ks17jp's Profile

入去前唔記得睇一睇 openrice 先入去，咁就中左伏。午餐走去食左個滑蛋曼魚定食。小食: <蟹子沙律> 一食落去好似酸酸地，食真啲又唔係變左味。菜就一食就知係新鮮，個醬都唔知佢邊道買。一樣咁簡單嘅野都可以難食，接下來都唔敢想像。主菜:<滑蛋曼魚飯> 食落個汁還算入得口，啲飯太硬身。曼魚就無乜野。個飯越食越鹹，食到中途已經好想放棄，但係做人要有衣食，最終發努力食晒佢。其他: 上菜速度: 野食黎得好慢，等左差唔多廿分鐘先上菜，對於我呢啲一般打工仔黎講食個午飯用廿分鐘等上菜簡直奢侈。服務，環境都算可以，咁先舐野，令你防不勝防。總結: 以後都唔會再黎。…Read More

同女朋友黎食 lunch, 一人叫左個 lunch set. 我叫左個三文魚拖羅蓉飯，女朋友叫左個滑蛋豬扒咖哩汁掛烏東。三文魚拖羅蓉飯: 成為91蚊唔係特別貴，但係收得呢個價錢會對佢有一定程度嘅要求。啲三文魚一啲都唔新鮮，啲吞拿魚又唔好食，最重要個飯乾爭爭，醋都唔落多滴，我只有一路食一路鬧。滑蛋豬扒咖哩汁掛烏東: 成為64蚊呢個價錢好似合理好多，但佢嘅烏東同我樓下茶記無分別，啲豬扒更加唔掂，咖哩無乜味，豬扒咬落一啲都唔鬆軟，可能我期望太高。。。總括: 佢唔換廚，我有生之年都唔會想再黎。…Read More

叫左個早餐，有腸仔，薯粒，蕃茄通粉。個蕃茄通粉還可以，好有蕃茄味，但係薯粒無味，食落唔知食緊啲乜。條腸更加離譜，食左一啖要 ler 返出黎。如果唔少係因為太早入到機場其他野未開都唔會食佢。…Read More

平時去呢類韓炸都係公司見客食，今次同班朋友去，感覺返地道香港人食法。五條友叫左個4人餐，有生菜包，燒牛肉，人參雞之類嘅野，5個人啱啱好，因為份量好多，4個人食會飽死。因為有人食唔到太辣叫佢換個碟無咁辣，韓國人一向服務好，二話不說就換左比我地，不過因為語言唔太通換左兩次先換得啱，不過最後個年糕都係好食嘅。人參雞湯就麻麻，無人參味，其他野都好ok.…Read More