spacebp's Profile

經過商場，就去食吓，叫咗嗰雙拼麵，係豬紅同牛腩。牛腩非常鬆軟，唔會卡牙罅，然後豬紅有咬口，份量亦都好足，我向來都好大食，但佢啲粉唔少，可以填得飽我。店舖亦都有賣一啲自家製飲品，有豆漿同薏米水，大家嚟嗰陣不妨試吓。商場內小店居多，變咗店同店之間啲人都有計傾，坐係度食麵，聽老板同鄰舖啲人傾計，聽住入面老板播歌，其實食麵之餘仲係食緊人情味。如果下次經過，會再去幫襯，試埋其他餸。~~~~~~~~~~~~~~~~~~~~~~~~~~~~~…Read More

小弟因事忙，尋晚好遲先可以食 dinner，就臨急臨忙咁搵地方速吃。咁黃大仙大部分店都係收 22:00，佢哋都唔例外，喺佢臨收檔嗰時入去食，仍然被熱烈招呼。我叫咗一杯奶茶，一碗焗豬。焗豬係新鮮出爐，用上珍珠米，別有風味。飯仲係熱辣辣，芝士足料有拉絲，唯一小問題就係豬扒較硬，但七十幾蚊一個晚餐，咁嘅水準，實在係無可挑剔。奶茶，茶香奶滑。就算無落堂，仍然感受到一絲甜味。呢次短短 30 幾分鐘嘅用膳，比我對呢間餐廳留下好好印象，我下次有機會，一定會再幫襯（咁當然唔會好似今次咁夜）。…Read More

情人節晚餐，喺 Google map 物色到呢間嘢所以去試吓。情人節夜晚，高朋滿座，好多熟客，熱鬧非常。＊＊＊＊＊＊＊＊＊＊＊＊＊＊＊＊＊＊＊＊＊烏冬(冷麵)彈牙，比目魚外脆內軟，係唔使用牙都可以咬碎，味道都好好，因為個醬汁調得唔錯。，生蠔幾新鮮，周打蜆湯開胃，唯獨個扒有少少硬。服務員態度良好，會主動問我哋啲嘢好唔好食，係少數我覺得加一係抵比嘅餐廳。情人節人均消費 361，抵食。我有機會會再幫襯，繼續支持小店。…Read More

好好味，54蚊一個飯，有嘢飲。非常足料，仲用上珍珠米添。舖位比較難搵，好在門外都有個牌喺度，指示都叫清晰。******************************舖裏面掛咗好多貓貓相，廚房係開放式，見到裏面好乾淨。唯一問題係啲凳係高凳，坐得有啲唔舒服，好難坐太耐。******************************送餐好快，店主態度好好，亦好鍾意同客人傾計。疫情之下，香港都少咗好多特色小店，所以一定要多多支持，下次我會再次幫親㗎。…Read More

非常地道，試咗佢哋個curry chicken. 辣度喺香港人好容易接受，咖哩香氣撲鼻，同時唔會有刺激性，烤餅富有質感，有咬口又誤會硬。個雞既texture 好好，充滿咖哩香，吃完個陣餘韻，唔會好強，一絲絲咁，令人回味。店內佈置難掩老態，但坐位舒服，喺單人沙發嗰隻。店內好似小印度，所有服務既都無喺香港人，但更顯呢度喺印度餐廳既特色(有之前做過導遊既待應，廣東話留脷，怕講英文都唔怕)。待應有講有笑，好有人情味，服務亦好周到，貼心 ，配住悠揚既印度音樂，非常舒服。計算服務費後都喺66hkd, 好食足料，疫情下店員都慨歎生意難做，平時我都唔寫食評，但呢間堅好食，有興趣就嚟試試啦！…Read More