myP's Profile

呢排 天氣凍左少少, 就去打打邊爐先。蒸邊爈, 個名好似新野, 一於約幾個老友去試試初頭都唔知係點食法, 不過入到去好完善既, 有個餐牌每一樣餸,都有個時間比你睇返要蒸幾耐，而且啲侍應都好好服務, 會定時定後我地睇火上菜。其實佢的海鮮係非常鮮味, 不過食太快, 無影到, 但係就有龍蝦, 2個限叫1隻架,,,呢個必叫，好似蒸6分鐘就OK 蝦肉好鮮味, 又彈呀, 同平時滾邊爐好遠, 呢個好味 仲有好多膏添:)另外, 牛肉都好嫰滑, 啱啱好, 保留左絕大部份既肉汁, JUICY JUICY^^另外D肉汁就流左入D粥到啦....蔬菜方面, 籮白同粟米都唔錯, 同媽係屋企蒸一樣甜.最後食埋個精華粥就完成了,係一個非常非常鮮甜既粥。呢餐好驚喜,第一次試到蒸爐, 好特別, 與以前的大不同。:):)…Read More

過海搵朋友聚會，咁岩佢地屋企附近有間日本餐廳，就一齊去試圖試啦。入到去都算多人，但唔係滿曬籮。坐位都幾雅緻，唔會太迫。好奇怪，呢到有單點同埋放題同時開放既。單點餐牌就有好多款式選擇，都有套餐。不過我地都係食放題，食品種類都算多，只係無單點齊全。我地叫左好多刺身，同小食。刺身全部都厚切，有啲刺身款式平時係出面仲係好小見既添，其中三文魚仲要係腩位， 好美肥，好有魚香。仲好新鮮。而且帶子刺身就好鮮甜！！炸物都唔錯，炸餃子，炸芝士年糕個皮都好脆，炸芝士年糕脆皮內仲要係烟烟刃刃既年糕同埋滿滿既流心芝士，茺滿唔同食材既味道同層次感。仲有鹽焗芝士豪，擺放得好靚，就好似放係雪山上面咁，除左落重料，豪仲好大粒。整體感覺幾好，可以再黎。…Read More

做野去開大圍， 順便約左2個舊朋友出黎聚下，見到有間泰國野較新就試食下啦。我地叫左大蝦柚子沙律，豬頸肉，撈蒙粉，豬仔骨，同埋烤魚。第一道黎既係沙律呢個好推薦，真任好開胃，同埋啲料好豐富，每個材料都選得好好，好新鮮，有好多塊大塊既西柚（唔係碎碎哥啲）， 小蕃茄仔，去腸大蝦。。。味道好夾，好舒適，唔會頂胃。豬頸肉豬頸肉係以醬汁燒同埋薄切，再沾汁，真係好野味。燒豬仔骨開頭以為會冧左啲骨邊， 但係雖然有厚汁塗面， 肉質依然脆欶。仲好香。唔錯，唔錯。泰式撈蒙撈蒙本身質地幾爽， 再同大蝦，蝦咪仔，花生同酸辣汁撈埋一齊， 有唔同層次既口感，彈牙既蝦肉，蝦味濃又脆既蝦米，脆卜卜既花生，好野味，配合得幾好。燒魚魚剛瞓好燒起就上菜，快子夾起仲有煙， 肉質真係好嫩魚彈牙，完全唔鞋。酸酸地既汁更加引到魚咩出黎。呢到環境唔錯， 坐得幾空礦，又乾淨。幾好， 可以再黎，沙律一定要推薦。…Read More

情人睇得韓劇多，日日嘈住要食正宗韓國菜，請唔到假去韓國，就係香港搵間正宗既一，食住先，出年就帶佢飛去韓國，諗到到開心開心。平日去，去到個場無咁多人， 去到門口已經有個姐姐帶你入去， 係韓國人黎既，聽左幾句韓文，感覺上好好。係個餐牌，有好多款食物，有韓燒，有韓式小菜…………等等韓國既調味料特別好味，其實我都試左唔少野，其中有幾樣第一次食到，感覺好特別。每一個前菜都有一個個小小碗放好，感覺真係好似係韓國，而且機乎每個職員都係韓國人咁。小菜既相，幾別緻。。。。韓式醬油蟹呢道菜是係用全生的醃製料理好耐，係傳統菜。口感黏黏稠稠醬油蟹始終是醃製食品，味道偏重，因為醬油蟹正正是這種口感，而且單吃蟹膏、蟹肉會較膩，但非常新鮮及鮮甜 正 :)下次要再試多次。生牛肉呢道菜可以講係我第一次試既生牛肉，把牛肉切碎，放上生雞旦，梨子切絲，3個配料一齊撈，食起上黎，唔蘇，感覺似吞拿魚刺身，而且有口感爽脆既雪梨，為牛肉加添鮮甜味，超新鮮，有意思。人參雞食得韓國餐，必點既湯匙人參雞湯，雖然我唔係係夏天飲，入秋後，一樣想飲，呢個湯係用幾粒紅棗，加小小䓤花，雞內有糯米同埋一支人參煲成，此湯味道較有回甘但不咸，係雞肉都好有參味。今次我地係散叫，所以價錢較高。叫套餐會好啲，下次多人先去，可以試更多野食。…Read More

荃灣既韓舍真係有好多樣野食，唔單止本身既燒肉種類多，仲要刺身，壽司，同埋甜品都好多！佢味道又幾好wor! 好似熟食咁，每一盤都好多，諗住都唔會太好食，點知又唔錯wor。雖然拍唔上酒樓之類，但放題黎講有呢類口感同味道已經好好。燒既食物仲要有好多野俾我地燒，除左一般雞翼，豬，牛之類，總括來講都好入味 算有水準佢連菠蘿，冬菇都可以燒，唔洗成餐都員係食肉，咁肥膩先。除左熟食之外，想食返小小生冷野，佢地壽司都好味，而且又係多款，佢地材料都幾新鮮！另外希靈魚係我最愛 好爽口又甜美聽朋友話佢地甜品都好多好正，真係幾精緻呀 普遍都唔係好甜款式又多，食完之後，可以食埋甜品，唔洗周圍搵甜品鋪。佢地既鋪既style都好型架，可以睇下相，仲要價錢唔貴都係二百樓下！:)…Read More

好耐都無幫襯過吉野家再試下佢個玉子雞扒飯 賣相依舊討好份量剛OK, 雞扒幾件 個汁都好味, 但啲雞肉比仔鞋口溫泉蛋漿流量算多，溫泉蛋混在飯裡, 幾好的配合,   不過珍珠白飯較濕身，不過不失啦! $20既茶餐 算係咁啦…Read More

直美既食物我個人覺得可以試下食完之後第一個俾我個印象係蠔。蠔真係好好好大隻，無論係炸蠔 定係焗蠔都係好大隻又新鮮！講起生，不能不提刺身，佢地刺身同蠔一樣新鮮。所以，每一樣刺身都好值得叫，好似係三文魚又或者係大隻甜蝦都幾大舊同厚，好鮮甜又有油香 , 食起上黎感覺幾好。壽司唔錯，款式都幾多，根本上要咩都有，例如辣味八爪魚，海膽墨魚之類，每一種味道都好味，好似辣味八爪魚幾開胃架。D飯黏黏地 ,感覺幾好熟食方面，除左我頭先提過既炸蠔之外，本人認為佢既燒海蝦都幾好食，我連埋個蝦殼食（本人喜歡），食左陣咸咸地既殼，食完又唔會口乾，因為有蝦汁。仲其他串燒都幾好食，肉汁多，唔會好乾身。:)刺身同熟食都幾正〜加埋18幾，又抵，可以試下！…Read More

下午茶唔知食咩好，去左附近間越棧食，好耐都未襯 ,今次再試叫左豬扒撈濛粉，加一杯凍奶茶量仍然好足 香茅豬扒好大舊 炸得好香口， 香茅味都夠:)檬粉軟硬度亦都好，撈埋D酸汁 味道更且醒神杯奶茶太淡啦！整體都還幾正…Read More

又有放題係屋企附近新開啦!!!我成日去食開放題，呢間點會放過呢呢間有名叫漁之部屋，我估刺身一定有返咁上下啦!見佢係刺身方面放左好多心機 佢拎刺身拼盤出黎個時侯，個賣相好吸引~~成個感覺好華麗!!!:)而且D刺身又夠冰凍，加強左成味道個鮮味，加上佢個肉身本身夠厚，口感更加厚實，亦好多魚油香 佢無論係咩刺身，好似係三文魚或者係吞拿魚都做到呢個效果。:)佢仲有好多種類既食物，佢D熟食真係幾好，例如D羊架，唔會食到好辛苦同好UN，羊汁咇哂出黎。食日本野，壽司更係要食啦佢地D火灸壽司味道唔錯，飯少料足，料同飯 唔會各自搶走大家嘅味道味道剛好。:)呢放題幾正 下次再食過…Read More

搬咗去將軍澳無奈 發覺開咗好多新食店，見有間甘味咪去試下由於果時味道食晏時間，唔洗等位，落單都好快食物黎到，心諗咁少架 但食落之後先發覺有好多。原來佢張d飯壓實哂。佢先黎左個炸香芋圓，佢呢款又好好食，外面脆熱，內面芋頭香味好濃，食完令我再落多一碟。不過佢令我有些少口渴，佢個飯有送個湯，個味又幾清下，剛好可以解下渴。到個主菜黎啦，係個抄牛肉飯。一黎到陣牛味已經好香，重要佢個飯又多，陣牛汁味已經落哂d飯到，食落啖啖都牛味。根本上食完已經係飽哂。全部加埋都要六十幾，其實都算貴貴地，但品質都ok。…Read More

朋友介紹去試下 8點半去到, 環境不錯 枱同卡位都好闊落，感覺幾好呢到 雞煲好似好出名 ,叫左個小辣半隻雞, 應該係生炒過ｄ雞, 唔係烚完放落汁到就算味道不錯, 雞既份量都幾多又大件 仲幾嫩滑  汁惹味食完d 雞就會加湯打邊爐, 我地叫左小辣...辣算OK, 食到尾仲有d刺激 加上有少許辣辣麻麻，愈滾愈好味火鍋配料我地叫左響鈴  加左落湯2秒即食 好脆 又唔油利手切牛好嫩，好有牛味炸魚皮普通左d薯粉，好煙un 吸了雞汁超正油墨菜, 致在清下口腔 不過盤菜大碟d就好了其他食物都幾新鮮,  個雞汁實在太惹味，所有野食都變得好好食值得推介一下.:)…Read More

今日突然好想食pizza 見近近地就選擇左pizza hut 反正近排間野送左張卷 可以食滿160換8隻雞翼 於是就去左由於我五點幾左右就去左 果段時間沒咩人去 所以唔洗等位就入左去坐左入去 即刻落單 叫左脆雞棒伴薯條 一個小pizza 同一客寛條麵 仲有用卷換返黎既8隻辣雞翼本身怕三個人唔夠食 所以諗住食完再叫多個大pizza 點知原來份量都好大 三個人完全夠飽 講返食物先用卷換返黎既雞翼 都幾大隻 而且肉質滑嫩 加上剛剛煮熟 又有少少既辣味 好開胃 同好合適做飯前小食:)至於個脆雞伴薯條 明明係餐單睇好細舊 但一出黎既size原來都好大份 好似一般快餐店所見 個脆雞本身沒咩味 但佢本身外脆內嫩 再加埋本身附送既醬 原本沒味既炸雞變得味道一流 :)而個pizza 我就選擇左至尊pizza 再加個芝心批 上面既波羅再配埋上面既汁 本來就好味 再加埋芝心批既芝士 實在令人食指大動 不過 個pizza太膩 食左一舊 就開始食唔落其他 好彩只係叫左個細 所以三人黎講 份量剛好:)至於個寛條麵 我就覺得一般 可能係咁多美食下 變得沒咁吸引 而且份量都不算太多但大體黎講 我覺得價錢合理 每人都係七十幾蚊左右 但份量非常足夠 低食:)…Read More

早2日訂左位，同以住一樣 超多人 一邊玩電話一邊等 時間都算過得快啦 有得入場啦先講刺身，呢到款式算多，放題算新鮮當中大頭甜蝦，可能價錢較貴，放題較少有，其餘仲有三文魚，吞拿魚，北寄貝，鮑片，螺肉等。三文魚我至愛，好新鮮兼大大件 好有魚油香其次大頭甜蝦 買相討好 幾彈牙 亦冇雪味 好滑囗 食到幾鮮味:):)北寄貝同 螺肉幾爽 停唔到口 我地前後叫左3盤來食呀炸物好食，應是即叫即炸咁，好脆，粉漿唔太多，特別推介蝦天婦羅燒物，羊架必食，我都食左2件，燒得剛好 肉係半肥瘦 唔so ，佳之選。:):)整體食物都好味，只係燒物有D漏單啦環境唔大但算坐舒服啦，幸好食物質素幾好 …Read More

同友人 排了足一個小時, 好彩.天氣未算熱, 少點耐性也不行店內日式裝修, 一格格的座位, 難與朋友傾計禾 欠缺了人情味啦 亦見不到師傅的煮麵過程我地根據個人喜好, 選喜愛的拉麵煮法. 不到五分鐘, 侍應送上拉麵. 試一口湯,  味道剛剛好 香濃的豬骨味, 不太油,, 真係同日本幾相似, 唔錯. :):)至於麵, 用上九州直條的那款, 味道也不錯, 要求煮得偏硬, 真的煮得偏硬, 口感（過引）. 叉燒反而很普通, 2小塊之餘亦超薄得過分雖然味道不錯, 但要排成個鐘, 下次不會啦…Read More

本來想佢上面個間食日本放題 但沒有位 唯有轉陣啦 見到呢一間新開 食潮州菜 見到個餐牌 （北海道花昭蟹套餐) 都幾抵不如試吓啦 個餐先來個蟹肉冬瓜羹 超大碗 比較'結身' 味道濃郁但唔太鹹 有好多蟹肉係羹內 正:)芝士焗蟹蓋 整個蓋部滿佈芝士 買相就一流啦 裏面有D磨菇 夾埋啲芝士同蟹膏一齊食幾正 但係蟹高就少左啲啦上湯焗蟹伊麵 上台時 份量非常澎湃用晒D蟹腳同蚶去煮伊面 啲蟹腳同蚶裏 滿佈蟹肉 肉質不算十分彈牙 但非常有蟹味 D殼仲非常容易meet 伊面用上湯濕煮 面有D彈牙 還滲入左蟹肉味道 正最後甜品有 清心丸綠豆爽唔太甜 綠豆煮到起溶 而且清心丸好煙un 好特別最後可能太多客 服務員唔太夠 改善下就好…Read More