，汁都飲晒😻店舖有一個長長嘅吧枱位，都有少量嘅普通枱，另外仲有個露台可以選擇坐出邊，大熱天時梗係坐裏面啦😝而且始終吧枱位有feel啲，幻想自己喺日本咁囉🤣🤣…Read More

9個老友gathering，想有圓枱方便傾計，朋友介紹呢間喺砵蘭街嘅潮州菜😃一入到飯店，枱與枱之間超級迫，果然係傳統嘅舊式飯店😓坐低之後大家都發覺枱面黐立立，就自己攞濕紙巾抹下枱邊，抹咗幾張都係超級黑嘅😫😫😫不過撇除環境，食物方面就真係出色👍🏻👍🏻❇️滷水鵝下裝，又腍又香，侍應仲攞咗一碟秘製嘅醬料，點咗真係好好味，食落似係辣椒油加蒜蓉再加咗啲啲醋😻❇️白灼鵝腸係新鮮鵝腸，白灼時間啱啱好，配辣椒豉油好鮮味👍🏻❇️炸嘢方面叫咗好多樣，椒鹽九肚魚同椒鹽豆腐正常發揮，好味夠脆👍🏻黃金鮮魷就略嫌比較鹹😜避風塘茄子夠惹味👍🏻沙拉蝦球趁熱食超好味👍🏻👍🏻但係蠔餅超多炸粉，根本食唔到蠔仔同蛋香😓❇️主食方面，叫咗蠔仔粥，蠔仔份量都多，味道鮮甜👍🏻❇️三個菜都好好味，啫啫芥蘭煲、啫啫通菜、清炒番薯苗👍🏻❇️甜品叫晒兩款，傳統反沙芋👍🏻👍🏻個人都幾鍾意呢間，糖面比較薄，唔會太厚又唔會太甜，好好味，朋友仲叫多一份拎返去同屋企人分享👍🏻拔絲芋頭都好味，不過真係太快硬咗，黐埋一舊，食得比較論盡😜服務方面好周到，侍應服務勤快😄星期三晚都全場爆滿，有咁嘅客流量證明呢間飯店係值得幫襯嘅👍🏻食物同埋服務質素都值得一讚，但係如果你係好講究環境舒適同埋衛生，呢種舊式飯店就唔啱你啦😜…Read More

今晚嚟到黃金海岸食個浪漫嘅晚餐同老公及好朋友慶祝生日🎂🎂四個大人一個BB☺️餐廳服務好好，職員超級有禮貌😁我哋揀咗兩個二人豪華晚餐😎每人可以揀一杯紅酒白酒或者雜果賓治，我哋四個都唔飲酒嘅，所以揀咗雜果賓治🍹🍹🍹🍹，天氣咁熱，一坐低飲杯嘢都唔錯嘅！頭盤係海鮮拼盤同埋風乾黑毛豬配蜜瓜海鮮拼盤🦞🦪兩隻深海螯蝦、兩隻生蠔、兩隻圓貝，全部都係刺身，都鮮甜嘅，不過比較細隻，比較遜色😔風乾黑毛豬配蜜瓜🐷🍈黑毛豬鹹香油香一般，而且比較硬，蜜瓜亦都比較生比較硬，唔夠甜😔每枱食夠指定銀碼就會送一隻黑松露忌廉鮑魚，都夠腍，黑松露忌廉汁亦都好香😃餐湯配有好好味嘅蒜蓉香草法包🥖我哋揀咗兩個龍蝦湯、一個黑松露忌廉湯、同埋一個洋蔥湯，都係正常發揮幾好味😊主菜方面，兩位主角都揀咗羊架，一個五成一個七成，兩位都表示幾好，夠腍☺️我揀咗豬鞍八成，有燒烤嘅香味，唔會鞋，都唔會過諗，好味😋另一位揀咗肉眼扒五成，朋友表示還可以，不過唔夠肉味🧐訂枱嘅時候，為慶祝生日要求餐廳喺甜品寫上慶祝嘅字句，不過可能服務員上枱嘅時候手指揩到少少朱古力，所以個名有少少花咗🤪甜品拼盤好豐富，有心形嘅心太軟、芝士蛋糕、朱古力蛋糕，同埋雲呢拿雪糕球！心太軟略嫌冇流心，朱古力味都香濃！不過個碟就略嫌擠迫，如果可以用一個大啲嘅碟就會比較好睇🥰🥰尋日可能天氣真係太熱啦☀️就算入黑之後，餐廳開晒所有冷氣都係好熱，餐廳好好，都會為食客準備座枱小風扇，但係大家都食到身水身汗💦💦…Read More

同同事一行三人行過嚟健康村呢度食西餐lunch set，我上一次嚟應該起碼都兩年前記得係OK嘅，但係今次真係非常失望😩訂咗位中午1:10嚟到，原本想叫豬鞍，男侍應話起碼等半個鐘，咁我呢啲打工仔就決定揀第二樣啦，問咗雜扒餐$140話等15分鐘咁就叫呢個啦，另外兩位同事一個叫羊扒五成熟$170另一個叫封門柳七成熟$170！另外每個餐加咗$20酥皮紫薯忌廉湯，再加$10要餐茶！🥣🥔酥皮紫薯忌廉湯，好杰好杰😓🐷🐮🐔我個雜扒餐要求碟上，雞扒同豬扒唔點汁嘅話裏面完全冇味嘅，牛扒熟到柴咁樣，條香草腸係全碟嘢最好味嘅😫😫😫🐮同事叫嘅封門柳七成熟，大約只有五成熟，仲有血水流出嚟😫🐑另一位同事叫嘅羊扒五成熟，反而變咗十成熟，雖然係用鐵板上，但冇可能切第一下就已經係熟晒😟值得一讚係每個餐都送咗一杯生果杯🍅🍌，裏面有秋葵、火龍果、香蕉、木瓜、蕃茄仔，好豐富👍🏻…Read More

收工返元朗，今日冇約朋友，倆口子元朗搵食😋😋 間唔中都會嚟呢間鹵家，店舖座位比較狹窄，店員服務超有禮貌🥰 有好多套餐比大家揀，大部份都係燒味嚟嘅，佢嘅燒味都比較出名，喺店舖有簡介廚師做過啲邊幾間酒店😎我老公多數會叫燒味，而我一定會叫呢個子薑鴨仔煲🦆👍🏻上枱嘅時候店員先至打開煲蓋，熱辣辣仲滾緊🤩🤩 佢係用柱侯醬炆嘅，加咗大量蒜頭粒，同埋大量子薑，蒜頭粒已經炆腍晒好甜好香，子薑好輕微嘅辣好好食，鴨嘅份量都多，炆得超級腍，而且完全唔會有臊味😍套餐可以配飯或者粉麵，我會配米粉，雞湯好味，米粉係彈牙嗰種新竹米粉，正！套餐仲有得揀靚湯或者飲品😀用心服務客人嘅小店，值得幫襯🤩…Read More

今日同老公嚟慶祝結婚20周年🩷有三個餐俾我哋揀，我哋揀咗＂月Moon ＂🌙整個餐擺盤好靚🌿☘️🪻，好有心思，有兩個打卡位，氣泡🫧🫧同埋噴金箔💰，滿滿儀式感🩷🩷拍片打卡一流🤩⭐️食物方面，食材好新鮮，而且有幾款都有海膽，尤其係毛蟹海膽卷、原個紫海膽同埋最尾嘅大大舊海膽卷，實在驚喜，海膽亦都好甜，真係好想再食🤩🐟魚類方面，用上比較油脂豐富嘅魚，例如鰤魚、油甘魚、銀雪魚等，充滿油香，我地兩個都好鍾意🥰🥰但係如果怕太油嘅魚，就要訂位時先同餐廳寫明，因為訂位之後係有個link send俾我，可以mark低有啲乜嘢唔食嘅！🐚貝類有北海道生蠔、元貝、馬刀貝、馬甲貝，又鮮又甜，好回味😋🦐但係完全冇蝦就有啲失望🥺🥺🥣最尾個蜆清湯好鮮作為句號👍🏻👍🏻🍈🍉🍰🍫訂位時講咗係慶祝結婚周年，竟然安排咗甜品有特別裝飾，超有心機，好靚🩷試過其他店慶祝生日或者周年只係得個牌仔插住就算數😂😂 赤肉蜜瓜甜到漏，仲有橙色西瓜，蛋糕仔一片，朱古力碎，大滿足😎師傅同女侍應服務態度好好，上菜速度因應客人食嘅速度，唔會太慢等太耐先食下一樣👍🏻👍🏻但係如果想慢啲傾下計，我諗要同師傅溝通一下先😉😉整個餐我哋大約食咗兩個鐘頭多少少就完😄…Read More

慶祝結婚20周年🩷🩷Weekend嚟呢間意大利餐廳食brunch buffet😀開心食餐飽傾餐飽三個鐘🤩我之前同朋友嚟食過，知道老公好鍾意食意大利呢啲小食前菜，所以專登book呢度🩷🦞海鮮凍盤最緊要食波士頓龍蝦啦，好多膏呀😃🥓🍖🧀🥐風乾火腿、芝士、麵包都有好多款式🤩🍆🫒🫛🌶️🍄‍🟫🧅🧄意大利出名好多凍嘅蔬菜頭盤都整得好好味，選擇勁多😁🍕🍕呢度最出名係即烤pizza😎BACI喺2022至2024連續三年嘅「50大薄餅亞太區大賽」中，奪得全港第2名及亞太地區第17名👏🏻👏🏻喺餐廳你會睇到廚師即烤pizza，pizza邊烤到燶燶地，又香又脆，餅底係鬆軟嘅，餡料豐富，真係好好味！而且係你同侍應落單佢先至即刻烤，上枱真係熱辣辣👍🏻👍🏻 有五款選擇，瑪格麗塔Margherita、意式肉腸、意式辣肉腸、四色芝士、火腿及菠蘿🍕🍕🍕🍕🍕 🍰🍨🍉🍈🍍🍇新鮮水果、蛋糕，同埋自家製雪糕，真係超級豐富餐牌上面仲有其他主食意粉等等可以另外每款加大約$38，但係我哋實在已經太飽啦，所以就冇試其他主食😃喺OpenRice訂位嘅時候mark咗係慶祝結婚周年紀念，侍應亦都好有心咁突然間拎咗個甜品俾我哋慶祝🩷🩷…Read More

原本諗住食燒味飯行到過嚟冇開門，咁就試吓食豬什粉啦，之前行過好多次都冇食，因為店舖真係太細，但今晚食咗真係有驚喜喎👍🏻👍🏻👍🏻我係好鍾意食內臟嘅人，豬牛雞嘅內臟都好鍾意😎我叫咗碗＂足料豬什湯＂，淨豬什嚟嘅，冇粉麵，因為我想食多啲內臟🤣 加咗$10花甲仔，再加咗$10枸杞葉，盛為$98！裏面有瘦肉、豬肺、豬肚、豬心、豬潤、粉腸，火候煮得幾好，唔會過熟硬晒，湯底超級甜，忍唔住攞隻大匙羹飲晒！份量都算多，好飽👍🏻👍🏻我老公一向嘴刁都讚好味！佢叫咗三餸，豬肺、豬肚、豬心，配公仔麵，都係成碗食晒，飲晒成碗湯😎除咗有辣椒油，仲有辣菜脯放喺枱面可以任加嘅，不過我同老公都唔食辣，所以就冇加到！睇返介紹，自設豬肉檔，大埔元朗天水圍都有豬肉檔，保證來源新鮮👍🏻但係店舖真係非常之細，只有三張摺檯即係六個位，而且冷氣唔夠，始終都係冇門嘅，有冷氣都走晒啦！大熱天時嚟到仲要飲晒成碗湯，大家嚟試嘅時候真係要有出汗嘅準備🤣🤣但係為咗食好嘢，我就唔怕熱嘅😁😁…Read More

星期五晚餐約咗朋友gathering😻想揀圓枱方便吹水，所以揀咗食中菜🥰得德福商場方便就腳，就揀北京樓啦😺🦆🫔北京樓必食片皮鴨，皮脆，但係切片嘅刀工可以好少少，有啲片到勁大塊，感覺係有啲求其嘅😛薄餅皮還可以，厚薄都算適中，但係海鮮醬太鹹，唔夠香！如果真係主打片皮鴨嘅話，覺得比起其他店就只算一般、還可以！🐟松子黃花魚，呢個炸得幾好👍🏻👍🏻，魚肉仍然嫩滑，冇乾晒，汁嘅味道都唔錯，不過配料可以再多啲😅🐔🍲砂鍋雲吞雞，湯都幾鮮😁🫛🐷乾煸四季豆，味濃，惹味，肉碎都多😄🦆煙燻素鵝，係我必食嘅小食，煙燻味好香👍🏻👍🏻🥣上海炒年糕，年糕幾煙靭，惹味👍🏻但份量太細碟🍌甜品叫咗高力豆沙香蕉，問咗職員只有香蕉嘅款，比起其他店舖比較細隻同埋實，亦都好少豆沙餡，呢個真係麻麻哋😕中途會有個師傅喺大廳度表演拉麵，我哋坐得太遠啦，就冇特別影相，當師傅拉完之後都有觀眾食客比掌聲，氣氛幾好😀…Read More