Sissyyan's Profile

環境簡樸，細小，但幾舒服。。好有農家感覺。。很清靜。。。食材非常新鮮，蝦多士用新鮮大蝦，肉質鮮嫩。。蔬菜好多，仲好新鮮，食落係好爽口，爽口到脆卜卜咁。。飲品方面都好大杯，凍咖啡勁重咖啡香味。。凍蜜桃茶，冇糖，好有蜜桃清香。。而最重點既事，係個pizza，salami cheese pizza，即叫即整，餡料多到幾層厚。。但又唔會太漏。。。好好好好好味🤤😋😋服務員態度非常友善，亦好細心介紹。。。很健談。。。…Read More

午餐去食好野。。😋叫左個刺身飯。本身個飯有海膽。但因為賣晒。所以轉左蟹肉。。帶子。。蝦。蟹子。玉子粒。刺身全部都好新鮮。。冇雪味。。（因試過食刺身仲係好冰冷。仲有雪味。唔好食🙈）而個飯。佢唔係平時日本舖頭既白珍珠醋飯。。而係啡色既飯。。好似糯米飯咁既質地。。所以食個飯都食左好耐。同埋都食唔晒。。。因為同糯米飯咁飽肚。。而個粟米沙律都ok既。。唔係整定再雪入雪櫃個d。。。凍冰冰咁俾人食。。個麵豉湯唔咸。。可以成碗飲晒。。而個小食。。係牛肉黎。。。味道唔知。因為冇食到。🙈服務員態度都好好。好有禮貌。。…Read More

星期日下午兩點幾。休閑咁去左科學園行下。見到哩間餐廳外面位置可以望到海。。就坐底順便食個中午餐。叫左兩個下午茶餐。一個係黑松露薯條。一個係卡 邦尼意粉。兩杯熱咖啡。薯條加黑松露醬。冇乜特別好唔好食。薯條炸得脆身既。而卡邦尼意粉唔太濃唔會太‘’傑‘’身。。。所以食晒都唔會覺得好“漏”。杯熱咖啡幾香。幾好味。。（本身唔太識分別點叫好咖啡🙈）因為揀左坐户外。。位置望正大海。。感覺好舒服。雖然隔左條單車徑。。但因為係高左層關係。。。其實就唔會阻擋到面前望海既環境。。…Read More

係台灣未試過。所以唔知味道正唔正宗。🙈我叫左雞胸肉。豬耳。貢丸。蜂巢豆腐。小辣。店員見議蜂巢豆腐。話會入味d。。而我叫左小辣。。唔係好辣。味道有點好似鹽焗雞既汁既淡味版。加少許辣既感覺。唔係好咸。。雞胸肉唔太乾身。豬耳有咬口。蜂巢豆腐又真係有味過食貢丸。。。見佢有得加麵底。有機會可以試埋。雖然好多人等緊。。但都好快有得拎。。唔使5分鐘就搞掂走人。。落單既哥哥仔都好主動俾意見。舖面細小。環境衛生望落都算清潔乾淨。…Read More

發現新開外賣漢堡包店。。位置雖然唔係大街。但都唔太難搵到。見佢試業價。。全部餐都係$28蚊。就試下。。叫左一個芝士熱狗餐。同一個豬柳蛋漢堡餐。叫左之後。大約等左5-8分鐘左右就有得拎。唔使等太耐。幾好。芝士熱狗餐。改配左牛油粟米。仲有一罐汽水。。芝士熱狗。d芝士有拉絲。。包整到脆身。。。加係有千島醬汁。。。而腸唔太乾。。豬柳蛋漢堡餐。薯條。一罐汽水。。薯條係粗身唔太咸軟身。而個包有少許菜。。同熟晒既蛋。。個汁係燒汁咁既醬。。。整體正常。。不過不失。。。…Read More

假期的午餐下午茶。叫左一個芝士熱狗和一塊炸雞皮。個熱狗上面既熱溶芝士好好味，唔太漏。。芝士下仲有d菇菌。感覺味道唔會太重。。中和返醬同芝士既濃味。。幾好。而熱狗內的腸係豬肉雞肉腸。。個腸好juice。唔會太乾。味道唔算好咸。。麵包有少少脆脆地。。好有咬口。見佢有炸雞皮。就叫左塊試下。。雞皮真心比較油。。味道都有少少偏濃味。。。不過可以接受。唔係勁咸個隻。。。炸粉都唔算太厚身。。整體黎講。。。個熱狗都幾好。。唔會太細舊。。而個雞皮就一般般。。不過不失。…Read More

今日落雨天。同班同事去左祥仔買外賣。見到有客人食梗個好靚既豬扒飯。。原來係好出名既脆脆豬扒飯。一打開。。雖然塊豬扒望落好似好細塊。。但佢都有點厚度既。。而佢出名個豬扒好脆。。我哋都擔心拎到返公司會冧晒。。點知。。切開仲係卡卡聲咁脆。。兼且個炸皮唔會好易同豬扒分開。。。值得一讚。而塊豬扒雖然不至好juice 多汁。。。但炸過後都唔會乾到好似食梗湯渣或者我豬扒乾咁樣。。真心個脆脆豬扒係唔錯。個飯方面。。望落都好似有點少。。但佢係炒飯底。。個茄汁唔會太茄膏個d咁假既味。。。仲有新鮮蕃茄仔。。個汁都幾好味。整體黎講。。哩個飯真係好食的。…Read More

元朗需要好多味食。。但真心韓國菜比較少。而近排係千色店附近開左間韓國菜外賣舖。。就買黎試試。。可能比較新。。我買時湯飯係未有。。。只好叫左個豬肉伴飯。。再加個辣炒年糕。。埋單$100。豬肉伴飯正常味道。。因辣醬自行加入。。豬肉唔太咸。。可以多少少味。。如果唔加辣醬。。味道偏清淡。。辣炒年糕。。內有少許魚片。。唔算太辣。。我暫時只有試過哩兩款，整體味道中等。。舖面環境都很乾淨清潔。擺放小食雪櫃內都乾淨。等外賣時間就要30分鐘左右先有。因即叫即整。。除咗本身小食。。唔需要等。…Read More

外賣得一款，冇其他選擇，牛肉都幾厚，邊位唔算好乾，中間位幾juicy...仲會係咁滴水，又唔太油，幾好味！包唔係特別好好好大個，一個女仔都食得晒！薯條話係用鴨油炸，食落外脆肉軟，咸咸地！而另一方面，係要等好耐，排長隊，11:45去到未開但已有人排梗隊，12:10左右開門，買完就再等左45分鐘，足足去到1:20先拎到外賣！價錢都有點貴，$100 一個包，冇餐，汽水一罐$30，薯條$20！…Read More

哩日放假.....所以就hea到2點幾3點先落街......買左哩間既漢堡食.....因之前食得太多....所以想食返d清淡野.....就叫左個芝士沙律雞蛋漢堡~!!真係好好味......好清新...唔會覺得d沙律醬好重好濃味.....!!!單買$15.....+ $8有埋個粗薯條同汽水~~!用哩個價錢食到d好質素既漢堡~~真係幾ok~比起m店....真係唔同d~~個包都大d呢....價錢又唔貴~~~真係值得再嘗試~!!…Read More

今日一行8人.......叫菜就交左俾另2位曾經黎過哩間食過既同事點.....妁下全部都好好味呀....由其個薯條~~~encorn~仲有個白汁意粉加蛋~~~~簡直係滑呀.....好食到爆~~~其於個2款都唔差......都係好味之上~仲有個香辣凱撒沙律都係好好食的一款.......(相比吞拿魚那碟)甜品叫左2款~~個朱古力濃得黎唔流~~~~個青檸cheese cake就夠清~~~個環境都好舒服、好乾淨、好特別....好有日本餐廳感覺~~!!服務都好有禮貌~~~我地個日都坐左好耐~佢地都冇黑面....仲不停幫我地添水....好有禮貌~~~~…Read More

入到去...見到都算幾多野食咁~~~d阿姐都算ok~~叫佢幫我地換一換個鐵板都冇黑面.....係有時顧住睇電視~~唔係好收下d碟咁....d熟食都唔可以話好好食.....可以入到口喇~~~~燒既野...冇話好唔好食ga呢.....d糖水都幾好喇.....d豆腐花仲好似有少少薑味tim~至於d湯~~就真係幾好味喎~~~由其個冬陰公、人蔘雞湯~~~~正到飲左幾碗~~…Read More

同2位朋友~周圍試新野....今次去左哩間.......好多人...好在訂左位....因為係放題....所以我地3個女仔都係咁叫左好多野食.....結果~~~當然有食唔晒~~~但個男經理就好串咁話.......今次我當冇事幫你收左佢...但下一輪再有食唔晒要收錢ga~um~~~我都而家又唔係食淨一大半...都係得個一碟壽司,,,,但個2件咁多....駛唔駛咁串呀....d態度真係好差........野食方面.....個牛肉鍋簡直唔得~一d都唔似日式既牛肉鍋~~~但個燒大假都仲可以~都算ok~~~~~~(燒都唔會難食得去邊啩)個炒金菇都幾重牛油味.....其他個d野食就.......如果只係為求飽肚唔計味道既話.....哩度都應該岩晒ga la~~~~…Read More

哩日同朋友去了屯門食飯.....3個人叫左7樣野.....都唔算貴.....記憶中好似唔過300喇.....炒干扁豆真係好食.....好野味~~小籠包入面好多湯~~~好好食~~~個奶白(樽)菜都好好食.......係d肉有d咸~~~個擔擔麵就普通左.....唔夠花生醬味~~!!至於個紅油抄手都算ok~~~~~~唔算好辣.......d辣油仲好似有少少甜甜底咁~~但個炒年糕~~~唔知係唔係我地食左好多濃味野....到食哩個既時候~~覺得佢好似冇乜味咁.......最後就係個甜品.......豆沙窩餅~~都幾夠豆沙....但個皮就厚左~~!!d服務態度都幾好.....只係佢原先入去前就話得1個鐘頭9個字食........最後....可能出面冇乜人...佢冇趕我地走......…Read More

我地一行3人....叫了3個....一個係心太軟...一個焗布甸+青檸雪糕...同一個撈物...個心太軟..真係做到外脆內暖....真係好味........仲要唔需要..好快就有....個芒果汁撈生果就一般...個布甸.....有d橙皮的....我唔太鍾意橙...但都可以接受.....最好食係個青檸雪糕...唔係好酸ga喎..好清新感覺.....好正...下次會再去.....…Read More