Tabletalk's Profile

#水牛城雞翼 (5隻)水牛城雞翼唔係一般認知嘅水牛城雞翼。雞翼係炸嘅，亦都冇水牛城醬，反而係喺雞翼上面加咗辣粉。其實叫辣炸雞翼會比較貼切。#醬油風白汁三文魚扁意粉意粉質感軟硬剛剛好，醬汁亦都唔係只係一般嘅白汁，而有加咗少少海膽嘅味道。不過整體偏鹹，三文魚味亦都比鹹味蓋過。#開心果碎慢煮燒羊架南瓜汁牛油蕃茄咁啱今日冇南瓜，所以叫嘅羊架並冇南瓜汁。羊架上面有好濃郁嘅孜然味，但係碟上面並冇開心果碎同埋蕃茄，只係得羊架同埋生菜。羊架亦都偏生，羊肉食落似三成熟。#菠蘿熱情果沙冰叫店員建議叫少甜，少甜後都幾好飲，呢杯嘢為成餐飯加返啲分🌟環境: 鋪面好乾淨，座位亦都唔會太逼夾，餐廳裏面亦都有打卡位🌟服務: 店員服務態度友善🌟份量: 份量偏小，唔係好食得飽🌟提點: 餐廳冇甜品供應，如果想食甜品就要去附近其他餐廳食啦…Read More

#焗粟米脆片餐牌上面寫住nachos上面淋滿三種芝士、酸奶油、自家製牛油果醬同墨西哥莎莎醬。本身諗住佢係只係將呢啲醬淋喺nachos上面，冇諗過佢係將呢啲醬淋喺上面之後連碟拎去焗爐焗，焗完後芝士同醬溶到去每塊nachos，又熱又脆，醬料分量適中，加咗啲辣椒仔，好食好過癮。#墨西哥夾餅(牛肉)牛肉係碎牛肉粒，食落肉汁豐富，汁多到滴哂出來，鹹淡適中，非常好食。四份手掌仔大小，餡料十足，所以食落都唔會唔夠。#PalomaPaloma龍舌蘭酒為基酒。飲品入面混合咗葡萄柚汁、檸檬汁同蘇打水，口感好清涼。環境: 餐廳係寵物friendly，有室外位服務: 店員服務態度非常友善，會主動推介，上菜速度快，對狗狗都非常友善份量: 份量大提點: 餐廳小店形式，座位同待應較少，餐具和水自助，叫左餐可以去雪櫃拎罐裝飲品…Read More

Tomato soup蕃茄湯呈現濃稠質地，帶有平衡的酸度和甜味。蕃茄湯的口感非常順滑。雖然沒有搭配麵包，但蕃茄湯作為開胃菜，十分適合作為晚餐的前菜。 Grilled Pork Shoulder in Creamy Mushroom Sauce Spaghetti呢碟餸以烤豬肩肉為主角，搭配奶油蘑菇醬和意大利麵，另外配上清煮的紅蘿蔔、西蘭花。豬肩肉肉質鮮嫩多汁，不過有啲肥，香氣料嫌不足。豬肩肉質嫩滑，食起上嚟油脂感飽滿，唔會好韌。醬汁嘅主要成分是奶油和蘑菇，令醬汁有濃厚、滑順嘅口感。 意大利麵亦掛到醬汁嘅味。 如果唔鍾意食意大利麵，你亦都可以揀飯作為煮食。Pizza Prosciutto Crudo E PestoPizza上面鋪滿新鮮嘅意大利原生火腿 (Prosciutto Crudo) 和青醬 (Pesto)。上菜時pizza已經分咗四份，一拎上手滿滿的芝士做成咗拉絲嘅效果。Pizza比較特別嘅就係加咗翠玉瓜同紅椒青椒。不過紅椒青椒未熟透同比較乾身，為披薩減分不少。Sweet Liege Waffle (with vanilla ice cream)Waffle 搭配雲尼拿雪糕。雲呢拿雪糕同鬆餅好夾，整體嚟講都幾好味。 Fresh lemon tea檸檬茶都幾大杯，不過就略嫌太酸。雖然佢有糖漿另上，但係加咗糖漿之後都係偏酸。環境: 鋪面好乾淨，係寵物friendly。有半室外位，座位亦都唔會太逼夾服務: 店員服務態度友善，上菜速度快，對狗狗都非常友善份量: 份量正常提點: 因為店舖冇分開狗狗區域，怕狗狗嘅朋友仔要留意…Read More

烤清江魚(金湯酸菜味) + 水晶粉(另上)烤魚係全條魚上，肉質鮮嫩。呢碟餸嘅精粹係個酸菜湯底。酸菜湯底唔會太酸，亦都唔太辣，非常濃味，魚肉點落去湯底好夾。另外加咗水晶粉，水晶粉吸晒酸菜湯底，超級濃味，勁正!不過魚同粉食落會偏油。孜然吋骨用鴨髀整嘅吋骨好入味，有BB辣，小辣，中辣，大辣，同唔辣揀。BB辣嘅辣味唔會蓋過孜然味，肉質亦都幾嫩滑。麻辣子雞揀咗BB辣味都幾辣，雞肉有少少硬，不過都好惹味。環境: 鋪面比較細，座位有少少逼夾服務: 店員服務態度友善，上菜速度快，店員仲會幫手將食物放入外賣盒，值得一讚份量: 份量偏多提點: 食物比較油膩，要飲多啲茶消滯…Read More

招牌麻辣小窩米線 $48 (凍飲加$3)小窩米線嘅配料有蔥、芽菜，韭菜、炸醬、酸菌、鮮辣肉碎、甜酸菜。配料份量好足夠。雖然話係麻辣，但係湯底唔算麻又唔算辣，亦都冇得揀辣度。可以加辣度選擇。米線細長有彈性，份量足夠。另外，加咗$8腩肉，腩肉有誠意好抵讚，腩肉份量唔少，比一般米線舖頭切得厚，所以好有味，新鮮豬味。環境: 餐廳環境雖然簡陋但乾淨，座位唔算多服務: 職員態度親切有禮，食物上台速度快親份量: 一碗份量夠食…Read More

雞翼仲係三重奏(玫瑰、柚子、水牛城) 鍾意雞翼嘅你一定唔會失望。每隻雞翼都好大隻，好Juicy。三隻味嘅雞翼都突顯咗佢哋獨特嘅味道。玫瑰味好清新，柚子味好開胃，不過水牛城口味就偏重。建議由清淡嘅開始食起，就可以好好試出佢哋嘅味道。魚蝦蟹千島pizza 呢個Pizza係薄底pizza ，總共解開咗做8塊。pizza上面分別有蟹柳、魷魚同蝦。除咗蟹柳之外，魷魚同蝦都冇味道，食落好似白烚咁。不過pizza底都ok，有千島醬同芝士味。烤榛子鮮奶咖啡(凍) 正常發揮，榛子味都突出環境: 餐廳環境乾淨，闊落，餐廳仲pet friendly，可以比狗狗入座服務: 職員態度非常有禮，食物上台速度正常份量: 啱啱好，嘢食唔會太少提點: 餐廳座位比較少，建議訂位…Read More

經過太肚餓見到有麵包舖就行咗入去入面見到有葡撻賣，葡撻個皮一層層，又見到佢寫係人氣，所以無諗咁多買咗一個黎食買完葡撻摸落係微暖，食落去個皮係無令人失望，好脆同好有口感，食得出層層分明至於中間蛋嘅部份食落都係暖暖地，不過就略嫌太甜。…Read More

食咗幾次覺得都好好味所以決定寫個食Oreo朱古力窩夫 - $81- 搭配朱古力醬和雲呢拿雪糕 (1球)- 另+$10升級至麻薯窩夫底唔似其他窩夫只有中間先有麻薯，呢個窩夫成個都係由麻薯整成，非常煙靭。成個甜品份量十足，直頭可以當晚餐咁食。另外，旁邊仲有香蕉切片，食落唔會太滯。Wasabi明太子章魚燒（8粒）- $42章魚燒的特色在於Wasabi的味道偏重，非常過癮。每一粒章魚丸都有少少章魚，不會只有麵粉。環境: 餐廳環境乾淨整潔，但係有啲逼同擁擠服務: 因為餐廳鋪面唔大，所以需要稍微排隊入座，但係都好快有位。入座後服務快速同有禮份量: 份量非常大，絕對超過了一般的期望，不洗擔心唔夠食提點: 餐廳沒有提供水，因為當吃甜食後會容易口渴，所以建議自備水…Read More