一間我耐唔耐都會去飲嘅咖啡店，都係因為喜歡裝修風格及地點關係，當然咖啡也有水準。上星期六經過上環想去搵間咖啡店，所以過咗嚟呢邊唔算多人，戶外側邊有四個座位，只見有一個女仔，但奇怪有幾個袋佔用兩張枱嘅座位，剩餘嗰兩張枱有一張俾佢裝咗腳架坐住左打卡，本來都諗住坐剩返嗰一張枱，但發覺原來張凳爛咗，之後我想去佢打完卡嗰張枱坐，點知佢又折返表示佢要繼續影，咁我都好無奈，亦冇癮避開。而返去室內亦見到有兩個女仔不停影相，唔知係咪同一伙人。明白有啲餐廳會特登搵KOL去做宣傳介紹，或者係KOL自己本身去搵啲啱打卡嘅餐廳影相，邊樣都好餐廳或KOL本身都應該注意是否有影響到其他客人，否則只會令其他客人反感，這些都是基本常識，我當下亦都冇對個女仔講出意見，就係唔想講完影響自己心情，況且可以選擇嘅地方仲有好多，而家想喺香港咁困難嘅環境生存，好食之餘，亦都需要其他因素維持，希望商店同顧客都懂得解決同自我提醒，以免影響其他人…Read More
Lassana Coffee (邦暉大樓)
2024-03-17
The above review is the personal opinion of a user which does not represent OpenRice's point of view.
Like
